Articles by "KITAIFA"
Showing posts with label KITAIFA. Show all posts

Kajunason at 0
Mkurugenzi Mtendaji wa Benki ya CRDB, Abdulmajid Nsekela (kushoto), akipokea tuzo ya 'Benki Bora Tanzania' kutoka kwa Joseph Giarraputo, Mwanzilishi na Mhariri Mkuu wa Global Finance, katika hafla iliyofanyika Washington D.C. tarehe 26 Oktoba 2024. Katika hafla hii, iliyofanyika sambamba na Mikutano ya Mwaka ya Shirika la Fedha la Kimataifa (IMF) na Benki ya Dunia, Benki ya CRDB pia ilitunukiwa tuzo ya 'Benki Salama.

Na Mwandishi Wetu.

Washington D.C., 26 Oktoba 2024 – Benki ya CRDB imetambuliwa kwa mara nyingine kama kinara katika sekta ya benki Tanzania kwa kushinda Tuzo ya ‘Benki Bora Tanzania’ na ‘Benki Salama Tanzania’ zilizotolewa na Jarida la Global Finance kwenye hafla ya 31 ya Mwaka ya Tuzo za Benki Bora.

Tuzo hizo zimetolewa katika hafla iliyofanyika sambamba na Mikutano ya Mwaka ya Shirika la Fedha la Kimataifa (IMF) na Benki ya Dunia huko Washington, D.C. Hii ni mara ya tano mfululizo kwa Benki ya CRDB kushinda tuzo ya Benki Bora Tanzania na mara ya pili mfululizo kwa Benki Salama Tanzania – ikidhihirisha uimara wa Benki hii katika sekta ya fedha.

Mafanikio haya yanadhihirisha mkakati wa Benki ya CRDB wa kukua kwa njia endelevu inayowanufaisha wateja, wawekezaji, na uchumi wa Tanzania kwa ujumla.

Aidha, tuzo hizi ni kielelezo cha uongozi thabiti wa Mkurugenzi Mtendaji wa CRDB Bank Group, Abdulmajid Nsekela, na zinadhihirisha mchango wa Benki ya CRDB katika kuimarisha sekta ya fedha nchini Tanzania na ukanda huu wa Afrika ya Mashariki na Kati.

“Tunajivunia sana kwa kutambuliwa kwa mara nyengine kama Benki Bora Tanzania na Benki Salama katika tuzo za Global Finance,” alisema Nsekela. “Tuzo hizi ni ishara kwamba tupo kwenye njia sahihi ya ukuaji – kutoa huduma za kipekee kwa wateja wetu, thamani kwa wanahisa wetu, na kuleta mabadiliko chanya kwenye sekta ya fedha nchini.”

Benki ya CRDB imekuwa na mwaka wa mafanikio makubwa kutokana na maboresho ya miundombinu ya kidijitali, ambayo imeongeza ufanisi na ubunifu katika utoaji wa huduma. Nsekela alisisitiza kuwa ukuaji wa Benki umetokana na mikakati madhubuti, hali ambayo imeifanya Benki hiyo kuwa chaguo la kwanza kwa Watanzania.

“Tuzo hizi hazionyeshi tu dhamira yetu ya kuwa Benki kinara katika utoaji wa huduma bora na zinazokidhi mahitaji halisi ya wateja – bali pia zinaonyesha namna gani tumekuwa tukisikiliza na kufanyika kazi maoni ya wateja na washirika wetu, na jinsi ambavyo wafanyakazi wanajitoa katika kutoa huduma bora,” aliongeza. “Ni heshima kubwa kuwa Benki Salama na Benki Bora Tanzania, tuzo hizi zinatupa nguvu ya kusonga mbele katika kuwawezesha Watanzania na kuimarisha nafasi yetu kimataifa.”

Ikiwa na rasilimali za zaidi ya Shilingi trilioni 14, Benki ya CRDB inashikilia nafasi kama benki kubwa zaidi Tanzania, inayotambulika kwa mafanikio endelevu katika viashiria vyotevya kiutendaji vya biashara.

Joseph Giarraputo, Mwanzilishi na Mhariri Mkuu wa Global Finance, amesema tuzo hizo pia zinatambua jitihada za Benki ya CRDB katika kukuza ujumuishi wa kifedha na kujenga imani ya wateja na wawekezaji akisema, "Katika mwaka uliopita, Benki ya CRDB imepiga hatua kubwa katika kutoa huduma bora na kujenga imani miongoni mwa wateja na wawekezaji ndani na nje ya nchi.”

Wakati wa Mkutano Mkuu wa Jukwaa la Uchumi Duniani (WEF) huko Washington D.C., Nsekela alishiriki pia kwenye mjadala maalum kuhusu mifumo ya malipo kidijitali ambapo alisisitiza dhamira ya Benki ya CRDB katika kukuza suluhisho za kidijitali zinazoboresha upatikanaji wa huduma za kifedha.

Aidha, Nsekela alishiriki vikao vya kimkakati na taasisi za kimataifa kama vile Benki ya Dunia, Exim Bank ya Marekani, MUFG, Yaatra Ventures, na TIAA Mfuko wa Pensheni wa Marekani unaolenga uwekezaji wa kimkakati barani Afrika, akilenga kufungua njia mpya za mitaji na kuiweka Tanzania kama kiungo muhimu kwenye uchumi wa dunia.
Continue reading

Kajunason at 0

●Itafanyika ndani ya nchi na nje ya nchi

●Itaendeshwa na Tume ya Madini kushirikiana na Soko la Bidhaa Tanzania

●Marekebisho ya Sheria na Kanuni yakamilika

⚫️ Ni utekelezaji wa Rais Samia kukuza biashara ya Tanzanite


Na Mwandishi Wetu, Dodoma


Serikali kupitia Wizara ya Madini inarudisha minada ya ndani ya madini ya vito itakayofanyika katika maeneo ya uzalishaji hususan Mirerani, Mahenge, Tunduru, Dar es salaam, Arusha na Tanga na kimataifa itafanyika mji wa Bangkok na Jaipur nchini Thailand.

Hayo yamesemwa leo Oktoba 16, 2024 na Waziri wa Madini Mhe. Anthony Mavunde wakati akijibu hoja mbalimbali zilizoibuliwa na wajumbe wa Kamati ya Bunge ya Kudumu ya Nishati na Madini jijini Dodoma.

Waziri Mavunde amesema kuwa baada ya taratibu za marekebisho ya kisheria kukamilika juu ya uendeshaji wa minada hiyo wanatarajia ndani ya muda mfupi ujao kuanza taraibu za kuweka miundombinu ya kuanza minada ya ndani.

Waziri Mavunde amefafanua kuwa, uendeshaji wa maonesho na minada ya kimataifa nchini ni fursa muhimu ya kutangaza madini ya vito yanayozalishwa hususan kwenye masoko ya kimataifa ambayo ni njia mojawapo ya kuwafikisha watanzania katika masoko ya uhakika na upatikanaji wa bei nzuri na stahiki.

Waziri Mavunde ameieleza Kamati ya Nishati na Madini kuwa, Mpango wa kurejesha minada ya madini ya vito ni utekelezaji wa maagizo yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan wakati wa ufunguzi wa kiwanda cha kusafisha dhahabu cha jijini Mwanza tarehe 13 Juni, 2024.
Kwa upande wake , Naibu Waziri wa madini Dkt.Steven Kiruswa amesema, kwa sasa wataalam wa Wizara ya Madini wamepata uzoefu mkubwa katika minada na maonesho ya kimataifa baada ya kujifunza namna biashara za kimataifa zinavyofanyika pamoja na matumizi ya teknolojia ya kisasa kwenye mnyororo mzima wa thamani madini katika nchi mbalimbali ikiwemo Marekani , India , Afrika Kusini na Thailand.
Awali, akiwasilisha taarifa kuhusu uboreshaji na utekelezaji wa Kanuni za Usimamizi wa Masoko na vituo, minada ya ndani na kimataifa ya madini ya vito kwa Kamati hiyo, Kaimu Mtendaji Tume ya Madini Mhandisi Ramadhani Lwamo amesema kuwa, minada hiyo itaendeshwa na Tume ya Madini kwa kushirikiana na Soko la Bidhaa la Tanzania (TMX) kupitia mfumo wa mauzo wa kielektroniki ambapo usimamizi utahusisha shughuli za uthaminishaji na upangaji wa madini ili kuweza kupata bei nzuri kulingana na madini husika,akisisitiza kwamba lengo kuu ni kuifanya Tanzania kuwa kitovu cha biashara ya madini ya vito na usonara barani Afrika.

Mhandisi Lwamo ameongeza kuwa, minada ya vito itaifungamanisha Sekta ya Madini na Sekta nyingine za kiuchumi ikiwemo Utalii na biashara katika kipindi husika ikiwa ni pamoja na kuliingizia taifa fedha za kigeni.
Pamoja na mambo mengine, Mwenyekiti wa Kamati ya Bunge ya Nishati na Madini Dkt. David Mathayo ameendelea kumpongeza Waziri wa Madini na wasaidizi wake kwa kazi nzuri ya kuisongesha Sekta ya Madini katika ngazi ya kimataifa inayoleta tija katika uchumi wa nchi na hasa katika mkakati wa kurudisha hadhi na thamani ya madini ya vito yakiwemo madini ya Tanzanite ambayo ni madini yanayopatikana Tanzania peke yake.
Continue reading

Kajunason at 0
Dar es Salaam. Tarehe 26 Agosti 2024: Benki ya CRDB kwa kushirikiana na wabia wake wa kimkakati ambao ni kampuni ya Visa International imetangaza kutoa nafuu ya nauli ya asilimia 22 kwa abiria wa Shirika la Ndege la Qatar wanaolipia tiketi zao kwa kutumia kadi za Tembocar Visa.

Nafuu hiyo inajumuisha punguzo la asilimia 12 litakalotolewa na kampuni ya Visa International pamoja na asilimia 10 ya fedha taslimu itakayorudishwa kwenye akaunti ya mteja wa Benki ya CRDB baada ya kulipia tiketi yake.
Akizungumza na waandishi wa habari jijini hapa wakati wa kuzindua kampeni hiyo itakayodumu kwa miezi sita, Kaimu Mkurugenzi wa Wateja wa Awali na Kati wa Benki ya CRDB, Muhumuliza Buberwa amesema ushirikiano huu unalenga kujunga utamaduni kwa wateja kutumia kadi kufanya malipo na kuachana na matumizi ya fedha taslimu.

“Punguzo hili la asilimia 22 ni sehemu ya motisha kwa wateja kujenga utamaduni wa kutumia kadi kufanya malipo. Nitumie nafasi hii kuwakaribisha wateja wetu wanaotaka kusafiri kutumia ndege za Shirika la Ndege la Qatar ili kunufaika na punguzo hili ili. ,” amesema Paul huku akibainisha kuwa punguzo hilo pia linatosha kwa abiria kununua zawadi kwa ajili ya wapendwa wao pindi wawapo safarini.
Kaimu Mkurugenzi huyo amesema ushirikiano wa Benki ya CRDB, Visa International na Shirika la Ndege la Qatar unazijumuisha taasisi mbili kubwa zenye ubora unaotambulika ndani na kimataifa uliozifanya zitunukiwe tuzo za aina tofauti.

Tangu mwanzoni mwa miaka ya 2000, Paul amesema Benki ya CRDB imetunukiwa takriban tuzo 200 a ndani na kimataifa ikiwamo tuzo za utoaji wa huduma bora za Visa, wakati Shirika la Ndege la Qatar likishinda tuzo ya shirika bora la ndege zinatolewa na kampuni ya Skytrax mara nane kati ya mwaka 2011 mpaka mwaka 2024.

Shirika hilo pia limeshinda tuzo ya shirika lenye daraja bora la biashara duniani (world’s best bisness class), ukumbi bora wa daraja la biashara duniani (world’s best business class lounge) na shirika bora la ndege ukanda wa Mashariki ya Kati.

“Benki ya CRDB na Shirika la Ndege la Qatar pia tunafanana kwenye ubunifu. Benki yetu ndio kiongozi katika ubunifu wa huduma na bidhaa zinazokidhi mahitaji na matarajio ya wateja wetu vivyo hivyo kwa Shirika la Ndege la Qatar ambalo limeshinda tuzo za kimataifa kutokana na ubunifu wake. Vilevile, sisi sote wawili tunajali na kuyatunza mazingira,” ameeleza Buberwa.
Meneja Mkazi Shirika la Ndege la Qatar, Isaack Wambua amesema ndege zao zenye makao makuu katika Uwanja wa Ndege wa Kimataifa wa Hamad uliopo jijini Doha ambao umeshishinda tuzo ya uwanja bora wa ndege duniani mara tatu kuanzia mwaka 2021, zinatua katika viwanja vingine 170 duniani kote hivyo kuwapa abiria wao uhakika wa kufika popote wapatakapo huku Benki ya CRDB ikiwahakikishia kukamilisha safari zao kwa gharama nafuu.
“Punguzo hili la Benki ya CRDB litakalodumu mpaka Desemba mwaka huu, linawahusu wateja wetu wote wanaotumia kadi za Tembocard Visa ambao ni zaidi ya milioni nne.

Kwa kuwa tunatambua kwamba wanazo biashara nje ya nchi na huwa wanasafiri kwa malengo tofauti, tunaamini wataitumia fursa hii kusafiri na ndege za Shirika la Qatar kwenda wanapopataka,” amesema Wambua.







Continue reading

Kajunason at 0
●Eneo la Lemishuko kurushwa ndege nyuki ya Utafiti

●Serikali kutatua changamoto ya Maji,Umeme,Barabara na Zahanati

●Aongoza Harambee ya ujenzi wa Zahanati Lemishuku

●Jengo la Kituo cha ununuzi wa Madini kukamilika Desemba,2024

●Wachimbaji wamshukuru Rais Samia kwa kufungua sekta ya madini


SIMANJIRO, MANYARA.

WAZIRI wa Madini, Mhe. Anthony Mavunde amefanya ziara kukagua shughuli za uchimbaji madini na kusikiliza changamoto za wachimbaji wadogo katika eneo la Lemishuku,Wilayani Simanjiro eneo ambalo ni maarufu kwa uchimbaji wa madini vito ya _Green Garnet_

Waziri Mavunde amepata nafasi ya kukagua uwekezaji uliofanywa katika uchimbaji wa madini katika Kijiji cha Lemishuku na kuahidi kwamba Serikali itafanikisha urushwaji wa ndege nyuki “_drone_” katika eneo hilo kwa ajili ya utafiti wa kina ili kuwaongoza vizuri wachimbaji wadogo kuondokana na uchimbaji wa kubahatisha na kuongeza kuwa mwishoni mwa mwezi Desemba 2024 jengo la kituo cha ununuzi wa Madini litakuwa limekamilika ili kufanikisha urahisi wa Biashara ya madini.
Aidha,Waziri Mavunde alieleza kuwa Serikali ya awamu ya sita chini ya Mh. Rais Dkt. Samia S. Hassan itatatuwa Changamoto zote za Maji,Umeme,Barabara na Zahanati ili kuchochea shughuli za ukuaji wa sekta ya madini ambapo katika ujenzi zahanati aliongoza harambee ambayo jumla ya matofali 4500,sarufi mifuko 183 na fedha Tsh 23m zimepatikana.

Akitoa salamu zake Mbunge wa Simanjiro, Mh. Christopher Ole Sendeka, amemshukuru Mh. Rais Dkt. Samia S. Hassan kwa kazi kubwa ya kuboresha huduma za kijamii katika eneo hilo la uchimbaji na kumshukuru Waziri Mavunde kwa kuwa Waziri wa kwanza kufika katika eneo hilo kusikiliza na kutatua kero za wachimbaji.

Wakizungumza kwa nyakati tofauti Rais wa Shirikisho la Vyama vya Wachimbaji Wadogo (FEMATA) John Bina na Mwenyekiti wa Mabroka Tanzania (CHAMATA) Ndg. Jeremiah Kituyo wameipongeza serikali kupitia wizara ya madini kwa mipango ya uendelezaji wa sekta ya madini na kusisitiza kwa wachimbaji wadogo kuzingatia sheria za nchi na pia kwa wafanyabiashara wa madini kuhakikisha wanakata Leseni ya biashara ya madini ili kuepuka usumbufu usio wa lazima.

Mkuu wa Wilaya ya Simanjiro,Mh. Fakhi Lulandala amewahakikishia wachimbaji wadogo wa eneo la Lemishuku kwamba Serikali ya ngazi ya Wilaya kupitia Taasisi mbalimbali zilizopo hapo zitahakikisha zinasimamia kwa ukaribu utekelezaji wa changamoto za wachimbaji ili kuweka mazingira mazuri ya uchimbaji katika eneo la Lemishuku.
Continue reading

Kajunason at 0
Na Mwandishi Wetu, WHMTH, Arusha

Serikali imesema imekusanya taarifa za Anwani za Makazi Milioni 12.3 nchi nzima, zinazotakiwa kuhuishwa kila wakati ili ziendelee kuwa taarifa sahihi wakati wote kwa kuwa zinabadilika mara kwa mara kutokana na sababu mbalimbali.

Kauli hiyo ya Serikali imetolewa na Naibu Katibu Mkuu wa Wizara ya Habari, Mawasiliano na Teknolojia ya Habari, Bw. Nicholaus Merinyo Mkapa, tarehe 14 Agosti, 2024 wakati wa ufunguzi wa Zoezi la Uhakiki wa Taarifa za Anwani za Makazi mkoani Arusha.
Bw. Mkapa amesema, ni lazima iwepo mikakati endelevu ya kuhakikisha Mfumo wa Anwani za Makazi yaani NaPA unakuwa na taarifa sahihi kila wakati kwa kuwa nyumba mpya zinajengwa kila siku, upimaji wa viwanja unaoendelea katika maeneo mbalimbali pamoja, watu kuhama kutoka eneo moja Kwenda lingine na matumizi yanabadilika na sababu nyingine kadhaa.

“Katika kufanikisha suala hilo, wizara imeandaa mkakati wa kufanya uhakiki wa taarifa katika halmashauri zote nchini (Mass Data Cleaning), unaokwenda sambamba na kujenga uwezo kwa Waratibu, Wataalamu Wenyeviti na watendaji wa Kata na Mitaa ili waweze kuendelea kutekeleza shughuli za Mfumo wa Anwani za Makazi katika maeneo yao”, amesema Bw. Mkapa.

Naibu Katibu Mkuu huyo amesema hadi sasa, wizara imeshafanya zoezi la uhakiki na kujenga uwezo katika Halmashauri 31, kati ya hizo, 19 ni za Tanzania Bara na 11 za Tanzania Zanzibar.

Amesema, katika uhakiki huo, wizara imefanikiwa kuhuisha zaidi ya taarifa za anwani Milioni 2.3, kutoa anwani mpya zaidi ya 500,000 na kujenga uwezo kwa wataalamu, wenyeviti na watendaji wapatao 6,621.

Kwa upande wake Mkurugenzi wa Huduma za Mawasiliano wa Wizara hiyo, Bw. Mulembwa Munaku amesema kuwa zoezi la Uhakiki linafanyika baada ya wizara kufanya tathmini na kubainisha mapungufu mbalimbali yakiwemo baadhi ya taarifa zilizokusanywa kukosa sifa, kutoa majina ya Barabara bila kuzingatia miongozo na baadhi ya wananchi kutofikiwa na zoezi.

Wenyeviti wa mitaa,watendaji wa kata na mitaa, Wakurugenzi wa halmashauri, Makatibu tawala wilaya pamoja na viongozi mbalimbali wa taasisi za umma na binafsi wakishiriki mafunzo maalum ya zoezi la Uhakiki wa Taarifa za Anwani za Makazi kutoka Mkoa wa Arusha tarehe 14 Agosti, 2024.
---
Bw. Munaku amesema ufunguzi uliofanyika leo unakwenda sambamba na Utoaji wa Mafunzo kwa washiriki ambapo Mada mbalimbali zitatolewa kama vile Utambuzi na utoaji wa majina ya barabara na namba za Anwani, Mfumo wa kidijitali wa Anwani za Makazi, kupata uelewa wa maswali yanayotumika kukusanya taarifa za Anwani na Utaratibu wa Kusajili na Kuhakiki majina wa Barabara.
Continue reading

Kajunason at 0
Na Amina Hezron – Dodoma.

Imeshauriwa kuwa uwekezaji katika sekta ya kilimo ujikite zaidi katika kuangalia namna ya kuboresha mbinu mbalimbali za ugani na teknolojia za kisasa ili kuwasaidia maafisa ugani kufikisha taarifa bora na za kisasa kwa wakulima vizuri na kuinua tija.

Ushauri huoumetolewa leo jijini Dodoma na Mwenyekiti wa Chama cha Wagani Tanzania (TSAEE) na Mhadhiri kutoka Chuo Kikuu cha Sokoine cha Kilimo Prof. Catherine Msuya wakati wa kongamano la kimataifa lililolenga kuangalia mchango wa uwekezaji katika sekta ya kilimo ambalo limewakutanisha wadau mbalimbali kutoka ndani na nje ya nchi ikiwemo china na Marekani lililofanyika Jijini Dodoma kwenye maonesho ya Kitaifa ya wakulima nanenane.

“Maafisa ugani bado wamekuwa wakiendelea kutumika njia za zamani japokuwa zipo jitihada zinazoendelea za kufanya wanafunzi ambao wapo vyuoni kujifunza mbinu za kisasa, lakini vipi wale wagani ambao tayari kundi kubwa lipo kule likifanya kazi wanajifunza wapi,hivyo ipo haja ya kuwekeza katika kuwapa elimu na maarifa ya hayo mapya na ya kisasa yanayokuja” alibainisha Prof. Catherine.

Aliongeza “Unakuta Mgani amemshauri mkulima kutumia mbegu flani ambayo ilikuwa ikitumika siku zote na ikifanya vizuri lakini kutokana na mabadiliko ya tabia nchi ile mbegu haifanyi vizuri mkulima mfugaji au mvuvi anakuwa anasahau kwamba kuna mabadiliko ya tabia nchi hivyo lawama zinakuwa kwa afisa ugani”.

Awali akifungua kongamano hilo Waziri wa Nchi Ofisi ya Rais Mipango na Uwekezaji Mhe. Prof. Kitila Mkumbo amesema kuwa Serikali inaendelea kuwekeza katika kilimo ili kuhakikisha tija inaongezeka hivyo amewataka wakulima kutumia maarifa mbalimbali wanayopewa ili waweze kufikia lengo lao na la Taifa.

“Natoa wito kwa sisi viongozi na watumishi wenye dhamana kusaidia wakulima tuendelee kuweka mazingira mazuri ya biashara na uwekezaji ili wakulima wetu wanapolima wahakikishe wanapata nafasi ya kuuza mazao yao kwa njia ambayo haina vikwazo ili wabadili mazao yao kuwa fedha hiyo ndiyo njia nzuri ya kuongeza kipato na kuondoa umaskini”, alisema Prof Kitila.

Aidha ametoa wito kwa wawekezaji kutoka nje kuja kuwekeza katika kilimo hususani kwenye viwanda kwasababu lengo ni kuongeza thamani mazao ya kilimo Mifugo, Uvuvi, Misitu na Madini ili kuweza kusafilisha bidhaa zilizoongezeka thamani na kupata fedha nyingi zaidi.

Aidha kwa upande wake Waziri Mkuu Mstaafu Mhe. Mizengo Pinda amesema kuwa Kongamano ni nyezo muhimu kwasababu linawafungua watu macho kujua yale ambayo hawakuwa wakiyajua na linasaidia kutoa nafasi ya kujadiliana na kutafuta ufumbuzi wa changamoto kwa pamoja kupitia majadiliano.

“Kuna mengi ambayo tukienda kukaa tukayatafakari na mengine kutengenezewa mpango kabisa mimi naamini yatawaongezea sana maarifa mapya kwa Wananchi wetu kutoka hapo walipo na kupiga hatua moja mbele”, alisema mhe Pinda.


Maafisa Ugani hao kupitia chama chao cha maafisa ugani Tanzania (TSAEE) wanakutaka kwenye maonesho hayo ya Kitaifa ya nanenanen Jijini Dodoma kwa lengo la kujifunza mbinu mbalimbali mpya na za kisasa zilizopo ili kuwajengea maarifa mapya ambayo yatawasaidia katika kutatua changamoto mbalimbali za wakulima kwenye maeneo wanayotoka nchi nzima.

Mwenyekiti wa Chama cha Wagani Tanzania (TSAEE) na Mhadhiri kutoka Chuo Kikuu cha Sokoine cha Kilimo Prof. Catherine Msuya akichangia mada kwenye japo akieleza nafasi ya ugani kwenye uwekezaji wa Kilimo.Waziri wa Nchi Ofisi ya Rais Mipango na Uwekezaji Mhe. Prof. Kitila Mkumbo akifungua Kongamano hilo la Kitaifa la Uwekezaji.Waziri Mkuu Mstaafu Mhe. Mizengo Pinda akitoa salamu zake kwa wadau wa kongamano hilo la Kitaifa Jijini Dodoma.
Continue reading

Kajunason at 0
Gavana wa Jimbo la Haut-Katanga, Jacques Kyabula (katikati) akimkabaizi mfano wa hundi yenye thamani ya Dola za Marekani 50,000 Waziri wa Afya, Joseph Nsambi Bulanda wa Haut-Katanga (watatu kulia), zilizokusanywa katika CRDB Bank Marathon Congo iliyofanyika leo Agosti 4 2024 katika jiji la Lubumbashi DRC. Wengine pichani ni Balozi wa Tanzania nchini DRC, Said Mshana (wapili kulia), Mwenyekiti wa Bodi ya Kundi la Benki ya CRDB, Dkt. Ally Laay (watatu kushoto), Mwenyekiti wa Bodi wa CRDB Bank DRC, Dkt. Fred Msemwa (wapili kushoto), Kaimu Mkurugenzi Mtendaji wa Kundi la Benki ya CRDB, Bruce Mwile (wakwanza kushoto) na Mkurugenzi Mtendaji wa CRDB Bank DRC, Jessica Nyachiro.
Lubumbashi – CRDB Bank Marathon imefanyika leo kwa mara ya kwanza nje ya mipaka ya Tanzania katika jiji la Lubumbashi ambapo zaidi ya wakimbiaji 1,000 wameshirikina kufanikisha lengo la kukusanya USD 50,000 kwa ajili ya kusaidia wodi ya watoto katikaHospitali ya Jason Sendwe.

Mgeni rasmi katika mbio hizo ambazo zimewekahistoria katika marathon ambazo zimewahikufanyika katika jiji la Lubumbashi alikuwa ni Gavana wa Jimbo la Haut-Katanga Mhe. Jacques Kyabula ambaye aliambatana na mawaziri 10 wa Jimbo hilo wakiongozwa na Waziri wa Michezo, pamoja na Waziri wa Afya.

Akizungumza baada ya kumalizika kwa mbiohizo za hisani zilizobeba kaulimbiu isemayo‘Tabasamu Limevuka Mipaka’ Gavana Kyabulaameipongeza Benki ya CRDB kwa kuwaletapamoja WaCongo pamoja na washiriki kutoka mataifa ya jirani kuja kuchangia kuboreshahuduma za afya kwa watoto na kukuza ustawi wa jamii.

"Tunaishukuru CRDB Bank Marathon kwa kusaidia jitihada za Serikali kuboresha huduma za afya kwa wananchi. Serikali yetu inatoakipaumbele kikubwa katika afya, na tunafurahishwa na jitihada zinazofanywa na Benki ya CRDB katika kusaidia kuboresha afyaya watoto," alisema Gavana Kyabula.
Kwa upande wake Balozi wa Tanzania nchiniDRC, Balozi Said Mshana aliipongeza Benki ya CRDB kwa juhudi zake za kukuza mahusianoya kimataifa na kuimarisha umoja na mshikamano katika jamii. Balozi Mshanaalisema mbio hizo zilizozaliwa Tanzania zinaonyesha ubunifu ambao taasisi za kitanzania zinaweza kupeleka nje ya nchi katikakusaidia kukuza ustawi wa jamii.

Naye Mwenyekiti wa Bodi ya CRDB Bank DRC, Dkt. Fred Msemwa alieleza kuwa marathon hiyoni sehemu ya mkakati wa Benki kusaidia juhudiza serikali katika kukuza ustawi wa watu wa Congo. "Marathon hii si tu inahamasishamichezo, bali pia inajenga utamaduni wa kujitolea kwa jamii.

Benki yetu inaamini kwa kuwaleta watu pamoja tunaweza kuyafikiamakundi mengi kwa urahisi na hivyo kukuza ustawi wa jamii kupitia programu bunifu kama CRDB Bank Marathon, lakini pia kupitia huduma na bidhaa zetu bunifu tutaweza kusaidia jitihadaza kukuza ujumuishi wa kifedha na kiuchumi," alisema.
Akitangaza matokeo ya mbio hizo, MkurugenziMtendaji wa CRDB Bank Congo, Jessica Nyachiro, aliwashukuru washirika wa mbio hizoAfricell, Orange, Ogowe Cleaning, Kin Marche, Policlynique Delta, Shalina, Vinmart Foundation, SUNU Insurance, na Dukan. “Pamoja na kuwahuu ni mwaka wa kwanza kwa mbio hizi lakinimwitikio umekuwa mkubwa sana. Tunawashukuru sana washirika wetu na wakimbiaji wote mlioungana nasi kusambazatabasamu kwa watoto.”

Marathon iliyofanyika leo Lubumbashi ni ya kwanza kati ya tatu ambazo zimepangwakufanyika mwaka huu nchini DRC, Burundi, na Tanzania. Mkurugenzi Mtendaji wa CRDB Bank Foundation ambao ndio waandaji wa mbio hizo, Tully Esther Mwambapa ameeleza furaha yakebaada ya mbio hizo zilivyopokelewa vizuri sana nchini DRC.

Tully amewashukuru Watanzania ambaowamejitokeza kwa wingi kushiriki mbio hizo za DRC ikiwamo kuwashukuru washirika wakuu wa mbio hizo Sanlam, CRDB Insurance Company, na Clouds Media. "Nitumie nafasi hiikuwakaribisha watu wote kuendelea kujisajilikwa mbio za Burundi tarehe 11 Agosti na Tanzania tarehe 18 Agosti," aliongezea.

Papy Kayombo, mshindi wa mbio za Kilometa21 katika CRDB Bank Marathon Congo, ameeleza furaha yake ya kushiriki katika mbiohizo na kusema ushindi wake ni sehemu ya kusambaza tabasamu kwa watoto ambaowatapata matibabu katika hospitali ya Jason Sendwe.

Kayombo alisema, "Katika jiji la Lubumbashi utamaduni huu ni mpya na ninaonautasaidia sana kujenga mshikamano katikajamii. Naipongeza sana Benki hii yetu ya CRDB, imeonyesha upendo mkubwa sana kwa watotowetu na sisi tunaahidi kuiunga mkono."

Viongozi hao pia waliambatana na Balozi wa Tanzania nchini DRC, Balozi Said Mshana, Balozi wa Burundi nchini DRC, pamoja viongozimbalimbali wa Benki ya CRDB wakiongozwa na Mwenyekiti wa Bodi ya Wakurugenzi Benki ya CRDB, Dkt. Ally Laay, na Kaimu MkurugenziMtendaji wa Benki ya CRDB, Bruce Mwile.




Continue reading
Subscribe to: Posts (Atom)