TRENDING NOW






Recent Post Recent Post
View More

Kajunason at 0
Meneja Biashara wa kampuni ya Vodacom Tanzania Plc Kanda ya Nyanda za Juu Kusini, Magreth Mambai (kushoto) akiweka mafuta yaliyotolewa bure kwa mteja wa kampuni hiyo jijini Mbeya kwenye pikipiki ya Baraka Ramson (katikati) ikiwa ni mwendelezo wa kampeni yao ya kurudisha tabasamu kwa wateja wa kampuni hiyo katika msimu huu wa sikukuu inayoitwa ‘Shangwe popote ukiwa na M-Pesa!’.

Msimamizi wa Mauzo ya M-Pesa Vodacom Tanzania Kanda ya Nyanda za Kuu Kusini, Evelyne Mwinuka akiweka mafuta yaliyotolewa bure kwa wateja wa kampuni hiyo jijini Mbeya kwenye bajaj ya Emmanuel Jacob (kushoto) ikiwa ni mwendelezo wa kampeni yao ya kurudisha tabasamu kwa wateja msimu wa sikukuu inayoitwa ‘Shangwe popote ukiwa na M-Pesa!’.
Meneja mauzo kutoka Vodacom Tanzania Plc kanda ya kusini Baraka Musabila(kushoto) akimwekea mafuta mteja wa Vodacom Fadhili Tumaini (katikati).
Msimamizi wa mauzo M-Pesa Tanzania kanda ya kusini kutoka Vodacom Evelyne Mwinuka akimwekea mafuta mteja wa Vodacom Sharifa Shaban.

Afisa mauzo kutoka Vodacom Tanzania Plc kanda ya Kusini Brown msigwa (katikati) akiweka mafuta yaliyotolewa bure kwa wateja wa kampuni hiyo jijini Mbeya kwenye Bajaj ya Emmanuel Jacob (kulia).
Continue reading

Kajunason at 0

Na Mwandishi Wetu, Manyara.

Sherehe ya hadhi ya kifalme inayojulikana kama Mati Tanzanite Royal Party imefanyika Mjini Babati Mkoani Manyara huku mamia ya wahudhuriaji wakivalia mavazi ya kifahari ya falme mbali mbali za Kiafrika na Duniani ,sherehe hizo zimezua gumzo kutokana na aina ya mavazi,chakula na burudani zilizotolewa na wanamuziki wakubwa wakiongozwa na Msanii Rayvanny.

Mkurugenzi wa Mati Super Brands Limited David Mulokozi ambaye pia ni muandaaji wa sherehe hizo amesema zimelenga kuwapongeza wafanyakazi wa kampuni hiyo kwa kufanya kazi kwa weledi na ufanisi mkubwa .

“Kampuni ya Mati Super Brands Limited iliyoanza kama mchicha na sasa imekua mbuyu ilianza kama mradi mdogo wa kuhudumia mikoa michache ya Tanzania lakini leo tuna wateja nchi nzima na karibia Afrika nzima.Haya ni matokeo ya Usimamizi thabiti wa viongozi wetu” Anaeleza Mulokozi

Aidha amesema kuwa umakini na umahiri wa Wafanyakazi na Viongozi hususan idara ya uzalishaji kupitia utafiti na maendeleo kwa kutengeneza bidhaa mpya ya Tanzanite Royal Gin ambayo imeleta mapinduzi makubwa kwenye soko la vinywaji duniani.

Kwa upande wake Mkuu wa Wilaya ya Babati Emmanuela Kaganda ameipongeza Kampuni ya Mati Super Brands Limited kwa kulipa kodi stahiki za serikali na kutoa fursa za ajira kwa vijana hivyo kupunguza changamoto ya ajira katika mkoa wa Manyara na Taifa.

Sherehe hizo zimehudhuriwa na Watu Mashuhuri ikiwemo Msanii Rayvanny ,Mtayarishaji Mkongwe wa Bongo Fleva P.Funk Majani, Babu wa Tik Tok, Zuli Comedy, Viongozi wa Siasa na Wafanyabiashara mbali mbali.
Continue reading

Kajunason at 0
Serikali kupitia Ofisi ya Waziri Mkuu (Sera, Bunge na Uratibu) imezitaka halmashauri, taasisi, na wadau mbalimbali wanaonufaika na mafunzo ya ufuatiliaji na tathmini kutumia vyema fursa hizo. Imepongeza ushirikiano uliopo baina ya Chuo Kikuu Huria cha Tanzania, ambacho kimeendelea kutoa mafunzo wakishirikiana na Ofisi ya Waziri Mkuu ili kuongeza ufanisi wa kufuatilia na kusimamia maendeleo ya miradi ya serikali.

Kauli hiyo imetolewa leo Januari 10, 2024, na Mkurugenzi Msaidizi wa Idara ya Ufuatiliaji na Tathmini kutoka Ofisi ya Waziri Mkuu, Sera, Bunge, na Uratibu, John Bosco Quman, wakati wa kufunga mafunzo ya uelewa kwa watumishi wa serikali ngazi ya halmashauri. Quman amehimiza washiriki kushiriki kikamilifu hatua zote tatu za mafunzo ili kuimarisha usimamizi na utekelezaji wa miradi ya maendeleo.

Aidha amekipongeza Chuo Kikuu Huria cha Tanzania, Quman amesema chuo hicho kimefanya kazi nzuri katika kutoa mafunzo ya ufuatiliaji na tathmini, bila malalamiko yoyote kuhusu utekelezaji wa mpango huo unaosimamiwa na serikali kupitia Ofisi ya Waziri Mkuu.

Kwa upande wake, mwezeshaji wa mafunzo hayo kutoka Chuo Kikuu Huria, amesema mpango huo unalenga kuwajengea uwezo wafanyakazi wa serikali. Hadi sasa, mikoa yote nchini imefaidika na mafunzo hayo katika ngazi ya kwanza. Ameongeza kuwa washiriki 67 kutoka halmashauri mbalimbali wamepata maarifa ya kutafsiri miongozo, kusimamia utekelezaji wa miradi, na kuandaa miongozo inayosaidia kutatua changamoto za kijamii katika mafunzo yaliyotolewa Mkoani Morogoro .

Naye, Caroline Marila, mshiriki wa mafunzo kutoka Halmashauri ya Wilaya ya Buchosa, amesema mafunzo hayo yataboresha utekelezaji wa miradi ya serikali na usimamizi wa rasilimali fedha, hivyo kuleta mabadiliko chanya katika utoaji wa huduma kwa jamii.

Mafunzo haya, yaliyoanzishwa na serikali kupitia Chuo Kikuu Huria cha Tanzania, yalianza mwaka 2024 kwa lengo la kuwajengea uwezo watumishi wa umma katika kufuatilia na kutathmini miradi ya maendeleo ili kuongeza uwajibikaji na ufanisi wa matumizi ya rasilimali.
Continue reading

Kajunason at 0

NA MWANDISHI WETU

Kamati ya Kudumu ya Bunge ya Afya na Masuala ya UKIMWI, imetembelea miradi mbalimbali mkoani Njombe leo tarehe 09 Januari, 2025.

Kamati hiyo imetembelea kituo cha Afya cha Njombe Mjini kilichopo katika Halmashauri ya mji wa Njombe kwa lengo la kujionea huduma zinazotolewa katika kituo hicho ikiwemo huduma za upimaji UKIMWI, pamoja na kutembelea Shirika lisilo la kiserikali "COCODA" linalohudumia watu wanaishi na virusi vya UKIMWI.

Kamati hiyo imeongozwa na Mhe. Dr. Elibariki Kingu Mwenyekiti wa kamati na Mbunge wa Singida Magharibi, akiambatana na Naibu Waziri Ofisi ya Waziri Mkuu anaeshughulikia Masuala ya Sera, Bunge na Uratibu Mheshimiwa Ummy Nderiananga



Aidha kamati imepokea taarifa ya mambukizi ya UKIMWI mkoani Njombe, ambapo mkoa una watu 66,979 wanaishi na Virusi vya UKIMWI huku jitihada mbalimbali zikiendelea kufanyika ikiwa ni pamoja na ugwaji wa kondom.

Hata hivyo kamati imetoa pongezi kwa Mkoa wa Njombe, kwa kushirikiana na Ofisi ya Waziri Mkuu pamoja na Asasi zinazojihusisha na suala la kuhakikisha maambukizi ya VVU, yanapungua Mkoani Njombe.

Pamoja na hayo, Naibu Waziri, Ofisi ya Waziri Mkuu (Sera, Bunge na Uratibu) Mhe. Ummy Nderiananga, ametoa shukrani kwa kamati ya kudumu ya Bunge, huku akiahidi Serikali kuendelea kushirikiana na wadau kwani bado kuna changamoto kubwa ya maambukizi ya VVU kwa vijana.

Continue reading

Kajunason at 0
MTOTO REGNALDO SAMWELI MSUYA MIAKA (16) ANATAFUTWA, INADAIWA ALIONDOKA NYUMBANI KWAO 15/12/2024 HADI SASA HAJULIKANI ALIPO.
NYUMBANI KWAO NI KINONDONI MTAA MWANANYAMALA KWA KOPA, DAR ES SALAAM. ANASOMA SHULE YA SECONDARY MAKUMBUSHO KIDATO CHA TATU. KWA YOYOTE ATAKAYE MUONA TUNAOMBA ATOE TAARIFA KWENYE KITUO CHOCHOTE CHA POLISI KILICHO KARIBU.

TAARIFA NAMBA YA POLISI NI MWJ/RB/1893/2024 AU KWA SIMU NAMBA HII 0782 136333
Continue reading

Kajunason at 0
Dar es Salaam. Tarehe 7 Januari 2025: Katika kuukaribisha mwaka mpya 2025, Benki ya CRDB imezindua mikopo ya ada kwa wanafunzi wa shule za msingi na sekondari nchini kote. Mikopo hiyo inayoitwa Ada Fasta ni mwendelezo wa juhudi za Benki ya CRDB kukidhi mahitaji na matarajio ya wateja wake ili kuwawezesha kukabiliana na changamoto za kifedha wanakokabiliana nazo.


Akizindua mikopo hiyo inayotolewa kupitia Programu ya SimBanking, Kaimu Mkurugenzi Mtendaji wa Benki ya CRDB, Fredrick Nshekanabo amesema kila mzazi au mlezi mwenye uhitaji anaweza kupata mkopo huo ili kumruhusu mwanafunzi kuendelea na masomo kulingana na ratiba ya muhula husika.

“Mteja anaweza kukopa mpaka shilingi milioni 3 ambazo atazirudisha ndani ya miezi sita. Riba ya mkopo huu ni asilimia 13 tu mwaka, gharama ndogo zaidi ukilinganisha riba iliyopo sokoni. Nawakaribisha wazazi wote kuitumia fursa hii kuhakikisha watoto wetu wanasoma bila tatizo lolote la ada,” amesema Nshekanabo.

Mkurugenzi huyo amesema wameizindua huduma hiyo kipindi hiki wakitambua kuwa Januari ni mwezi wenye changamoto nyingi za kifedha zinazotokana na mahitaji makubwa yanayokuwepo ikiwamo ada za wanafunzi, kodi ya nyumba na mahitaji mengine muhimu hasa baada ya kila mtu kuwa ametumia kiasi kikubwa cha fedha kusherehekea sikukuu za mwisho wa mwaka.


Ikiwa Benki inayomsikiliza mteja na kumweka mbele katika mikakati ya biashara, amesema wakati wote wanabuni huduma na bidhaa zinazokidhi mahitaji ya wateja na Januari hii wamekuja na jambo jipya mahususi kwa kila mzazi au mlezi wa mwanafunzi nchini.
Zaidi ya muongo mmoja Benki ya CRDB ilizindua nakuutambulisha Mfumo wa Makusanyo ya Ada Shuleni yaani School Fees Management System ambao mpaka sasa unatumiwa na zaidi ya shule 1,000 nchini kote ambazo sasa wanafunzi wake watanufaika na mikopo hii iliyozinduliwa.


“Hii ni fursa kwa shule zote binafsi nchini kujiunga na mfumo huu wa makusanyo ya ada ii kutoa fursa kwa wazazi kukopa ada wakati wowote watakapohitaji ili watoto waendelee na masomo yao. Wazazi wote waliopo kwenye shule zinazoutumia mfumo huu wawe ni wateja wetu ama la, wanayo fursa ya kunufaika na mikopo hii,” amesema Nshekanabo.

Mzazi au mlezi atakayeomba mkopo huu, amesema atapata fedha husika zitakazoingizwa kwenye akaunti ya shule moja kwa moja na yeye kupata risiti ya uthibitisho kwamba amelipa ada inayotakiwa kwa ajili ya mtoto wake.

Kwa kuwawezesha wazazi na walezi kulipa ada kwa wakati, Nshekanabo amesema wana imani watakuwa wamesaidia kuboresha elimu kwa kuwawezesha wanafunzi kuhudhuria masomo yao bila vikwazo huku shule zikiweza kujiendesha na kutoa maarifa bora yanayohitajika kwa watoto wa Kitanzania.

Kwa mzazi au mlezi ambaye ameajiriwa na mshahara wake unapitia Benki ya CRDB, anaweza kupata mkopo wa ada kwa kuingia kwenye Programu ya SimBanking kisha akabofya sehemu ya mikopo ambako atatakiwa kuingiza ‘control number’ aliyotumiwa na shule kwa ajili ya malipo ya ada na programu itamwonyesha kiasi cha juu anachoruhusiwa kukopa.
Baada ya hapo, mteja atatakiwa kuingiza kiasi anachokitaka na kupendekeza muda anaotaka kulipa deni hilo ndani ya miezi sita ili kukamilisha maombi yake. Akishafanya hivyo, Benki ya CRDB itaingiza fedha zilizoombwa kwenye akaunti ya shule anakosoma mtoto hivyo kumruhusu asome kwa utulivu.

Ukiacha faida zilizopo kwa pande zote mbili yaani shule na mzazi au mlezi, mfumo wa makusanyo ya ada wa Benki ya CRDB ni rahisi kuutumia kwani mteja anaweza kulipa ada kupitia SimBanking, CRDB Wakala au kutembelea tawi la Benki ya CRDB.

Vilevile, mteja anaweza kulipa ada ya mwanafunzi kupitia M-pesa, Tigopesa, Airtel Money au Halopesa bila kulazimika kupeleka risiti ya malipo shuleni kwani taarifa huwa zinafika huko moja kwa moja. Kwa upande wa shule, faida iliyopo ni kwamba inakusanya ada kwa wakati na kupata taarifa papo hapo.
Mkuu wa Kitengo cha Wateja Binafsi wa Benki ya CRDB, Stephen Adili akizungumza katika hafla ya uzinduzi wa Mikopo ya ada kwa wanafunzi wa shule za msingi na sekondari nchini kote (Ada Loan) iliyozinduliwa na Benki ya CRDB ili kukidhi mahitaji na matarajio ya wateja wake kwa kuwawezesha mkopo ili kukabiliana na changamoto za kifedha hasa katika kipindi hiki cha mwanzo wa mwaka. Uzinduzi huo umefanyika leo kwenye ukumbi wa Benki hiyo, jijini Dar es salaam leo.

Rais wa Chama cha Wawekezaji Binafsi katika Elimu nchini (TAPIE), Mahmod Mringo akizungumza katika hafla ya uzinduzi wa Mikopo ya ada kwa wanafunzi wa shule za msingi na sekondari nchini kote (Ada Loan) iliyozinduliwa na Benki ya CRDB ili kukidhi mahitaji na matarajio ya wateja wake kwa kuwawezesha mkopo ili kukabiliana na changamoto za kifedha hasa katika kipindi hiki cha mwanzo wa mwaka. Uzinduzi huo umefanyika leo kwenye ukumbi wa Benki hiyo, jijini Dar es salaam leo.


Continue reading
Subscribe to: Posts (Atom)