Baadhi ya viongozi wapya wa jeshi-usu la Uhifadhi wakila kiapo cha utii katika hafla ya kutunuku vyeo vipya kwa watendaji wa Shirika la Hifadhi za Taifa Tanzania. Hafla hiyo imefanyika katika Kituo cha Mafunzo ya jeshi-usu, Mlele mkoani Katavi.
Kamishna wa Uhifadhi wa TANAPA Dk. Allan Kijazi akishuhudia uvishwaji wa cheo kwa Naibu Kamishna wa Uhifadhi na Maendeleo wa TANAPA Wiliam Mwakilema uliofanywa na Mwenyekiti wa Bodi ya Wadhamini wa Shirika la Hifadhi za Taifa Tanzania TANAPA Jenerali Mstaafu George Waitara 
Mwenyekiti wa Bodi ya Wadhamini ya Shirika la Hifadhi za Taifa Tanzania TANAPA Jenerali Mstaafu George Marwa Waitara akimvisha cheo cha Kamishna Mwandamizi Kanda ya Kusini Dk Christopher Timbuka 
Mwenyekiti wa Bodi ya Wadhamini ya Shirika la Hifadhi za Taifa Tanzania Jenerali Mstaafu George Marwa Waitara akimvisha cheo cha Kamishna Msaidizi Mwandamizi wa Mawasilino TANAPA Pascal Shelutete katika hafla ya uvishaji vyeo kwa Maafisa wa TANAPA.
Kamishna Msaidizi Huduma za Shirika Kanda ya Kusini Rukia Mkakile akiwa kwenye ukakamavu huku akipiga saluti kama heshima baada ya kuvishwa cheo hicho na Mwenyekiti wa Bodi ya Wadhamini ya Shirika la Hifadhi za Taifa Tanzania TANAPA Jenerali Mstaafu George Waitara ambaye hayupo pichani
Wahitimu wa mafunzo ya jeshi-usu wakipita kwa mwendo wa haraka katika gwaride la utoaji wa vyeti kwa wafanyakazi wa TANAPA, Gwaride hilo lilikaguliwa na Mwenyekiti wa Bodi ya Wadhamini ya TANAPA Jenerali Mstaafu, George Waitara.
Baadhi ya watendaji wapya wakimsikiliza Mwenyekiti wa Bodi ya Wadhamini ya Shirika la Hifadhi za Taifa Tanzania TANAPA Jenerali Mstaafu Geogre Marwa Waitara katika hafla ya kutunuku vyeo vipya kwa watendaji wa Shirika la Hifadhi za Taifa Tanzania TANAPA
Picha ya pamoja ya Wajumbe wa Bodi ya Wadhamini ya TANAPA na Makamishna Wandamizi mara baada ya kuvikwa vyeo hivyo wakati wa halfa hiyo iliyofanyika katika kituo cha mafunzo ya jeshi-usu Mlele mkoani Katavi.
Na Dixon Busagaga wa Globu ya Jamii.
Mweyekiti wa Bodi ya Wadhamini ya Shirika la Hifadhi za Taifa ,Jenerali (Mstaafu) George Waitara amezindua mfumo mpya wa utendaji kazi ndani ya Hifadhi za Taifa unaopeleka madaraka zaidi katika ngazi ya Kanda nne kuu zilizoundwa ili kuboresha utendaji kazi unaoendana na mfumo mpya wa jeshi -usu.
Uzinduzi huo ulienda sambamba na zoezi la utoaji vyeo vipya vilivyoidhinishwa na bodi ya wadhamini kwa viongozi wa shirika ambao ni Naibu Kamishna wa Uhifadhi wawili,Makamishna wa Uhifadhi wa kanda wanne,Makamishna Wasaidizi Waandamizi 14,Makamishna wasaidizi 22 pamoja na Maafisa Wakuu na Waandamizi saba.
Muundo mpya unahusisha Kanda ya Kaskazini yenye Hifadhi za Arusha,Tarangire ,Ziwa Manyara,Kilimanjaro na Mkomazi ,Kanda ya mashariki inayojumuisha Hifadhi za Saadan,Mikumi na Udzungwa ,Hifadhi za Ruaha na Kitulo na Katavi zitakuwa chini ya usimamizi wa kanda ya Kusini ,
Kanda ya Magharibi itasimamia Hifadhi za Taifa za Gombe,Mahale ,kisiwa cha Saanane ,Kisiwa cha Rubondo ,Serengeti pamoja na Hifadhi mpya za Burigi,Kimisi,Biharamulo,
Hafla hiyo pia imeendana na zoezi la kuwatunuku vyeti wahitimu 217 wa mafunzo yaliyochukua miezi sita kwa awamu mbili yakihusisha Maafisa wa Uhifadhi pamoja na waajiriwa wapya.
Lengo kuu la mafunzo hayo ni kuwawezesha wahitimu kufanya kazi kwa mfumo wa kijeshi -usu katika kuboresha utendaji kazi na majukumu ya usimamizi thabiti wa maliasili zilizopo hifadhini kwa kuwajengea wahitimu uwezo wa kimwili, kisaikolojia, kimaadili na uzalendo
Toa Maoni Yako:
0 comments: