Articles by "HABARI PICHA"
Showing posts with label HABARI PICHA. Show all posts

Kajunason at 0
Na Mwandishi Wetu, JAB.

Mwenyekiti wa Jukwaa la Wahariri Tanzania (TEF), Deodatus Balile amempongeza Waziri wa Habari, Mawasiliano na Teknolojia ya Habari Mhe. Jerry William Silaa kwa kuunda Bodi ya Ithibati ya Waandishi wa Habari mapema mara baada ya kuteuliwa.

Balile amesema hiyo ni hatua kubwa kwani imechukua miaka Nane tangu kutungwa kwa Sheria ya Huduma za Habari Sura ya 229 inayotamka uundwaji wa bodi hiyo.

Ametoa kauli hiyo leo tarehe 21 Novemba, 2024 wakati akiwasilisha hoja za jukwaa hilo mbele ya Waziri kwenye Kikao cha kwanza cha kufahamiana na Wajumbe wa Umoja wa Haki ya Kupata Taarifa (CoRI) kilichofanyika Ukumbi wa Mamlaka ya Mawasiliano Tanzania (TCRA), jijini Dar es Salaam.
“Tunakushukuru sana Mheshimiwa kwa sababu imechukua miaka Nane tangu Sheria imepita 2016 na Bodi ilikuwa haijawahi kuundwa na leo tumesikia Kaimu Mkurugenzi Mkuu wa Bodi Bw. Patrick Kipangula, siyo mgeni sana kwetu lakini leo tumemsikia kwa cheo kipya, tunashukuru sana na tunampongeza sana,” amesema Balile akionesha kuridhishwa na Hatua hiyo ya Waziri Silaa kuunda Bodi ya Ithibati.

Waziri Silaa aliiteua Bodi ya Ithibati ya Waandishi wa Habari Septemba 18 na kumteua Mwandishi wa Habari Nguli Tido Mhando kuwa Mwenyekiti wa Kwanza na wajumbe wengine sita kutoka Taasisi za Habari kama ilivyoainishwa katika Sheria ya Huduma za Habari.

Wajumbe wa Bodi hiyo ni Bw. Thobias Makoba, Mgaya Kingoba, Dkt. Rose Reuben Mchomvu, Dkt Egbert Mkoko na Laslaus Komanya.
Akizungumza na Wadau wa Habari kuelekea Uchaguzi wa Serikali za Mitaa 2024 na Uchaguzi Mkuu 2025, tarehe 19 Novemba, Waziri Silaa alibainisha kuwa uzinduzi rasmi wa bodi hiyo muhimu utafanyika mapema mwezi Disemba, 2024 na kwamba itafungua njia ya safari ya kuanzisha Baraza Huru la Habari na pia Mfuko wa Mafunzo kwa Wanahabari na tathimini ya hali ya uchumi kwa vyombo vya habari.

Katika hoja yake Balile alimuomba Waziri kuwa na kikao kazi kitakachogusia Sera ya Habari, Sheria na mfuko wa mafunzo ili kupata uelewa wa pamoja wa namna ya kuiboresha tasnia ya Habari na Uhuru wa Vyombo vya Habari.

Ombi kama hilo pia liliwasilishwa na Mwenyekiti wa CoRI, Ernest Sungura aliyemuomba Waziri katika vikao vijavyo kuwa na majadiliano ya namna Baraza Huru la Habari lililoundwa na Sheria ya Huduma za Habari litakavyoendesha majukumu yake ili kujitofautisha na Baraza la Habari Tanzania (MCT) ili kuondoa mgongano.
Picha ya pamoja.
Continue reading

Kajunason at 0
Na Mwandishi Wetu, JAB, Dar es Salaam

Waziri wa Habari, Mawasiliano na Teknolojia ya Habari, Mhe. Jerry William Silaa, amesema licha ya kufungua milango ya ushirikiano kwa Wadau wa Sekta ya Habari kuifikia ofisi yake wakati wowote, anawaalika kuwa tayari kusema, kusikia, na kukubaliana na hali halisi.

Waziri Silaa alitoa kauli hiyo leo, tarehe 21 Novemba 2024, wakati wa kikao cha kwanza cha kufahamiana na Wajumbe wa Umoja wa Haki ya Kupata Taarifa (CoRI) kilichofanyika Ukumbi wa Mamlaka ya Mawasiliano Tanzania (TCRA), jijini Dar es Salaam.

“Milango iko wazi wakati wote, mnaweza kufika ofisini kwangu... ili tuweze kutengeneza mazingira ya kukutana, kujadiliana, kushauriana na kuona wizara hii ni Wizara yenu. Kikubwa ni kuwa na mtazamo wazi; wakati wote mnapofika, muwe tayari kusema, muwe tayari kusikia, na vilevile muwe tayari kukubaliana na hali halisi,” alisisitiza Waziri Silaa.

Amesema malengo ya kufungua milango kwa wadau wa Habari na kwa waandishi wa Habari mmoja mmoja ni kuijenga na kuikuza tasnia ya Habari nchini.
Katika kikao hicho, Waziri Silaa alikubaliana na hoja mbalimbali kutoka CoRI na kwa kila mwanachama wa CoRI, kupokea taarifa za shughuli zinazofanywa na wanachama hao, na kuahidi kuendelea kukutana nao.

Aidha, Waziri Silaa aliahidi kuendelea kufuata maono ya Rais Dkt. Samia Suluhu Hassan ya kuhakikisha tasnia ya Habari inakuwa huru, inafanya kazi kwa utaratibu utakaowasaidia waandishi kutekeleza majukumu yao, kuwapa haki Watanzania kupata taarifa, na kutimiza wajibu wao.

Hata hivyo, Waziri Silaa alikumbusha wadau wa Habari kwamba maono ya Rais Samia ya kutaka uhuru wa Habari lazima yaendane na wajibu. Alifafanua kwamba msamaha alioutoa wa kuvifungulia vyombo vya Habari vilivyofungiwa haimaanishi vyombo hivyo havikufanya makosa.

“Kama mnavyokumbuka, Mheshimiwa Rais wiki mbili tu baada ya kuingia madarakani, alizifungulia Online TV zote ambazo zilikuwa zimefungiwa, akavirudishia leseni vyombo vya Habari vilivyokuwa vimefungiwa,” alisema Waziri Silaa, na kuongeza: 

“Vyombo vya Habari vilivyofungiwa, siyo kwamba havikufanya makosa, hapana. Kisheria vilifanya makosa, lakini kwa mapenzi yake, busara zake, na ustahimilivu wake, na hata mlioona alifanya katika sekta nyingine, ikiwemo 4R zake, aliona ni vema kila mtu akapata fursa ya kufanya kazi... kwa sababu Online Media inatoa ajira kwa vijana wengi sasa.”

Kwa upande wake, Mwenyekiti wa CoRI, Bw. Ernest Sungura, ambaye pia ni Katibu Mtendaji wa Baraza la Habari Tanzania (MCT), alisema anaamini kikao hicho cha kufahamiana na Waziri Silaa kitafungua fursa ya vikao kazi zaidi vitakavyotumika kuwasilisha hoja nyingine za kuzifanyia kazi.
Continue reading

Kajunason at 0
Kampuni ya Vodacom Tanzania Plc imetembelea soko la Makumbusho jijini Dar es Salaam kutoa elimu na kuongeza uelewa wa wananchi kuhusu utapeli wa kimtandao. Zoezi limefanywa kwa lengo la kuwasaidia watumiaji wa mtandao namna ya kutambua na kuepuka matapeli katika mitandao ya simu.
“Tatizo la utapeli wa mtandaoni limekuwa likiongezeka kila siku ambapo watu wengi wamekuwa wahanga kwa kupoteza fedha zao bila kujua nini cha kufanya. Hivyo Vodacom tumekuja leo kutoa elimu na kuongeza uelewa kwa wananchi ili wajue jinsi ya kukubaliana na matapeli,” anasema Agapinus Tax, Mkurugenzi wa Udhibiti wa Hatari na Utii wa Sheria kutoka Vodacom Tanzania. 
Agapinus anasema hili zoezi ni endelevu na litakuwa pia katika mikoa ya Rukwa na Morogoro ambayo, kwa mjibu wa takwimu, ni kati ya mikoa inayoongoza kwa vitendo vya utapeli wa mtandaoni.
Continue reading

Kajunason at 0
Mkuu wa Mkoa wa Dodoma Rosemary Senyamule (katikati) akikata utepe kuashiria kufungua rasmi duka la Vodacom lililopo eneo la kituo cha mwendokasi (SGR) cha Samia Jijini Dodoma leo. Kulia ni Mwenyekiti wa bodi ya wakurugenzi Vodacom Tanzania, Jaji Mstaafu Thomas Mihayo na kushoto ni Mdau wa Vodacom, Emmanuel Makaki .
Na Mwandishi Wetu.

Dodoma – 20th Novemba 2024: Vodacom Tanzania Plc imezindua duka lake jipya (Vodashop) katika stesheni ya SGR iliyopo mkoani Dodoma huku ikiwa na mpango wa kufungua duka lingine mkoani Morogoro. Hatua hii muhimu inaonyesha dhamira ya kampuni hiyo kutoa huduma stahiki kwa wateja wake huku wakipanua wigo wa upatikanaji kote nchini. Hii ikiwa ni muendelezo wa mikakati yake ya kuhakikisha wateja wake wanapata huduma haraka pale wanapohitaji.

Ikiwa imepangwa kimkakati kuhudumia abiria wa reli ya SGR, maduka haya mapya, pamoja na la Dar es Salaam, yatakuwa vituo vinavyotoa huduma zote za kampuni hiyo. Wasafiri sasa wanaweza kupata huduma za M-Pesa, simu janja ana vifaa vyake Pamoja na msaada wa wataalam watoa huduma kwa wateja kwa urahisi, ili kuhakikisha wanaunganishwa na mtandao muda wote wa safari zao.

Akizungumza katika hafla ya uzinduzi, Mwenyekiti wa bodi ya wakurugenzi Vodacom Plc, Jaji Mstaafu Thomas Mihayo alisisitiza umuhimu wa hatua hii, "tunafuraha kuzindua Vodashops hizi zilizoko ndani ya stesheni ya SGR hapa jijini Dodoma na baadae Morogoro ikiwa ni hatua muhimu katika kuwasogezea wateja wetu huduma bora. Tukitambua mchango wa SGR katika ukuaji wa uchumi wetu, tumejiandaa kutoa huduama stahiki kwa watumiaji wake. Aidha, uzinduzi huu ni sehemu ya maono yetu mapana ya kuipeleka Tanzania kwenye ulimwengu wa kidigitali kwa kuhakiisha tunawaunganisha watanzania wengi kwenye mtandao.

"Maduka haya mapya yatatoa huduma ya viwango vya juu, yakirahisisha upatikanaji wa bidhaa na huduma mbalimbali za kampuni hiyo. Upanuzi huu unaendana na maono ya Vodacom ya kukuza ujumuishwaji wa kidijitali, kuimarisha muunganisho na kusaidia ukuaji wa kijamii na kiuchumi kote nchini.
"Napenda kutoa pongezi za dhati kwa timu ya Vodacom kwa uzinduzi wa duka la Vodashop katika stesheni yetu ya SGR Dodoma. Huu ni mfano bora wa juhudi za kampuni hii katika kuboresha upatikanaji wa huduma kwa Watanzania, hasa wale wanaposafiri. Tunapongeza Vodacom kwa kuendelea kuwa mshirika katika maendeleo ya taifa ya kiuchumi. Wameendelea kuwekeza katika miundombinu ya kisasa inayosaidia kukuza uchumi na kuimarisha muunganisho wa taifa letu. Hatua hii ni muhimu katika kuhakikisha kila Mtanzania anafikiwa na huduma bora popote alipo”, aliongea Mkuu wa Mkoa Dodoma Mhe. Rosemary S. Senyamule.
Uzinduzi wa SGR Vodashop unathibitisha ahadi za Vodacom za kutoa huduma bora kwa wateja wakati wote pamoja na suluhisho za kibunifu na zenye kuzingatia mahitaji ya wateja ili kuboresha maisha ya Watanzania. Wakati nchi inakumbatia mabadiliko ya kidijitali, Vodacom Tanzania inabaki kuwa taasisi yenye nguvu inayohakikisha kila mteja anaunganishwa katika mawasiliano kwa urahisi zaidi, na haswa hasa kwa wale walio safarini.

Kwa upande wake Mkuu wa Kanda ya Kati, Joseph Sayi alidokeza, "Tunatambua kuwa wateja wetu pia wanategemea sana njia za kidijitali ili kuweza kujihudumia wenyewe popote walipo,iwe ni kupitia aplikesheni ya Vodacom, M-Pesa Super App, tovuti yetu au mitandao ya kijamii, wateja wetu wanaweza kuwasiliana nasi wakati wowote, mahali popote. Tumejidhatiti kutoa huduma ndani ya maduka na mtandaoni ili kuhakikisha kuwa wateja wetu hawapati changamoto yeyote wakati wa matumizi ya huduma zetu,”.
Picha ya pamoja.
Continue reading

Kajunason at 0
Waziri Mkuu Mh.Kassim Majaliwa akikabidhi cheti cha tuzo ya udhamini mkuu wa mkutano wa kimataifa wa sekta ya madini kwa Meneja wa Barrick nchini, Melkiory Ngido.
Baadhi ya wafanyakazi wa Barrick wakifurahia tuzo ya udhamini wa mkutano wa kimataifa wa sekta ya madini unaoendelea nchini.
Mmoja wa washiriki wa mkutano wa sekta ya madini nchini akipata maelezo ya shughuli za Barrick kwenye banda la maonesho la kampuni hiyo lililopo katika ukumbi wa kimataifa wa Mwalimu Nyerere, Dar es Salaam.

Na Mwandishi Wetu.

Kampuni ya Dhahabu ya Barrick inayoendesha shughuli zake nchini kwa ubia na Serikali ya Tanzania kupitia kampuni ya Twiga Minerals, imetunikiwa tuzo ya udhamini mkuu wa mkutano wa uwekezaji katika sekta ya Madini Tanzania unaoendelea katika ukumbi wa mikutano wa Mwalimu Nyerere jijini Dar es Salaam.

Tuzo hizo kwa makampuni yaliyodhamini mkutano huu mkubwa wa kimataifa wa sekta ya madini zimekabidhiwa na Waziri Mkuu, Kassim Majaliwa, ambaye alikuwa mgeni rasmi akimwakilisha Rais wa Jamhuri ya Muungano, Dkt.Samia Suluhu Hassan, baada ya ufunguzi wa mkutano huo

Mkutano huo mkubwa wa kimataifa unawakutanisha wadau wa madini wanaojishughulisha na utafutaji, uchimbaji, uchenjuaji, uongezaji thamani madini, wasimamizi wa Sekta kutoka Serikalini, watoa huduma migodini na wafanyabiashara na kauli mbiu yake mwaka huu ni “Uongezaji wa Thamani ya Madini kwa Maendeleo ya Kiuchumi”.

Akiongea katika mkutano huo kabla ya kukabidhiwa tuzo hizo, Meneja wa Barrick nchini, Melkiory Ngido, amewaeleza wajumbe wa mkutano huo jinsi ubia wa Barrick na Twiga unavyoendelea kupata mafanikio makubwa na kuwa mfano wa kimataifa unaodhihirisha kuwa Serikali inaweza kushirikiana na sekta binafsi na kuleta mapinduzi makubwa ya kiuchumi.

Ngido, ameeleza kuwa katika kipindi kifupi kupitia ubia huu, umeweza kuchangia pato la taifa kwa kiasi kikubwa kupitia kodi na tozo mbalimbali za Serikali, kuongeza ajira kwa watanzania, kufanikisha miradi mikubwa ya kijamii hususani katika sekta ya barabara, afya, maji, na elimu pia umefanikisha kuinua uchumi wa wazabuni wa kitanzania wanaouza bidhaa mbalimbali kwenye migodi yake ya North Mara, Bulyanhulu na Buzwagi
Continue reading

Kajunason at 0
Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu akizungumza na Menejimenti ya Mamlaka ya Usimamizi wa Bandari Tanzania (hawapo pichani) wakati wa kikao kazi cha kuhitimisha zoezi la ukaguzi wa uzingatiaji wa sheria katika usimamizi wa Utumishi wa Umma jijini Dar es Salaam.
Mkurugenzi Mkuu wa TPA, Bw. Plasduce Mbossa (kulia) akitoa maelezo ya awali kuhusu TPA wakati wa kikao kazi cha ofisi hiyo na Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu kilicholenga kuhitimisha zoezi la ukaguzi wa uzingatiaji wa sheria katika usimamizi wa Utumishi wa Umma jijini Dar es Salaam.
Menejimenti ya Mamlaka ya Usimamizi wa Bandari Tanzania (TPA) wakimsikiliza Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu wakati akizungumza nao kwenye kikao kazi cha kuhitimisha zoezi la ukaguzi wa uzingatiaji wa sheria katika usimamizi wa Utumishi wa Umma jijini Dar es Salaam.
Katibu wa Tume ya Utumishi wa Umma Bw. Mathew Kirama akitoa maelezo kuhusu ukaguzi wa uzingatiaji wa sheria katika usimamizi wa Utumishi wa Umma uliofanyika Mamlaka ya Usimamizi wa Bandari Tanzania kabla ya kumkaribisha Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu kuzungumza na Menejimenti ya Mamlaka hiyo jijini Dar es Salaam.
Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu (meza kuu) akiongoza kikao kazi na Menejimenti ya Mamlaka ya Usimamizi wa Bandari Tanzania (RPA) kilicholenga kuhitimisha zoezi la ukaguzi wa uzingatiaji wa sheria katika usimamizi wa Utumishi wa Umma jijini Dar es Salaam.
Timu ya Ukaguzi kutoka Tume ya Utumishi wa Umma wakiwa katika kikao kazi cha Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu wakati akizungumza na Menejimenti ya Mamlaka ya Usimamizi wa Bandari Tanzania (TPA) kilicholenga kuhitimisha zoezi la ukaguzi wa uzingatiaji wa sheria katika usimamizi wa Utumishi wa Umma jijini Dar es Salaam.
Mwenyekiti wa Tume ya Utumishi wa Umma, Mhe.Jaji (Mst) Hamisa Kalombola (kushoto) akitazama nyaraka wakati wa kikao kazi cha Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu na Menejimenti ya Mamlaka ya Usimamizi wa Bandari Tanzania (TPA) wakati wa kikao kazi hicho kilicholenga kuhitimisha zoezi la ukaguzi wa uzingatiaji wa sheria katika usimamizi wa Utumishi wa Umma jijini Dar es Salaam. Kulia kwake ni Katibu wa Tume ya Utumishi wa Umma Bw. Mathew Kirama.
Mkurugenzi wa Kitengo cha Mawasiliano Serikalini, Ofisi ya Rais-UTUMISHI na Utawala Bora, Bi. Mary Mwakapenda akifuatilia kikao kazi cha kuhitimisha zoezi la ukaguzi wa uzingatiaji wa sheria katika usimamizi wa Utumishi wa Umma kwa Mamlaka ya Usimamizi wa Bandari Tanzania (TPA) kilichofanyika jijini Dar es Salaam.
Mkurugenzi wa Huduma za Sheria, Mamlaka ya Usimamizi wa Bandari Tanzania (TPA), Bw. Stanslaus Kagisa akitoa neno la shukrani kwa Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu (hayupo pichani) mara baada ya Naibu Waziri huyo kufunga kikao kazi na Mamlaka hiyo kilicholenga kuhitimisha zoezi la ukaguzi wa uzingatiaji wa sheria katika usimamizi wa Utumishi wa Umma jijini Dar es Salaam.

Na Veronica Mwafisi - Dar es Salaam.

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deus Sangu amewataka Waajiri katika Taasisi za Umma kuwapa waajiriwa wapya mafunzo elekezi yanayostahili ili kuondokana na uvunjifu wa maadili na kushtakiana kwa sababu ya kutokuzingatia Sheria, Kanuni na Taratibu katika Utumishi wa Umma.

Mhe. Sangu ametoa kauli hiyo wakati wa kikao kazi cha kuhitimisha zoezi la ukaguzi wa uzingatiaji wa sheria katika usimamizi wa Utumishi wa Umma lililofanyika Mamlaka ya Usimamizi wa Bandari Tanzania (TPA) jijini Dar es Salaam.

Mhe. Sangu amesema ni vizuri waajiri wakatafuta watu sahihi wa kutoa mafunzo elekezi kwa waajiriwa wapya badala ya kuchukua watu wa mitaani kwani kwa kufanya hivyo kunahatarisha ajira za watumishi hao na Utumishi wa Umma kwa ujumla.

“Waajiriwa wapya wanatakiwa kuelekezwa kwa umakini wa hali ya juu ili wazijue Sheria na Taratibu za Utumishi wa Umma, hivyo ni vizuri wakatumika wataalam wanaoweza kufanya kazi hiyo,” Mhe. Sangu amesisitiza.

Aidha, Mhe. Sangu amesema Rasilimaliwatu ni rasilimali muhimu kuliko rasilimali nyingine hivyo ni vizuri ikasimamiwa kwa umakini ili kuleta tija kwa taifa.

“Rasilimaliwatu haitakiwi kuchezewa hata kidogo na ndio maana Rais wa Jamhuri ya Muungano wa Tanzania, Mhe. Dkt. Samia Suluhu Hassan amekuwa akiipa kipaumbele katika kuisimamia kwa kuangalia haki na masilahi ya watumishi,” Mhe. Sangu amesema.

Ameongeza kuwa mifumo mbalimbali mizuri inayoanzishwa itakuwa haifanyi kazi kikamilifu kama rasilimaliwatu itachezewa.

Amesema Ofisi ya Rais Menejimenti ya Utumishi wa Umma na Utawala Bora iko tayari kusimamia na kuhakikisha haki na masilahi ya watumishi wa Umma nchini yanalindwa kama ambavyo Rais Mhe. Dkt. Samia Suluhu Hassan amekuwa akisisitiza.

“Ofisi ya Rais-UTUMISHI itahakikisha watumishi wa umma wanatendewa haki na kulinda masilahi yao na ndio maana tumeanzisha mifumo mbalimbali ya utekelezaji wa majukumu.” Mhe. Sangu amesisitiza.

Mhe. Sangu ameipongeza Menejimenti ya TPA kwa kufanya kazi kwa kuzingatia Taratibu na Miongozo ambayo imekuwa ikitolewa na Ofisi ya Rais-UTUMISHI.

Amewataka waajiri wote nchini katika taasisi za umma kuzingatia taratibu na miongozo ya Utumishi wa Umma ili kuepuka malalamiko ya watumishi na kukwamisha utekelezaji wa majukumu.

Akimkaribisha Naibu Waziri Sangu kuzungumza na Menejimenti ya TPA, Mwenyekiti wa Tume ya Utumishi wa Umma, Mhe.Jaji (Mst) Hamisa Kalombola amesema zoezi la ukaguzi wa rasilimaliwatu katika utumishi wa umma linafanyika kwa kuzingaria sheria na sio kwa maamuzi yao binafsi.

“Ukaguzi wetu umefanyika kwa upande wa Rasilimaliwatu kwani rasilimaliwatu hiyo ndiyo inayoisaidia Serikali kutekeleza majukumu na kupanga mipango ya maendeleo hivyo ni muhimu sana kwa taasisi za umma kuzingatia hili.” Mhe. Kalombola ameongeza.

Akitoa maelezo ya awali, Mkurugenzi Mkuu wa TPA, Bw. Plasduce Mbossa ameishukuru Tume ya Utumishi wa Umma na Ofisi ya Rais Menejimenti ya Utumishi wa Umma na Utawala Bora kwa kuwapa ushirikiano na kutoa miongozo ambayo inawasaidia kuboresha utendaji kazi wa taasisi hiyo hasa katika eneo la usimamizi wa rasilimaliwatu.

Ukaguzi wa Uzingatiaji wa Sheria katika Usimamizi wa Utumishi wa Umma ni njia mojawapo ambayo hutumika kupima ni kwa kiwango gani, Waajiri, Mamlaka za Ajira na Mamlaka za Nidhamu wanazingatia Sera, Sheria, Kanuni, Taratibu na Miongozo ya Utumishi wa Umma katika kusimamia Utumishi wa Umma.

Tume ya Utumishi wa Umma chini ya Kifungu cha 10(1(c) cha Sheria ya Utumishi wa Umma Sura ya 298, imepewa mamlaka ya kufuatilia uzingatiaji wa Sheria, Kanuni na Taratibu katika usimamizi wa Utumishi wa Umma ikiwemo usimamizi wa masuala ya Rasilimali Watu.
Continue reading

Kajunason at 0
Mwenyekiti wa Bodi ya Taasisi ya Kimataifa inayoshughulikia masuala ya Elimu Duniani (GPE), Rais Mstaafu Dkt. Jakaya Mrisho Kikwete akiwa na Bi. Mamta Murthi, Makamu wa Rais wa Benki ya Dunia anayeshughulikia Maendeleo ya Watu walipokutana makao makuu ya Benki hiyo jijini Washington DC, Marekani. Kulia ni Makamu Mwenyekiti wa Bodi ya GPE Bi. Christine Hogan
Mwenyekiti wa Bodi ya Taasisi ya Kimataifa inayoshughulikia masuala ya Elimu Duniani (GPE), Dkt. Jakaya Mrisho Kikwete akizungumza na Viongozi na Watumishi wa Taasisi hiyo katika Makao Makuu ya GPE yaliyopo Ofisi za Benki ya Dunia, Washington, Marekani. Pembeni yake ni Makamu Mwenyekiti wa Bodi ya GPE Bi. Christine Hogan na Afisa Mtendaji Mkuu Bi. Laura Frigenti.

Mwenyekiti wa Bodi ya Taasisi ya Kimataifa inayoshughulikia masuala ya Elimu Duniani (GPE), Rais Mstaafu Dkt. Jakaya Mrisho Kikwete akiwa katika picha ya pamoja na Viongozi na Watumishi wa Taasisi hiyo katika Makao Makuu ya GPE yaliyopo katika Ofisi za Benki ya Dunia, jijini Washington DC, Marekani.
Continue reading

Kajunason at 0
Kamati ya Kudumu ya Bunge ya Ustawi na Maendeleo ya Jamii imeupongeza Mfuko wa Taifa wa Hifadhi ya Jamii – NSSF kwa uwekezaji wenye tija katika mradi wa Daraja la Mwalimu Nyerere lililopo Kigamboni.

Pongezi hizo zimetolewa na Mwenyekiti wa Kamati hiyo Mhe. Fatma Toufiq leo Novemba 11, 2024 Jijini Dar es salaam wakati wa ziara ya kukagua maendeleo ya miradi inayotekelezwa na NSSF likiwemo Daraja la Mwalimu Nyerere na mradi wa Dege Village.

“Tunaipongeza NSSF kwa kazi nzuri wanayoifanya katika daraja la Mwalimu Nyerere, na ule ni mfano wa kuigwa katika kubuni utaratibu kufanya malipo kielektroniki katika ukusanyaji pesa” amesema.

Aidha, Mhe. Fatma ameushauri Mfuko huo kuanzisha mfumo wa malipo ya kabla(Pre paid) darajani hapo ili kupungunza msongamano wa magari na kurahisisha ukusanyaji wa mapato.

Akizungumza awali, Waziri wa Nchi Ofisi ya Waziri Mkuu – Kazi, Vijana, Ajira na Wenye Ulemavu Mhe. Ridhiwani Kikwete ameitaka menejimenti ya NSSF kutoa elimu kwa madereva na wamiliki wa magari kuhusu faida ya kutumia mfumo wa kielektroniki wakati wa kupita darajani hapo.

Kwa upande wake Mkurugenzi Mkuu wa NSSF Masha Mshomba, amesema moja ya mafanikio ya mradi huo ni kuongezeka kwa mapato kufikia Bilioni 18.72 kwa mwaka wa fedha 2023/2024.







Continue reading
Subscribe to: Posts (Atom)