Articles by "AJALI"
Showing posts with label AJALI. Show all posts

Kajunason at 0
Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi akikabidhi Tuzo maalumu Meneja Mkazi wa Kampuni ya Emirates Leisure Retail Zanzibar, Paul Atallah (wa pili kushoto), kwa niaba ya kampuni hiyo na Qatar Foundation kwa kutambua mchango wao mkubwa katika kusaidia watu wenye uhitaji.

Na Dotto Mwaibale, Zanzibar

RAIS wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi ametoa Tuzo maalum kwa Kampuni ya Emirates Leisure Retail Zanzibar na Qatar Foundation kwa kutambua mchango wao mkubwa katika kusaidia watu wenye uhitaji.

Dkt. Mwinyi alitoa tuzo hizo katika kilele cha Maadhimisho ya Siku ya Watu Wenye Ulemavu yaliyofanyika Desemba 4, 2025 kwenye Ukumbi wa Dr. Shein – Tunguu, Chuo Kikuu cha SUZA, Mkoa wa Kusini Unguja tukio lililohudhuriwa na viongozi wa Serikali, wadau wa maendeleo, mashirika ya kijamii, na wananchi kutoka sehemu mbalimbali za Zanzibar.

Akihutubia katika maadhimisho hayo Rais Mwinyi aliwataka wadau kuendelea kuunga mkono jitihada za Serikali za kuwawezesha watu wenye ulemavu na alisisitiza kuwa maendeleo ya kweli ni yale yanayowahusisha watu wote bila kuacha kundi lolote nyuma.

Aidha, Dkt. Mwinyi alitumia nafasi hiyo kuwapongeza wadau na wahisani kwa kujitolea kwao kuchangia maendeleo ya jamii zenye watu wenye ulemavu na kueleza kuwa Serikali itayafanyia kazi maoni na ushauri uliotolewa ili kuhakikisha watu wenye ulemavu wanapata fursa kamili za kutimiza malengo yao.

Kwa upande wake Meneja Mkazi wa Kampuni ya Emirates Leisure Retail Zanzibar, Paul Atallah, alilishukuru Baraza la Watu Wenye Ulemavu Zanzibar kwa kutambua mchango wa Emirates Leisure Retail na kueleza kwamba kampuni hiyo itaendelea kuwa mshirika wa karibu wa Serikali na jamii katika kuleta maendeleo chanya kwa watu wenye ulemavu.

Utambuzi wa Wadau Maalumu

Katibu Mtendaji wa Baraza la Watu Wenye Ulemavu Zanzibar, Ussi Khamis Debe, akizungumza kwenye maadhimisho hayo alitoa shukrani kwa wadau wote wanaounga mkono juhudi za Serikali katika kusaidia watu wenye ulemavu.

Aidha, kwa nafasi ya kipekee alimshukuru Afisa Utawala Msaidizi wa Kampuni ya Emirates Leisure Retail Zanzibar, Ramadhan Hussein Layya (Maarufu Msokolo),kwa mchango wake mkubwa na wa muda mrefu, hususan katika kusaidia watu wenye ulemavu wa ngozi kupitia misaada, ushiriki, na michango inayobadilisha maisha ya wanufaika.

Kaulimbiu ya Maadhimisho:

"Uwezeshaji na Ushirikishwaji wa Watu Wenye Ulemavu kwa Maendeleo Jumuishi."

Misaada Iliyotolewa katika maadhimisho hayo kwa ajili ya makundi mbalimbali ya wahitaji ni

Vyerehani kwa ajili ya kujiajiri, kofia maalumu (round hats) kwa ulinzi wa ngozi, miwani ya kinga na vifaa vya kurekebisha uoni, baiskeli za mwendo kwa watu wenye ulemavu wa viungo, fedha za mikopo kwa kuanzisha au kuendeleza biashara.

Vifaa vingine vilivyotolewa ni vya kuongeza uwezo wa kujitegemea mashine za kusaga nafaka.

Misaada hiyo imeleta furaha, matumaini, na thamani kubwa kwa wanufaika na familia zao, ambayo inakwenda kuwasaidia kutimiza ndoto zao na kuimarisha ustawi wa familia zenye watu wenye uhitaji maalumu.

Kauli ya Emirates Leisure Retail Zanzibar na Qatar Foundation:

Uongozi wa kampuni hizo umeeleza dhamira zao za kuendelea kushirikiana na Serikali na wadau wengine kuhakikisha watu wenye ulemavu Zanzibar wanapata fursa sawa za ustawi na maendeleo, na kuendelea kuwekeza katika miradi ya kijamii inayobadilisha maisha ya watu wenye uhitaji maalumu.
Viongozi wa Kampuni hizo na wadau mbalimbali wakiwa kwenye maadhimisho hayo.

Continue reading

Kajunason at 0

●Serikali Yatoa Pole, Yaahidi Hatua za Dharura

TABORA, TANZANIA — Serikali ya Jamhuri ya Muungano wa Tanzania imetoa salamu za pole kwa familia, ndugu, na jamii nzima ya Mkoa wa Tabora kufuatia ajali ya moto iliyotokea Julai 28, 2025 katika Makao ya Watoto Igamilo, Halmashauri ya Manispaa ya Tabora, na kuua watoto watano.

Kupitia Taarifa rasmi iliyotolewa Julai 29 na Wizara ya Maendeleo ya Jamii, Jinsia, Wanawake na Makundi Maalum, Waziri Dkt. Dorothy Gwajima amesema Serikali imepokea kwa masikitiko makubwa taarifa za tukio hilo ambalo limeacha majonzi na huzuni kubwa kwa taifa zima.

"Ni huzuni, ni majonzi. Tunatoa pole kwa familia, ndugu, jamaa na marafiki walioguswa na msiba huu mzito. Tunawaombea faraja, subira na nguvu katika kipindi hiki kigumu," ilieleza sehemu ya taarifa ya Waziri Gwajima.

Kwa mujibu wa taarifa hiyo, Jeshi la Polisi linaendelea na uchunguzi kubaini chanzo cha moto huo. Wizara imesisitiza kuwa wamiliki na wasimamizi wa Makao ya Watoto kote nchini lazima kuhakikisha ukaguzi wa mifumo ya umeme na miundombinu ya kinga dhidi ya majanga ya moto unafanyika mara kwa mara ili kuzuia matukio kama haya.

Serikali pia imethibitisha kuwa watoto waliojeruhiwa katika tukio hilo wanapata matibabu bure, huku wengine wakihifadhiwa mahali salama wakisaidiwa kisaikolojia na kijamii kupitia Maafisa Ustawi wa Jamii na Halmashauri husika.

Wizara imesisitiza kuwa itaendelea kufuatilia kwa karibu mwenendo wa tukio hilo na kuhakikisha hatua stahiki zinachukuliwa ili kuimarisha usalama na ulinzi wa watoto katika Makao yote nchini.

Continue reading

Kajunason at 0
●Wivu wa mapenzi wadaiwa kuwa chanzo cha tukio la kusikitisha

Na Regina Ndumbaro, Songea-Ruvuma.

Jeshi la Polisi Mkoa wa Ruvuma linamshikilia mwanamke mmoja, Wende Luchagula, kwa tuhuma za mauaji ya kikatili ya watoto watatu, akiwemo Lugola Lutelemula mwenye umri wa miaka 6 pamoja na mapacha wa miezi minane, Kulwa na Doto Lutelemula – wote wakazi wa kijiji cha Milonji, kata ya Lusewa, Wilaya ya Namtumbo.

Tukio hilo la kusikitisha lilitokea mnamo tarehe 12 Julai 2025, na linasemekana kuchochewa na wivu wa mapenzi kati ya wake wawili wa mume mmoja.

Akizungumza na waandishi wa habari leo Julai 25, 2025 katika Manispaa ya Songea, Kamishna Msaidizi Mwandamizi wa Polisi Mkoa wa Ruvuma (SACP), Marco G. Chilya (Pichani) amesema uchunguzi wa awali umebaini kuwa tukio hilo lilitekelezwa majira ya saa nane mchana na tayari mtuhumiwa anashikiliwa na Polisi kwa hatua zaidi za kisheria.

“Tukio hili limehuzunisha na kushtua taifa zima, hasa ikizingatiwa kuwa waliouawa ni watoto wadogo wasio na hatia. Jeshi la Polisi limechukua hatua stahiki kuhakikisha mtuhumiwa anafikishwa kwenye vyombo vya sheria haraka iwezekanavyo,” alisema Kamanda Chilya.

Aidha, Jeshi la Polisi Mkoa wa Ruvuma limetoa rai kwa wanandoa wanaoishi katika ndoa za wake wengi kuwa wavumilivu, kujiepusha na chuki au wivu wa kupindukia, na kutafuta suluhu kwa njia ya amani kupitia viongozi wa dini, wazee wa familia au viongozi wa kijamii.

Pia, jamii imetakiwa kuendelea kushirikiana na vyombo vya dola kwa kutoa taarifa mapema pale panapojitokeza viashiria vya migogoro au uvunjifu wa amani, ili kuzuia madhara makubwa kama haya kutokea tena.

Jeshi hilo limeahidi kuendelea kushirikiana na wananchi katika kuhakikisha mazingira salama na yenye ustawi kwa wote, hasa watoto ambao ni kundi lenye uhitaji mkubwa wa ulinzi na upendo kutoka kwa jamii nzima.
Continue reading

Kajunason at 0
Katibu Mtendaji wa Kamati hiyo SSP. Zauda Mohamed (wa kwanza kushoto) akiwa pamoja na Maafisa, Wakaguzi na Askari kutoka kikosini wakipokea vifaa vya TEHAMA kwa Mjumbe wa Kamati hiyo Bi. Veronica Ignatus mapema wiki hii jijini Arusha.
Na Mwandishi Wetu.

Kamati ya Usalama barabarani Mkoa wa Arusha leo Machi 28, 2025 imekabidhi kompyuta kwa kikosi cha Usalama Barabarani Mkoa wa Arusha kwa ajili ya matumizi ya mifumo ambayo inatummiwa kwa sasa na kikosi hicho katika kutoa huduma.

Vifaa hivyo vine kabidhiwa na Mjumbe wa Kamati hiyo Bi. Veronica Ignatus na kupokelewa na Mkuu wa Kikosi cha Usalama barabarani ambaye pia ni Katibu Mtendaji wa Kamati hiyo SSP. Zauda Mohamed pamoja na Maafisa, Wakaguzi na Askari kutoka kikosini hapo.

Aidha SSP Zauda amebainisha kuwa vifaa hivyo vitasaidia kwa kiasi kikubwa kutokana na mabadiliko ya kiutendaji ndani ya kikosi hicho ambacho kimejikita zaidi katika matumizi ya mifumo katika utoaji huduma.

Huu ikiwa ni muendelezo wa kwani mwazoni mwa mwezi machi Kamati hiyo ya Usalama barabarani mkoa wa Arusha iliweza kukabidhi Jeshi la polisi Mkoa wa Arusha Machi 06, 2025 magari matano aina ya Toyota Probox kwa ajili ya matumizi ya Kikosi cha Usalama barabarani.

Magari hayo yamekabidhiwa na Mjumbe wa Kamati hiyo Bi. Veronica Ignatus na kupokelewa na Afisa Mnadhimu wa Polisi Mkoa wa Arusha ACP. Debora Lukololo na kushuhudiwa na Mkuu wa Kikosi cha Usalama barabarani ambaye pia ni Katibu Mtendaji wa Kamati hiyo SSP. Zauda Mohamed pamoja na Maafisa, Wakaguzi na Askari.
Continue reading

at 0


Mkurugenzi wa BRAC Tanzania, Joydeep Sinha Roy akikabidhi msaada wa vifaa muhimu na rasilimaliza elimu kwa Mwenyekiti wa Shule ya Bethasadia Raymond Mashary (kushoto) , wakati wa kuadhimisha miaka 53 toka kuanzishwa kwa Shirika hilo la BRAC .

Shirika lisilo la kiserikali BRAC Tanzania imesherehekea mwaka wake wa 53, kwa kutoa vifaa muhimu na rasilimali za elimu ili kusaidia uwezeshaji wa wasichana na upatikanaji wa elimu bora.

Katika kurudisha kwenye jamii, wafanyakazi wa BRAC wakiongozwa na Mkurugenzi Mtendaji wa BRAC Tanzania Joydeep Sinha Roy wameshiriki kwa pamoja kutoa vifaa muhimu na rasilimali za elimu kusaidia uwezeshaji wa wasichana na upatikanaji wa elimu bora katika Shule ya Yatima ya Wasichana ya Bethesaida iliyopo Mbezi Mpiiji Magohe.

Akizungumza na wanafunzi hao baada ya kufika Shuleni, Joydeep alisema Kujitolea kwao nchini Tanzania ni katika kuonesha Shirika lao limejikita katika masuala ya kijamii na uwezeshaji wa watoto wa kike kupitia sekta mbalimbali.

Joydeep amesema, wanasherekea mafanikio haya kwa pamoja na kutazamia siku zijazo zilizojaa matumaini, na mabadiliko chanya kupitia Shirika lao ambali limekuwa linajikita katika masuala ya uwezeshaji kiuchumi na kijamii.

"Lengo ni kuendelea kushirikiana na serikali, watunga sera, na mashirika ya kimataifa kwa ajili ya kupunguza umaskini ambapo kupitia Shirika letu tuna huduma za kifedha, Makuzi, Malezi na Maendeleo ya Awali ya Watoto Wadogo, Uwezeshaji wa Vijana, Elimu, Kilimo, na Programu ya Uondoaji Umasikini Uliokithiri," amesema Joydeep.

Mwenyekiti na mwanzilishi wa Shule ya Sekondari Bethsadia , Raymond Machary amewashukuru BRAC Tanzania kwa kuwakumbuka mabinti hao ambapo wengi wao bado wanahitaji msaada huo kwani Shule hiyo inachukua wale wanachukuwa wanafunzi wenye uhitaji ambao wengi wao wakiwa hawana wazazi.

Mashary amesisitiza yapo Mashirika na Taasisi ambazo zinaweza kujitolea kwa ajilo ya wanafunzi hawa, kikubwa ni kuwa na moyo wa kujitolea kama walivyofanya Shirika la BRAC, na yeye kama Kiongozi Mkuu wa Shule hiyo ya wasichana anawakaribisha wakati wowote.

Siku ya BRAC mwaka huu imesherehekewa nchi nzima tarehe 24 machi 2025, kwa kutembelea sehemu mbalimbali wakiwa na Kauli mbiu "Pamoja kama BRAC: Kusherehekea kwa Pamoja," ambapo itajumuisha hotuba za kuhamasisha, majadiliano kuhusu mafanikio ya Shirika lao, na ramani ya kimkakati kwa ajili ya mipango ya baadaye.

Mbali na kusherehekea mafanikio yao, Siku ya BRAC 2025 imekusudia kukuza umoja na ushirikiano wa ndani kupitia mijadala. Mikutano hii itatoa jukwaa kwa wafanyakazi kushiriki mawazo kuhusu changamoto, uvumbuzi, na athari halisi za kazi wanazokutana pamoja na Washiriki kutoa ushuhuda wa hisia kutoka kwa washiriki wa programu na wateja wakionyesha mabadiliko halisi yaliyowezeshwa na programu za BRAC.

BRAC Tanzania ni shirika linalounganisha mashirika mbalimbali ya BRAC, yakiwemo BRAC Maendeleo Tanzania (BMT), BRAC Tanzania Finance Limited (BTFL), na BRAC Enterprises Tanzania Ltd (BETL), ambayo yanafanya kazi za mabadiliko kama vile huduma za kifedha, Makuzi, Malezi na Maendeleo ya Awali ya Watoto Wadogo, Uwezeshaji wa Vijana, Elimu, Kilimo, na Programu ya Uondoaji Umasikini Uliokithiri ambapo takribani watu Milioni 1.4 wanafikiwa na huduma zao.
Mkurugenzi wa BRAC Tanzania, Joydeep Sinha Roy akizungumza na wanafunzi wa Shule ya Sekondari Bethasaida walipotembelea na kutoa msaada wa vifaa muhimu na rasilimaliza elimu kwa wasichana hao, hilo limefanyika wakati wa kuadhimisha miaka 53 toka kuanzishwa kwa Shirika hilo.
Wanafunzi wa Shule ya Sekondari Bethasadia wakipokea msaada wa vifaa maalumu na rasilimali elimu kutoka Shiroka la BRAC Tanzania

Continue reading

Kajunason at 0

Mwenyekiti wa Tume Huru ya Taifa ya Uchaguzi, Mhe. Jaji Rufaa Jacobs Mwambegele ametembelea na kukagua mafunzo ya vitendo kwa Maafisa Waandikishaji Wasaidizi ngazi ya Jimbo wa Halmashauri ya Jiji la Tanga na Halmashauri ya Wilaya ya Muheza mkoani Tanga katika siku ya pili na ya mwisho ya mafunzo yao leo Februari 7,2025.


Uboreshaji wa Daftari utafanyika Mkoa wa Tanga kwenye Halmashauri ya Jiji la Tanga, Halmashauri za Miji ya Handeni na Korogwe na Halmashauri za Wilaya ya Kilindi, Lushoto na Muheza sambamba na Mkoa wa Pwani kuanzia Februari 13 hadi 19,2025 ambapo vituo vitakuwa vinafunguliwa saa 2:00 asubuhi na kufungwa saa 12:00 jioni.


Akizungumza na Maafisa hao Mhe. Jaji Mwambegele aliwasisitiza kutambua umuhimu wa zoezi la Uboreshaji wa Daftari la Kudumu la Wapiga Kura kitaifa na kuwahimiza pia kushirikiana na wadau wa Uchaguzi wakiwepo Vyama vya Siasa alivyovitaka vihakikishe vinateua mawakala katika kila kituo ili waweze kusaidia kuwatambua wananchi kutoka maeneo husika.

Mjumbe wa Tume Huru ya Taifa ya Uchaguzi, Jaji wa Mahakama Kuu Mhe. Asina Omari, leo tarehe 07 Februari, 2025 ametembelea mafunzo ya Maafisa Uandikishaji Wasaidizi ngazi ya Kata katika ukumbi wa shule ya Sekondari ya Mwinyi, uliopo Halmashauri ya Wilaya ya Mkuranga ikiwa ni siku ya pili ya Mafunzo hayo.
Uboreshaji wa Daftari la Kudumu la Wapiga Kura kwa mikoa ya Pwani na Tanga katika Halmashauri za Wilaya Lushoto, Kilindi, Muheza, Korogwe, Mji wa Korogwe, Mji wa Handeni na Jiji la Tanga unatarajia kuanzia tarehe 13 Februari hadi 19 Februari, 2025 na vituo vya kuandikisha Wapiga Kura vitafunguliwa kuanzia saa 2:00 Asubuhi na kufungwa saa 12:00 Jioni kwa muda wa siku Saba.
Mjumbe wa Tume Huru ya Taifa ya Uchaguzi, Mhe.Magdalena Rwebangira, amewataka watendaji wa Uboreshaji wa Daftari la Kudumu la Wapiga Kura, ngazi Kata, kuwa waadilifu wakati wote wanapokuwa wakitekeleza majukumu yao. Mhe.Rwebangira ametoa maelekezo hayo leo Februari 07, 2025, alipotembelea mafunzo kwa watendaji hao katika Halmashauri ya Wilaya ya Handeni, mkoani Tanga, ambapo pia amewasisitiza kuzingatia mafunzo hayo, ili wakaweze kutekeleza majukumu hayo kwa ufanisi. Mafunzo hayo ni sehemu ya maandalizi ya Uboreshaji wa Daftari la Kudumu la Wapiga Kura, unaotarajiwa kuanza Februari 13, 2025 hadi Februari 19, 2025, katika mikoa ya Pwani na Tanga katika Halmashauri ya Jiji la Tanga, Halmashauri za Miji ya Handeni na Korogwe na Halmashauri za Wilaya ya Kilindi, Lushoto na Muheza.
Mjumbe wa Tume Huru ya Taifa ya Uchaguzi Mhe.Dkt. Zakia Mohamed Abubakar ametembelea mafunzo ya Maafisa Uandikishaji wasaidizi ngazi ya kata wa Halmashauri ya Wilaya ya Mafia mkoani Pwani ikiwa ni siku ya pili ya mafunzo hayo.


Uboreshaji wa Daftari la Kudumu la Wapiga Kura kwa mikoa ya Pwani na Tanga katika Halmashauri za Wilaya Lushoto, Kilindi, Muheza, Korogwe, Mji wa Korogwe, Mji wa Handeni na Jiji la Tanga unatarajia kuanzia tarehe 13 Februari hadi 19 Februari, 2025 na vituo vya kuandikisha Wapiga Kura vitafunguliwa kuanzia saa 2:00 Asubuhi na kufungwa saa 12:00 Jioni kwa muda wa siku Saba.




Afisa Mwandikishaji wa Halmashauri ya Jiji la Tanga , Mwanaidi Nondo, akiwa katika mafunzo hayo.




Mwenyekiti wa Tume Huru ya Taifa ya Uchaguzi, Mhe. Jaji Rufaa Jacobs Mwambegele ametembelea na kukagua mafunzo ya vitendo kwa Maafisa Waandikishaji Wasaidizi ngazi ya Jimbo wa Halmashauri ya Jiji la Tanga na Halmashauri ya Wilaya ya Muheza mkoani Tanga katika siku ya pili na ya mwisho ya mafunzo yao leo Februari 7,2025.










Mwenyekiti wa Tume Huru ya Taifa ya Uchaguzi, Mhe. Jaji Rufaa Jacobs Mwambegele ametembelea na kukagua mafunzo ya vitendo kwa Maafisa Waandikishaji Wasaidizi ngazi ya Jimbo wa Halmashauri ya Jiji la Tanga na Halmashauri ya Wilaya ya Muheza mkoani Tanga katika siku ya pili na ya mwisho ya mafunzo yao leo Februari 7,2025.





Mwenyekiti wa Tume Huru ya Taifa ya Uchaguzi, Mhe. Jaji Rufaa Jacobs Mwambegele ametembelea na kukagua mafunzo ya vitendo kwa Maafisa Waandikishaji Wasaidizi ngazi ya Jimbo wa Halmashauri ya Jiji la Tanga na Halmashauri ya Wilaya ya Muheza mkoani Tanga katika siku ya pili na ya mwisho ya mafunzo yao leo Februari 7,2025.


Mjumbe wa Tume Huru ya Taifa ya Uchaguzi, Jaji wa Mahakama Kuu Mhe. Asina Omari, leo Februari 07 , 2025 ametembelea mafunzo ya Maafisa Uandikishaji Wasaidizi ngazi ya Kata katika ukumbi wa shule ya Sekondari ya Mwinyi, uliopo Halmashauri ya Wilaya ya Mkuranga ikiwa ni siku ya pili ya Mafunzo hayo.




Mjumbe wa Tume Huru ya Taifa ya Uchaguzi, Mhe.Magdalena Rwebangira akitembelea mafunzo kwa mafunzo ya vitendo kwa Maafisa Waandikishaji Wasaidizi ngazi ya Jimbo katika Hamashauri ya Wilauya ya Handeni mkoani Tanga,leo Februari 07, 2025, ambapo pia amewasisitiza kuzingatia mafunzo hayo, ili wakaweze kutekeleza majukumu hayo kwa ufanisi.



Mjumbe wa Tume Huru ya Taifa ya Uchaguzi, Mhe.Magdalena Rwebangira akitembelea mafunzo kwa mafunzo ya vitendo kwa Maafisa Waandikishaji Wasaidizi ngazi ya Jimbo katika Hamashauri ya Wilauya ya Handeni mkoani Tanga,leo Februari 07, 2025, ambapo pia amewasisitiza kuzingatia mafunzo hayo, ili wakaweze kutekeleza majukumu hayo kwa ufanisi.



Mjumbe wa Tume Huru ya Taifa ya Uchaguzi Mhe.Dkt. Zakia Mohamed Abubakar akitembelea mafunzo ya kwa vitendo ya Maafisa Uandikishaji wasaidizi ngazi ya Kata wa Halmashauri ya Wilaya ya Mafia mkoani Pwani ikiwa ni siku ya pili ya mafunzo hayo.
Continue reading

Kajunason at 0
Rais wa Jamhuri ya Muungano wa Tanzania Mhe. Dkt. Samia Suluhu Hassan akikagua eneo la maafa ya ajali ya kuporomoka kwa ghorofa Kariakoo, Wilaya ya Ilala Jijini Dar es Salaam tarehe 20 Novemba, 2024.Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na wananchi mara baada ya kukagua eneo la maafa ya ajali ya kuporomoka kwa ghorofa Kariakoo, Wilaya ya Ilala Jijini Dar es Salaam tarehe 20 Novemba, 2024.
Rais wa Jamhuri ya Muungano wa Tanzania Mhe. Dkt. Samia Suluhu Hassan akiwajulia hali na kuwapa pole majeruhi wa ajali ya kuporomoka kwa ghorofa Kariakoo ambao wamelazwa katika Taasisi ya Tiba ya Mifupa Muhimbili (MOI), Ilala Jijini Dar es Salaam tarehe 20 Novemba, 2024.

Na Mwandishi Wetu.

Rais wa Jamhuri ya Muungano wa Tanzania, Dkt. Samia Suluhu Hassan, amefanya ziara katika eneo la Kariakoo, jijini Dar es Salaam, leo Novemba 20, 2024, mara baada ya kurejea kutoka Brazil. Ziara hiyo ililenga kukagua shughuli za uokoaji kufuatia ajali ya kuporomoka kwa jengo lililosababisha maafa makubwa.

Akizungumza na wananchi baada ya ukaguzi, Rais Samia alithibitisha kuwa watu 20 wamepoteza maisha kutokana na ajali hiyo.

“Jitihada kubwa katika tukio hili zililenga kuwaokoa wenzetu waliokuwa wamekwama ndani ya jengo hilo wakiwa hai, lakini jitihada hizi haziondoshi kudra ya Mungu. Pamoja na juhudi zilizofanywa, tumepoteza wenzetu, na hadi sasa idadi yao ni 20,” alisema Rais Samia.

Aidha, alieleza kuwa miili ya marehemu hao tayari imeshazikwa kwa ushirikiano wa familia na serikali.

Rais Samia alibainisha kuwa ajali hiyo ni pigo kubwa kwa taifa, kwa kupoteza nguvu kazi muhimu, na kwa familia zilizopoteza wapendwa wao.

Kwa lengo la kuzuia matukio kama haya siku zijazo, Rais Samia alisema akiwa nchini Brazil alimwagiza Waziri Mkuu kuunda tume ya watu 20 ili kufanya ukaguzi wa majengo yote katika eneo la Kariakoo.

“Naambiwa tume hiyo tayari imeundwa. Baada ya kukamilisha kazi yao, tutazingatia mapendekezo yao. Kama wataelekeza kwamba majengo yaliyo chini ya kiwango yabomolewe, hatutasita kuchukua hatua hiyo,” alisisitiza Rais Samia.

Mbali na vifo vilivyoripotiwa, idadi ya majeruhi wa tukio hilo bado inaendelea kufanyiwa tathmini. Timu za uokoaji, zikiwemo vikosi vya zimamoto, polisi, na wanajamii wa kujitolea, zimekuwa zikifanya kazi usiku na mchana kuhakikisha usalama wa manusura na kurejesha hali ya kawaida katika eneo hilo.

Wakazi wa Kariakoo na maeneo jirani wamehimizwa kushirikiana na serikali kwa kutoa taarifa zozote zitakazosaidia uchunguzi wa chanzo cha ajali hiyo.
Continue reading

Kajunason at 0
Naibu Katibu Mkuu (Mazingira) Ofisi ya Makamu wa Rais Bi. Christina Mndeme (katikati mbele) akiwasili mkoani Njombe kwa ajili ya kutoa elimu na uhamasishaji juu ya matumizi ya Nishati Safi ya Kupikia, Septemba 21,2024. Kushoto kwake ni Mkuu wa Wilaya ya Njombe Mhe. Kissa Kasongwa na kulia kwake ni Mkuu wa Wilaya ya Ludewa Mhe. Olivanus Thomas.
Naibu Katibu Mkuu (Mazingira) Ofisi ya Makamu wa Rais Bi. Christina Mndeme akivalishwa skafu na skauti mkoani Njombe mara baada ya kuwasili mkoani humo kwa ajili ya kutoa elimu na uhamasishaji juu ya matumizi ya Nishati Safi ya Kupikia, Septemba 21,2024.
Naibu Katibu Mkuu (Mazingira) Ofisi ya Makamu wa Rais Bi. Christina Mndeme akitoa elimu na uhamasishaji juu ya matumizi ya Nishati Safi ya Kupikia mkoani Njombe Septemba 21,2024 ambapo mikoa mingine iliyonufaika na elimu hiyo ni pamoja na Katavi, Rukwa, Songwe na Mbeya.
Kamishina kutoka Wizara ya Nishati Bw. Styden Rwebangira akitoa elimu na uhamasishaji juu ya matumizi ya Nishati Safi ya Kupikia mkoani Njombe, Septemba 21,2024.

Naibu Katibu Mkuu (Mazingira) Ofisi ya Makamu wa Rais Bi. Christina Mndeme amekamilisha ziara yake ya mkoa mitano ambayo alikuwa akitoa elimu pamoja na kuhamisha wananchi juu ya matumizi ya Nishati Safi ya Kupikia.

Akiwa mkoani Njombe Septemba 21, 2024 Bi. Mndeme amesema ziara hiyo imekuwa na mafanikio makubwa kutokana na mijadala, maswali na ushauri ambao wananchi walikuwa wakichangia kila siku baada ya uwasilishwaji wa maada mbalimbali.

Amesema baada ya kumaliza Katavi, Rukwa, Songwe, Mbeya na Njombe bado elimu itaendelea kutolewa sababu inahitajika zaidi ili kuhakikisha lengo la Serikali lililowekwa la kuhakikisha hadi mwaka 2034 asilimia 80 ya wananchi wawe wanatumia Nishati Safi ya Kupikia.

“Katika ziara hii tumegundua vitu vingi ikiwemo watu bado wanaamini Nishati Safi ni gharama kuitumia hasa taaasisi zile zinazolisha watu zaidi ya 100 wakihofia ufungaji wa mitambo.

“Hata hivyo hawaangalii athari zake ambazo zinatokana na matumizi ya nishati isiyokuwa salama, wengi wanaangalia unafuu wa upatikanaji wa nishati lakini hayo yote tumeyaona na yanafanyiwa kazi,” amesema Bi. Mndeme.

Kwa upande wake, Kamishina kutoka Wizara ya Nishati Bw. Styden Rwebangira ameeleza kuwa kila mmoja anapaswa kuliangalia jambo hili kwa kuijali afya yake na jamii inayomzunguka kwa kutumia Nishati Safi ya Kupikia.

Naye, Naibu katibu Mkuu Wizara ya Maendeleo ya Jamii, Jinsia, Wanawake na Makundi Maalumu Bi. Felista Mdemu amesema jamii imeanza kuelewa taratibu umuhimu wa kutumia Nishati Safi ya kupikia japo elimu inapaswa kutolewa zaidi.
Continue reading
Subscribe to: Comments (Atom)