TIGO FIESTA 2018 YAWAPAGAWISHA WAKAZI WA SUMBAWANGA

 Msanii Barnaba akionyesha umahiri wake kwenye jukwaa la Tamasha la Tigo Fiesta Vibe Kama Lote yake lililofanyika jana kwenye uwanja wa Nelson Mandela Mjini Sumbawanga.

 Msanii wa Bongo Fleva Ben Pol akiwa kwenye jukwaa la Tamasha la Tigo Fiesta Vibe Kama Lote kwa kuwashirikisha wakazi wa Sumbawanga kama kionjo cha shoo yake iliyofanyika jana kwenye uwanja wa Nelson Mandela Mjini Sumbawanga.

 Msanii FID Q akionyesha umahiri wake kwenye jukwaa la Tamasha la Tigo Fiesta Vibe Kama Lote yake lililofanyika jana kwenye uwanja wa Nelson Mandela Mjini Sumbawanga.

 Msanii Joh Makini akitoa burudani kwenye jukwaa la Tamasha la Tigo Fiesta Vibe Kama Lote yake lililofanyika jana kwenye uwanja wa Nelson Mandela Mjini Sumbawanga.

Nandy nae hakuwa nyuma kutoa burudani.

 Wasanii wa kundi la weusi wakiwa kwenye jukwaa la Tamasha la Tigo Fiesta Vibe Kama Lote yake lililofanyika jana kwenye uwanja wa Nelson Mandela Mjini Sumbawanga.

Wakazi wa manispaa ya Sumbawanga na vitongoji vyake usiku wa kuamkia leo walipata burudani ya aina yake ya msimu wa tamasha kubwa nchini la Tigo Fiesta Vibe Kama Lote.

Hili ni tamasha la pili kwa mkoa huo baada ya ufunguzi uliofanyika mkoa wa Morogoro.

Msimu huu si kwa burudani tu, bali huwa na fursa mbalimbali kwa wafanyabiasha na waendesha bodaboda.

Kwenye steji ndio kunaacha gumzo kwa wakazi wa miji mbalimbali ambapo tamasha linafanyika.

Akifungua pazia la tamasha hili msanii Nedy Music alianza kuwapasha joto mashabiki akifuatiwa na msanii WhoZu ambaye aliwapagawisha kwa kibao chake kiitwacho "uendi mbiguni".

Msanii mkongwe Farid Kubanda Fid Q nae alichota hisia za mashabiki kwa kushusha nyimbo zake tofauti tofauti ukiwemo Fresh.

Ben Pol ambaye miaka yote huwa mbunifu kwenye jukwaa, alipanda na wenyeji 6 wa mji huo kwa kuonyesha namna ya wakaazi wa Sumbawanga wanaishi katika mazingira tofauti kulingana na anachofanya kwa siku.

Kwa upande wa mdhamini mkuu wa Tigo Fiesta 2018, Mkurugenzi wa Tigo Nyanda za Juu Kusini, Henry Kinabo alisema msimu kampuni ya Tigo imekuja ofa kabambe kwa wateja wao.

Kesho jumapili Vibe la Tigo Fiesta litahamia mkoani Iringa kwenye uwanja wa Samora na itapandisha wasanii akiwemo Fid Q, Ben Pol,Maua Sama, WhoZu, Marioo, Nandy, Chege,Barnaba, Billinas, Weusi na wengine wengi.