Articles by "DINI"
Showing posts with label DINI. Show all posts

Kajunason at 0
Na Mwandishi Wetu

Kanisa Katoliki nchini Tanzania lina jumla ya majimbo 37 (Dayosisi) yaliyopangwa katika kanda saba za kikanisa (Metropolitani), hatua inayolenga kuimarisha utawala wa kichungaji, huduma za kiroho na maendeleo ya waumini katika maeneo mbalimbali ya nchi.

Kwa mujibu wa muundo wa Kanisa Katoliki, Metropolitani huongozwa na Askofu Mkuu ambaye husimamia Jimbo Kuu pamoja na majimbo mengine yaliyo chini yake, kwa lengo la kuratibu utume wa kichungaji, elimu ya dini na huduma za kijamii.

Jimbo Kuu Katoliki la Dar es Salaam linaongozwa na Askofu Mkuu Mhashamu Yuda-Thaddeus Ruwa’ichi, likiwa na majimbo ya Zanzibar, Tanga, Morogoro, Mahenge, Ifakara na Bagamoyo chini ya Metropolitani yake.

Kwa upande wa Kanda ya Mwanza, Jimbo Kuu linaongozwa na Askofu Mkuu Renatus Nkwande, likisimamia majimbo ya Bukoba, Bunda, Geita, Kayanga, Musoma, Rulenge-Ngara, Shinyanga pamoja na Jimbo jipya la Bariadi.

Jimbo Kuu la Songea, chini ya Askofu Mkuu Damian Dallu, linaunda Metropolitani inayojumuisha majimbo ya Mbinga, Tunduru–Masasi, Mtwara, Lindi, Mbeya na Njombe.

Nalo Jimbo Kuu la Tabora linaongozwa na Kardinali Protas Rugambwa, likisimamia majimbo ya Kahama, Kigoma na Mpanda, wakati Jimbo Kuu la Arusha chini ya Askofu Mkuu Isaac Amani lina majimbo ya Moshi, Same na Mbulu.

Jimbo Kuu la Dodoma linaloongozwa na Askofu Mkuu Beatus Kinyaiya lina majimbo ya Kondoa na Singida, huku Jimbo Kuu la Mbeya chini ya Askofu Mkuu Gervas Nyaisonga likisimamia majimbo ya Iringa, Sumbawanga na Mafinga.

Mpangilio huu wa kikanisa unaonesha namna Kanisa Katoliki linavyoendelea kuimarisha huduma zake nchini, likilenga kuwafikia waumini wengi zaidi, kuendeleza elimu ya kiroho na kushiriki katika maendeleo ya jamii kupitia taasisi zake za afya, elimu na misaada ya kijamii.

Kwa ujumla, uwepo wa Metropolitani saba nchini unaakisi kukua kwa Kanisa Katoliki Tanzania na dhamira yake ya kuhakikisha huduma za kichungaji zinawafikia waumini katika kila kona ya taifa.

Continue reading

Kajunason at 0

 

Jimbo Kuu la Archdiocese of Dar es Salaam limetoa ratiba kamili ya mazishi ya aliyekuwa Askofu Mkuu Mstaafu wa Jimbo hilo, Polycarp Kardinali Pengo, pamoja na maelekezo maalum ya maegesho ya magari ili kuhakikisha ibada zinafanyika kwa utulivu na mpangilio mzuri.

Kwa mujibu wa tangazo rasmi, siku ya Ijumaa Februari 27, 2026, mwili wa marehemu utawasili katika Kanisa Kuu la Mt. Yosefu Cathedral, jijini Dar es Salaam, kuanzia saa 3:00 asubuhi kwa ajili ya heshima za mwisho hadi alasiri, kabla ya kufanyika Misa ya kumuaga jioni.

Waumini watakaofika kwa magari madogo wataelekezwa kuegesha katika eneo la GSM nyuma ya Shule ya St. Joseph’s Millennium, huku mabasi kutoka mikoani yakielekezwa kuegesha katika viwanja vya Karimjee na Mnazi Mmoja.

Siku ya Jumamosi Februari 28, 2026, ibada ya mazishi itafanyika katika Kituo cha Hija Pugu. Maegesho ya magari yatafanyika katika viwanja vya Shule ya Sekondari Pugu, huku magari mengine yakielekezwa katika eneo la Parokia ya Pugu kadiri yatakavyoongozwa na wasimamizi.

Aidha, Kanisa limeeleza kuwa magari binafsi hayataruhusiwa kuingia ndani ya kituo cha hija isipokuwa yale ya viongozi wa Kanisa na Serikali, hatua inayolenga kudhibiti msongamano na kurahisisha usalama wa waumini.

Uongozi wa Kanisa umewahimiza waamini kufuata maelekezo yote yaliyotolewa ili kuhakikisha mazishi ya kiongozi huyo yanaheshimiwa kwa utulivu na mshikamano unaostahili.

Continue reading

Kajunason at 0
Dar es Salaam — Benki ya Exim Bank Tanzania imeandaa hafla ya futari kwa wateja wake jijini Dar es Salaam ikiwa ni sehemu ya kuendeleza mahusiano ya karibu yanayojengwa juu ya uaminifu, uwajibikaji na maadili ya pamoja.

Akizungumza katika hafla hiyo, Afisa Mtendaji Mkuu wa benki hiyo, Jaffari Matundu, alisema mwezi mtukufu wa Ramadhani ni fursa ya kutafakari na kuimarisha misingi ya maadili mema katika maisha na biashara.
Alisisitiza kuwa benki hiyo inathamini mahusiano na wateja wake zaidi ya miamala ya kifedha, akieleza kuwa dhamira yao ni kujenga imani, kupanua fursa na kugusa maisha ya watu kwa namna chanya.
Katika hatua ya kuendeleza ujumuishi wa kifedha, benki hiyo imeendelea kupanua mtandao wake wa matawi kwa kufungua ofisi katika maeneo ya Kahama, Ubungo na Paje, huku mipango ikiendelea kufungua tawi jingine Geita, lengo likiwa kusogeza huduma karibu zaidi kwa wafanyabiashara na wananchi.

Matundu alisema uaminifu wa wateja ndio mtaji mkubwa wa benki hiyo, akiahidi kuendelea kutoa huduma bora zinazolenga kusaidia ukuaji wa biashara na maendeleo ya wateja wake kwa muda mrefu.
Hafla hiyo iliwakutanisha viongozi wa dini, wateja na wageni waalikwa mbalimbali katika mazingira ya mshikamano, tafakari na kuimarisha ushirikiano kwa maendeleo ya pamoja.
Continue reading

Kajunason at 0

Na Mwandishi Wetu, Zanzibar

Rais wa Zanzibar na Mwenyekiti wa Baraza la Mapinduzi, Mheshimiwa Alhaj Dkt. Hussein Ali Mwinyi, amewataka Waumini wa Dini ya Kiislamu kujipamba na Qurani Tukufu kwa kuishi kwa kufuata miongozo na mafundisho yake, huku akiwasisitiza kuifanya Qurani kuwa dira ya maisha yao ya kila siku.

Rais Dkt. Mwinyi ametoa wito huo leo Januari 31, 2026, aliposhiriki Mashindano ya Kimataifa ya Kuhifadhi Qurani yaliyoandaliwa kwa ushirikiano kati ya Taasisi ya Altijarah Al Arabia ya Oman na Afisi ya Mufti Mkuu wa Zanzibar, yaliyofanyika katika Msikiti wa Jamiu Zanzibar, Kiembe Samaki, Mkoa wa Mjini Magharibi.

Amesema kuishi kwa mujibu wa Qurani kunajenga maadili mema, heshima na mshikamano katika jamii, mambo ambayo ni msingi muhimu wa amani, utulivu na maendeleo endelevu ya Taifa. Aidha, amewanasihi Waumini wa Dini ya Kiislamu na wananchi kwa ujumla kuendeleza umoja, kusaidiana na kushikamana ili kupata baraka za Mwenyezi Mungu.

Katika hotuba yake, Rais Dkt. Mwinyi amesisitiza umuhimu wa kuimarisha malezi bora ya vijana, kuishi kwa kupendana na kulinda amani ya nchi, akieleza kuwa misingi hiyo ni nguzo muhimu katika kujenga jamii yenye maadili na Taifa lenye maendeleo.
Amesema kuishi kwa mujibu wa Qurani kunajenga maadili mema, heshima na mshikamano katika jamii, mambo ambayo ni msingi muhimu wa amani, utulivu na maendeleo endelevu ya Taifa. Aidha, amewanasihi Waumini wa Dini ya Kiislamu na wananchi kwa ujumla kuendeleza umoja, kusaidiana na kushikamana ili kupata baraka za Mwenyezi Mungu.

Katika hotuba yake, Rais Dkt. Mwinyi amesisitiza umuhimu wa kuimarisha malezi bora ya vijana, kuishi kwa kupendana na kulinda amani ya nchi, akieleza kuwa misingi hiyo ni nguzo muhimu katika kujenga jamii yenye maadili na Taifa lenye maendeleo.
Rais Dkt. Mwinyi pia ameipongeza Taasisi ya Altijarah Al Arabia ya Oman pamoja na Afisi ya Mufti Mkuu wa Zanzibar kwa kuandaa mashindano hayo, akitambua mchango wao mkubwa katika kuihudumia jamii kupitia sekta mbalimbali ikiwemo elimu, afya, chakula na huduma za kijamii. Amehimiza kuendelezwa kwa ushirikiano kati ya Taasisi hizo na Serikali ya Mapinduzi ya Zanzibar kwa manufaa ya wananchi.

Vilevile, amewapongeza washiriki wote wa mashindano hayo ya kimataifa na kuwahimiza kuendelea kushikamana na Qurani Tukufu sambamba na taaluma walizonazo ili kufanikisha mafanikio zaidi duniani na Akhera.

Mashindano hayo yamewakutanisha washiriki sita kutoka nchi za Ujerumani, Uganda, Tanzania, Urusi, Canada na Brazil, ambapo Ndg. Usama Barghouth kutoka Ujerumani ameibuka mshindi wa kwanza baada ya kuonesha umahiri mkubwa katika kuhifadhi Qurani, na kutunukiwa kombe, cheti pamoja na zawadi ya shilingi milioni 20.

Continue reading

Kajunason at 0
Na Mwandishi Wetu

Dar es Salaam, Januari 30, 2026: Jimbo Kuu la Dar es Salaam limeingia katika majonzi kufuatia kifo cha Padre Paul Nsekela Mboje SABUNI, Paroko wa Parokia ya IPTL, aliyefariki dunia leo Ijumaa Januari 30, 2026, saa 10:31 alfajiri, alipokuwa akipatiwa matibabu katika Hospitali ya Aga Khan jijini Dar es Salaam.

Taarifa ya kifo hicho imetolewa na Mhashamu Sana Jude Thaddaeus Ruwa’ichi OFMCap, Askofu Mkuu wa Jimbo Kuu la Dar es Salaam, ambaye amesema Kanisa Katoliki limepoteza mtumishi mwaminifu, mchungaji mwenye upendo na padre aliyelitumikia Kanisa kwa unyenyekevu na kujitoa kwa hali ya juu.

Kwa mujibu wa taarifa hiyo, Padre Paul Nsekela Mboje alikuwa akipatiwa matibabu hospitalini hapo kabla ya kuitwa nyumbani kwa Baba wa Milele, tukio lililowaacha waamini, mapadre wenzake na jamii nzima ya waumini katika simanzi kubwa.

Ratiba ya mazishi yatangazwa

Askofu Mkuu Ruwa’ichi ametangaza kuwa mazishi ya Padre Paul Nsekela Mboje yatafanyika siku ya Jumatano, Februari 4, 2026, katika Makaburi ya Mapadri yaliyopo katika Kituo cha Hija cha Pugu, mkoani Dar es Salaam.

Ibada ya Misa ya Mazishi itaanza rasmi saa 3:00 asubuhi, ambapo waamini, mapadre, watawa na wageni mbalimbali wanatarajiwa kuhudhuria ili kutoa heshima zao za mwisho kwa marehemu.

Rai yatolewa kwa waamini

Habari za msiba huo zimeombwa ziwafikie Maaskofu, Mapadri, Mashemasi, Watawa, waamini walei wa Jimbo Kuu la Dar es Salaam, familia ya marehemu, ndugu, jamaa na marafiki wote wenye mapenzi mema.

Kanisa limewahimiza waamini kuendelea kumuombea marehemu, wakikumbuka huduma yake kubwa kwa Parokia ya IPTL na Kanisa kwa ujumla.

Katika ujumbe wake wa faraja, Askofu Mkuu Ruwa’ichi amesema Kanisa linaungana na familia na waamini wote katika kipindi hiki cha majonzi, likiwa na imani ya Kikristo kwamba kifo si mwisho bali ni mwanzo wa uzima wa milele.

Maombi ya Kanisa

Kanisa Katoliki limeendelea kutoa wito kwa waamini kuungana katika sala maalum kwa ajili ya marehemu, likitamka kwa pamoja sala ya:

“Raha ya Milele umpe Ee Bwana, na Mwanga wa Milele Umwangazie. Apumzike kwa Amani; Amina.”

Continue reading

Kajunason at 0
Vatican City — Tanzania has reaffirmed its long-standing diplomatic and moral partnership with the Holy See, emphasizing shared commitments to peace, dialogue, human dignity, and social development.

The message was delivered by the Minister for Foreign Affairs and East African Cooperation, Hon. Mahmoud Thabit Kombo (MP), during an official audience with Pope Leo XIV at the Vatican on 29 October 2025. Minister Kombo conveyed warm greetings and a special message from President Samia Suluhu Hassan, underscoring Tanzania’s appreciation for the Catholic Church’s contribution to education, healthcare, social welfare, and national cohesion.
He praised the Church’s moral leadership and its role in promoting unity and peaceful coexistence in Tanzania, noting that its institutions continue to complement government efforts, particularly among vulnerable communities.

Tanzania also welcomed the Holy See’s proposal to establish a resident diplomatic mission at the Vatican, describing the move as an important step toward strengthening structured cooperation. Currently, Tanzania is represented by a non-resident ambassador based in Berlin.

During discussions, Minister Kombo briefed the Pope on Tanzania’s commitment to national reconciliation following post-election tensions, guided by President Samia’s 4R philosophy — Reconciliation, Resilience, Reforms, and Rebuilding. He highlighted ongoing efforts, including inclusive dialogue and the establishment of an independent review process to promote accountability and prevent future unrest.

Pope Leo XIV welcomed Tanzania’s approach and expressed his readiness to continue praying for peace, unity, and stability in the country. He also recalled his pastoral experiences in Tanzania, saying they left a lasting impression and strengthened his personal connection to the nation.

In addition to the Papal audience, Minister Kombo held talks with senior Vatican officials, including Archbishop Paul Richard Gallagher, focusing on deepening diplomatic cooperation and collaboration in social development.

The Ministry of Foreign Affairs said the engagement reflects Tanzania’s diplomatic direction of being “non-aligned but multi-engaged,” pursuing partnerships that advance national unity, peace, and shared prosperity.
Continue reading

Kajunason at 0

Naibu Spika wa Bunge la Jamhuri ya Muungano wa Tanzania na Mbunge wa Jimbo la Babati Vijijini, Daniel Sillo, akizungumza wakati akiongoza harambee ya kuchangia ujenzi wa Kanisa Katoliki Parokia ya Utatu Mtakatifu Masakta, Jimbo Katoliki la Mbulu, wilayani Hanang’ mkoani Manyara Desemba 28, 2025.

Na Dotto Mwaibale

NAIBU Spika wa Bunge la Jamhuri ya Muungano wa Tanzania na Mbunge wa Jimbo la Babati Vijijini, Daniel Sillo, Mungu ameendelea kumpa kibali cha kuongoza harambee za uchangiaji wa shughuli za kidini ambazo zimekuwa na mafanikio makubwa.

Desemba 28, 2025 Mhe. Sillo aliongoza harambee ya kuchangia ujenzi wa Kanisa Katoliki Parokia ya Utatu Mtakatifu Masakta, Jimbo Katoliki la Mbulu, wilayani Hanang’ mkoani Manyara ambapo jumla ya Sh.Milioni 37 zilipatikana.

Harambee hiyo inakuwa ya pili kuifanya tangu alipochaguliwa kuwa Naibu Spika wa Bunge la Jamhuri ya Muungano wa Tanzania baada ya ile aliyoifanya Novemba 23, 2025 katika Kanisa la Tirano lililopo eneo la Galapo mkoani humo ambapo alichangisha Sh. Milioni 5.7 kwa ajili ya ununuzi wa vyombo vya muziki ambavyo vitatumika kuhubiri injili kwa njia ya uimbaji.

Jambo hilo katika imani siyo dogo linaonesha ni jinsi gani Mungu anavyompa kibali mtumishi wake huyo katika kufanya kazi yake ya kuwatumikia wananchi kwa namna tofauti.

Katika harambee zote hizo Mhe. Sillo amekuwa akisisitiza umuhimu wa ushirikiano katika shughuli mbalimbali za maendeleo pamoja na ujenzi wa nyumba za ibada.

Aidha, jambo lingine ambalo amekuwa akilihimiza ni Watanzania kuendelea kuilinda na kudumisha amani na kueleza kuwa amani ndiyo inayowafanya watu waweze kukutana na kufanya shughuli za maendeleo na kuabudu ambapo alitumia nafasi hiyo kuwaomba viongozi wa dini kuendelea kumuombea Rais wetu Dkt. Samia Suluhu Hassan na viongozi wengine wakiwemo wabunge.

Akizungumza katika harambee hiyo Paroko wa Parokia ya Utatu Mtakatifu Masakta, Padre Gabriel Mrina, alimshukuru Naibu Spika kwa kuitikia wito wa kuongoza tukio hilo la Baraka na kumtakia mafanikio zaidi katika kulitumikia Taifa.

Kwa upande wake Mwenyekiti wa Parokia, Karoli Paulo, alisema kanisa hilo litaendelea kuhubiri amani amani na kuwakumbusha waumini wake kuendelea kuwa na maadili mema, upendo na kuheshimiana pasipo kumbagua mtu.

Katika harambee hiyo iliyohusisha michango ya waumini na wadau mbalimbali, jumla ya Sh. Milioni 37 zimepatikana na kiasi cha fedha zinazohitaji ili kukamilisha ujenzi huo ni Sh. Milioni 49.

Kanisa hilo lenye vigango saba, chini ya Mapadri wa Shirika la Utume wa Yesu, lilianza mwaka 2001 na limekuwa kitovu muhimu cha ibada na huduma za kijamii kwa waumini wa eneo la Masakta.

Baadhi ya waumini wa kanisa hilo, akiwemo Paul Andrew alisema kukamilika kwa ujenzi wa kanisa hilo kutakuwa na tija kubwa kwa wananchi wa eneo hilo la Masakta na wilaya ya Hanang’ kwa ujumla.
Naibu Spika Mhe. Sillo akiongoza harambee hiyo.Viongozi wa kanisa hilo wakiwa kwenye harambee hiyo.
Muonekano wa kanisa hilo ambalo ujenzi wake unaendelea.

Chanzo za habari ni WH- NEWS
Continue reading

Kajunason at 0
Dar es Salaam Desemba 24 2025: Kanisa Katoliki Jimbo Kuu la Dar es Salaam limetangaza kuwa Kardinali Mstaafu wa Jimbo hilo, Kardinali Polycarp Pengo, anakabiliwa na changamoto za kiafya na anatarajiwa kusafiri kwenda nchini India kwa ajili ya matibabu zaidi.

Kwa mujibu wa taarifa rasmi iliyotolewa na Askofu Mkuu wa Dar es Salaam, Askofu Thaddaeus S. Ruwa’ichi OFMCap, Kardinali Pengo amekuwa akipatiwa matibabu nchini kwa muda, hata hivyo hali yake imehitaji huduma za kitaalamu zaidi zitakazopatikana nje ya nchi.

“Baada ya juhudi za kimatibabu hapa nyumbani, imeonekana kuwa kuna haja ya kumpa matibabu ya hali ya juu zaidi,” imesema sehemu ya taarifa hiyo iliyotolewa Desemba 24, 2025.

Kanisa limeeleza kuwa mipango yote ya safari na matibabu imekamilika, na kwamba Kardinali Pengo atasafiri kwenda India kwa lengo la kupata huduma bora zitakazomsaidia kurejea katika hali njema ya afya.

Aidha, waumini na watu wote wenye mapenzi mema wametakiwa kuendelea kumuombea Kardinali Pengo ili Mungu amjalie nafuu ya haraka na kumrejesha salama nchini.

Katika taarifa hiyo, Askofu Mkuu pia ametumia nafasi hiyo kuwatakia waumini wote Heri ya Krismasi na Baraka za Mwaka Mpya 2026, akisisitiza umuhimu wa mshikamano na sala katika kipindi hiki.

Taarifa hiyo imesainiwa na Askofu Thaddaeus S. Ruwa’ichi OFMCap pamoja na Katibu Mkuu wa Jimbo, Padre Vincent Mjwaji.

Continue reading

Kajunason at 0
Askofu Philemon Nyika wa Kanisa la International Evangelism Church Ikungi, mkoani Singida, akizungumza kwa niaba ya viongozi wa dini Wilaya ya Ikungi walipokuwa wakitoa tamko la kuwaomba wananchi kushiriki kikamilifu uchaguzi mkuu utakaofanyika kesho Oktoba 29, 2025.

Na Mwandishi Wetu, Ikungi

Ikungi,  Singida Oktoba 28, 2025: VIONGOZI wa Dini Wilaya ya Ikungi mkoani Singida wametoa tamko la kuwaomba wananchi wote wa wilaya hiyo kushiriki kikamilifu kwa Amani uchaguzi mkuu utakaofanyika kesho Oktoba 29, 2025.

Tamko hilo wamelitoa Oktoba 27, 2025 wakati wakizungumza na waandishi habari na kueleza kuwa Oktoba 29 kila mwaka ni siku ya uchaguzi mkuu wa kumpata Rais wa Jamhuri ya Muungano wa Tanzania, Wabunge na Madiwani.

Akizungumza kwa niaba ya viongozi wa dini wenzake Askofu Philemon Nyika wa Kanisa la International Evangelism Church Ikungi alisema wakiwa kama walezi wa maadili, amani na mshikamano katika jamii wanatoa tamko hilo kuhamasisha wananchi wote wa Wilaya ya Ikungi na Tanzania kwa ujumla kushiriki kikamilifu katika uchaguzi huo.

“ Kupiga kura ni haki ya kila mtu kikatiba na ni wajibu wa kizalendo, tunawasihi wananchi wote waliojiandikisha wajitokeze kwa wingi kesho Oktoba 29, 2025 kwenda kupiga kura,” alisema Askofu Nyika.

Aidha Askofu Nyika aliwataka wananchi kufanya maamuzi ya busara na ya haki kwa kuchagua viongozi wanaoamini watawatumikia kwa uadilifu huku wakitambua kwamba kura ni haki yao na kulinda amani ya nchi ni wajibu wa kila mmoja wetu.

Askofu Nyika alisema kudumisha amani ni msingi wa maendeleo ya kijamii, kiuchumi na kiroho, hivyo wanawakumbusha wananchi wote kwamba tofauti za kisiasa hazipaswi kuwa chanzo cha chuki, migawanyiko, maandamano na vurugu siku ya uchaguzi na baada ya uchaguzi na visipewe nafasi kwa sababu amani ni zawadi kutoka kwa Mungu isichezewe hata kidogo.

“Sisi Viongozi wa dini kutoka Wilaya ya Ikungi tutaendelea kuliomba taifa letu liendelee kuwa na utulivu, mshikamano, upendo na tunawasihi waumini wetu waendelee kuiombea nchi yetu ya Tanzania,” alisema Askofu Nyika.

Kwa upande wake Sheikh wa Wilaya ya Ikungi, Abdi Selemani alisema tunapoenda kupiga kura kesho jambo la kwanza ni kuangalia amani ya nchi yetu kwani amani ni tamko la lililotoka kwa Mungu na ni jambo kubwa sana.

“Tuna wasihi wananchi wa Wilaya ya Ikungi na Tanzania kwa ujumla kuendelea kuitunza amani hii tuliyopewa na Mwenyezi Mungu, “ alisema Sheikh Selemani.

Sheikh Selemani aliwaomba wananchi wote waliojiandikisha kupiga kura kesho Oktoba 29, 2025 kwenda kufanya hivyo kwani ni haki yao na wasipofanya hivyo watakuwa wamejinyima haki hiyo.

Naye Askofu Jeremia Samuel wa Kanisa la The Free Pentecostal Church Of Tanzania Jimbo la Ikungi, alisema kesho Oktoba 29, 2025 ni jukumu la kila Mtanzania aliyejiandikisha kujitokeza kwenda kupiga kura kwa ajili ya kumchagua Rais wetu, wabunge na madiwani.

“Kwa bahati nzuri vyama vyote vilivyoshiriki kampeni tumewaona wagombea wao walivyoshiriki kunadi sera za vyama vyao hivyo imetupa urahisi wa kujua ni nani wa kuweza kutuongoza katika taifa letu hivyo ni wito wetu viongozi wa dini kwenu kesho Oktoba 29, 2025 mjitokeze kwa wingi kwenda kupiga kura,” alisema Askofu Samuel.

Viongozi wa dini walioshiriki katika mkutano huo ni kutoka Jumuiya Zawwiyyatul Qaadiriyya Tanzania (JZQT) ambayo,ni muungano wa mazawiyya yote ya Tanzania, Kanisa la Waadventista Wasabato (SDA), Jumuiya ya Kikristo Tanzania (CCT), The Free Pentecostal Church Of Tanzania, Kanisa la CPCT na Aswar Suna
Sheikh wa Wilaya ya Ikungi, Abdi Selemani akizungumza kwenye mkutano huo.
Askofu Jeremia Samuel wa Kanisa la The Free Pentecostal Church Of Tanzania Jimbo la Ikungi, akichangia jambo kwenye mkutano huo.
Viongozi wa dini Wilaya ya Ikungi wakiwa katika picha ya pamoja wakati wa mkutano huo.
Viongozi wa dini wa Wilaya ya Ikungi waliopata fursa ya kuzungumza kwa niaba ya wenzao. Kutoka kushoto ni Sheikh wa Wilaya ya Ikungi, Abdi Selemani, Askofu Philemon Nyika wa Kanisa la International Evangelism Church Ikungi na Askofu Jeremia Samuel wa Kanisa la The Free Pentecostal Church Of Tanzania Jimbo la Ikungi.
Viongozi wa dini wakiwa kwenye mkutano huo.
Mkutano huo ukiendelea.
Viongozi wa dini wakiwa kwenye mkutano huo.
Viongozi wa dini wakiuombea uchaguzi uchanyike kwa Amani hapo kesho Oktoba 29, 2025.

Continue reading

Kajunason at 0
Vatican, Roma — Hija ya kiroho ya Mwaka wa Jubilei Kuu 2025 imekuwa tukio la kipekee kwa Mtanzania mmoja ambaye amefanikisha ndoto yake ya kukutana na Baba Mtakatifu, Papa Leo XIV, na kupata baraka kuu na rehema kamili kutoka kwake.

Irenca Mama Gees, Mtanzania na Mkristo wa Kanisa Katoliki, ameeleza kuwa ni changamoto kubwa kueleza hisia zake baada ya tukio hilo: “Nimepoteza maneno, moyo wangu umejaa shukrani za dhati. Yote ninayoyafanya na kila kitu katika maisha yangu, nakitupa sifa kwa Mungu… na kwa Mungu tu,” alisema kwa unyenyekevu mkubwa.

Safari hii ya kiroho, inayojulikana kama Mahujaji wa Matumaini, ni sehemu ya Mwaka wa Jubilei Kuu 2025, na inahusisha ibada maalumu, sala, na kutafuta rehema na baraka kutoka kwa Baba Mtakatifu. Mama Gees amesisitiza shukrani zake kwa wote waliomsaidia kwa hali na mali kuhakikisha ndoto yake ya kiroho inatimika.
“Tukio hili ni ndoto iliyotimia, kukutana na Papa Leo XIV kwenye Vatican. Nimejawa na furaha isiyoelezeka na shukrani zisizo na kifani kwa Mungu,” aliongeza.

Mama Gees ameeleza kuwa safari hii ni kumbukumbu isiyosahaulika na kuwa alitazama tukio hilo kama baraka kubwa katika maisha yake ya kiroho. Picha za tukio hilo zimesambaa katika mitandao ya kijamii zikionyesha furaha na unyenyekevu wake akiwa ndani ya Basilica ya Mt. Petro Vatican, Roma.

Hija hii imehimiza wengi katika jamii ya Watanzania wa Kanisa Katoliki kuendeleza imani na kufanya safari za kiroho ili kupata karibu na imani yao. Irenca Mama Gees amesisitiza kwamba kila mtu anapaswa kutunza na kuthamini nafasi za kiroho kama hizi zinazofungua njia ya baraka na rehema.
Continue reading

Kajunason at 0
Dar es Salaam, Oktoba 13, 2025: Baraza la Maaskofu Katoliki Tanzania (TEC) limekanusha vikali waraka ulioenezwa kwenye mitandao ya kijamii ukidai umetolewa na Baraza hilo kuelekea Uchaguzi Mkuu wa Oktoba 29, 2025.

Katika taarifa iliyosainiwa na Katibu Mkuu wa TEC, Rev. Fr. Charles Kitima, Baraza hilo limesema waraka wenye kichwa cha habari “Tamko la Baraza la Maaskofu Katoliki Tanzania Kuhusu Amani kwa Taifa Kuelekea Uchaguzi Mkuu wa Jamhuri ya Muungano wa Tanzania Utakaofanyika Tarehe 29 Oktoba 2025” siyo halali na haujatolewa na TEC.

“Tunapenda kuwatangazia Waamini na Watanzania wote kwa ujumla kuwa waraka huo si wa kweli, na Baraza halihusiki na maudhui yaliyomo ndani yake,” imesema sehemu ya taarifa hiyo.

TEC imeeleza kusikitishwa na tabia ya baadhi ya watu kutumia jina la Taasisi hiyo kusambaza jumbe zisizotokana na Baraza, na kuwataka wahusika kuacha mara moja.

“Tabia hii mbaya ya kutumia Taasisi ya Maaskofu kupitia jumbe za uongo lazima ikome,” iliongeza taarifa hiyo.

Baraza hilo limewataka Watanzania kupuuza taarifa hiyo feki na kusisitiza kuwa tamko lolote rasmi kutoka kwa TEC litatolewa kupitia vyanzo vyake halali.
Continue reading

Kajunason at 0
Iringa, Septemba 30, 2025: Kanisa Katoliki Jimbo la Mafinga limeweka wazi sintofahamu kuhusu Padre Jordan Kibiki, aliyeripotiwa kujiteka wiki iliyopita, na kufafanua kuwa tukio hilo lilitokana na changamoto ya afya ya akili, hususan msongo wa mawazo.

Kwa mujibu wa taarifa ya Kanisa hilo, Jeshi la Polisi limefuta tuhuma dhidi ya Padre Kibiki na kumwachia huru baada ya uchunguzi kuthibitisha ukweli huo.

Akizungumza na waandishi wa habari, Askofu wa Jimbo la Mafinga, Mhashamu Vicent Mwagala, alisema Padre Kibiki ambaye ni Mkurugenzi wa Kituo cha Afya Nyololo na Paroko Msaidizi wa Parokia hiyo, alitarajiwa Septemba 18, 2025 kuhudhuria kikao cha afya katika ofisi za Halmashauri ya Mufindi, lakini hakuwasili licha ya kuondoka nyumbani asubuhi.

Askofu Mwagala alieleza kuwa gari lake lilipatikana limeegeshwa barabarani bila dereva na juhudi za kumpata ziligonga mwamba, hali iliyosababisha hofu kubwa miongoni mwa waumini na viongozi wenzake.

Kwa mujibu wa maelezo ya Polisi, Padre Kibiki alikiri kujitenga kutokana na msongo wa mawazo uliosababishwa na shinikizo la kifedha baada ya kupoteza fedha alizokuwa amekopa kwenye biashara ya mtandao (online scam).

“Baada ya uchunguzi wa kitabibu, madaktari walithibitisha kuwa Padre Kibiki alikuwa anakabiliwa na depression. Kwa ushauri wa wataalamu, amepelekwa Hospitali ya Rufaa ya Tosamaganga kwa uangalizi wa karibu na matibabu ya afya ya akili,” alisema Askofu Mwagala.

Aliongeza kuwa Jimbo la Mafinga linaendelea kufuatilia afya ya Padre Kibiki ili aweze kurejea katika hali ya kawaida na kuendelea na majukumu yake ya kiroho.

“Tunawaomba waumini na jamii kwa ujumla waendelee kumwombea Padre Jordan ili apone haraka,” alisema, huku akilishukuru Jeshi la Polisi na vyombo vya habari kwa ushirikiano katika kipindi hicho kigumu.

Kwa mujibu wa Shirika la Afya Duniani (WHO, 2023), msongo wa mawazo ni moja ya changamoto kubwa za kiafya duniani, na unaweza kumpata mtu yeyote bila kujali nafasi, kazi au wito wake wa kidini.

Continue reading

Kajunason at 0
Vatican.
Misa ya mazishi ya Askofu Mkuu Novatus Rugambwa imefanyika Septemba 25 katika Basilika ya Mtakatifu Petro, ikiendeshwa na Kardinali Pietro Parolin, Katibu wa Vatican. Katika hotuba yake, Kardinali Parolin alimsifu marehemu kwa maisha ya uchaji, unyenyekevu na uadilifu aliouonyesha katika safari yake ndefu ya kuhudumu katika diplomasia ya Vatican.

Kardinali Parolin alikumbusha safari ya maisha ya Askofu Rugambwa, aliezaliwa Bukoba, Tanzania, tarehe 1 Oktoba 1957, na kupewa daraja la upadre mwaka 1986. Kuanzia mwaka 1991, aliutumikia muda mrefu utumishi wa diplomasia ya Vatican, akiacha alama kubwa ya upendo na imani.

Katika hotuba yake, Kardinali alisisitiza ushuhuda wa marehemu wakati wa ugonjwa alioupitia, akisema kuwa aliukabili kwa imani na moyo wa upendo, na hivyo kugeuza mateso yake kuwa fursa ya kumtegemea Mungu na kuimarisha imani ya watu wa Mungu waliomzunguka.
Mfano wa upendo na uaminifu wa kidiplomasia

Kardinali Parolin alieleza kuwa Askofu Rugambwa alitoa mfano bora wa utumishi katika diplomasia ya Kanisa, ambayo aliiita “njia ngumu ya kichungaji inayodai uaminifu wa Injili na heshima ya watu wa mataifa mbalimbali.” Alisema marehemu alitenda kwa uchaji, busara na uthabiti katika kutetea haki na heshima ya binadamu, mambo ambayo ni nguzo ya amani ya kweli.
Kwa mujibu wa Kardinali, Askofu Rugambwa aliweza kutengeneza uhusiano thabiti na wa kujenga, akiwa na moyo wa kichungaji uliojaa subira na upendo wa kibaba.

Mshuhuda wa kweli wa maisha matakatifu

Aidha, Kardinali Parolin aliongeza kuwa sifa nyingine kubwa ya marehemu ilikuwa ni “uadilifu wa maisha” uliomfanya kuwa shahidi wa kweli na anayeaminika wa ukweli aliohubiri. Akinukuu maneno ya Mtakatifu Paulo VI, alisema: “Binadamu wa leo husikiliza zaidi mashahidi kuliko walimu.”

Alisisitiza kuwa mfano bora wa maisha matakatifu ni silaha muhimu zaidi kwa wachungaji wa Kanisa, hasa wale wanaotumikia kama mabalozi wa Papa.
Urithi wa upendo na unyenyekevu

Kardinali pia aligusia huruma na mshikamano wa marehemu na maskini, akisema ulikuwa ni “mzizi wa maisha yake ya kikristo na njia ya pekee ya kukutana na Mungu.”

Alihitimisha mahubiri yake kwa maneno ya Mtakatifu Leo Mkuu, akisema kwamba wale wanaokaa katika upendo na umoja wa Roho hawatashindwa na vikwazo vyovyote, bali baada ya mapambano ya maisha ya duniani, watapata pumziko la amani ya Mungu.

Kardinali Parolin aliomba neema hiyo itimizwe kwa Askofu Rugambwa, na pia kwa waamini wote, ili kwa unyenyekevu na mshikamano, wawe vyombo vya wokovu kwa kila mmoja, hadi watakapokutana tena nyumbani mwa Baba wa mbinguni.
Continue reading
Subscribe to: Comments (Atom)