Articles by "KITAIFA"
Showing posts with label KITAIFA. Show all posts

Kajunason at 0

Pichani, Rais Mstaafu Dkt. Jakaya Kikwete akiwa katika picha ya pamoja na sehemu ya wajumbe wa makundi yaliyoshiriki mikutano hiyo, yakiwemo United People’s Alliance (UPA), SSOMA, SPLM-IO, pamoja na People’s Coalition for Civil Action na Federal Democratic Party. Picha na Issa Michuzi

Na Mwandishi Wetu.

Mikutano ya ngazi ya juu iliyohusisha makundi mbalimbali ya upinzani nchini Sudan Kusini imefanyika jijini Dar es Salaam tarehe 21 na 22 Mei, 2026 ikiwa ni sehemu ya juhudi mpya za kufufua mchakato wa amani jumuishi baada ya kusuasua kwa utekelezaji wa makubaliano ya amani ya mwaka 2018.

Mazungumzo hayo yaliongozwa na Rais wa Awamu ya Nne Dkt. Jakaya Mrisho Kikwete, ambaye ni Mwakilishi Maalum wa Umoja wa Afrika kwa Ukanda wa Pembe ya Afrika na Bahari ya Shamu.

Majukumu yake makuu yanajumuisha: Upatanishi wa Amani: Kusimamia diplomasia ya kuzuia migogoro na kuongoza mazungumzo jumuishi ili kutatua changamoto za kisiasa na kiusalama katika ukanda huo.

Ushirikiano wa Kikanda: Kufanya kazi kwa karibu na jumuiya na taasisi mbalimbali kama vile IGAD na Jumuiya ya Afrika Mashariki (EAC) ili kujenga misingi thabiti ya amani na usalama.

Kwa ujumla, mikutano hiyo ilionyesha dhamira ya Umoja wa Afrika na wadau wa kikanda katika kuimarisha mazungumzo ya kisiasa na kuhakikisha mazingira ya amani na utulivu yanaimarishwa kuelekea uchaguzi mkuu baadaye mwaka huu nchini Sudan Kusini.

Mikutano hiyo pia ililenga kuisaidia Umoja wa Afrika kupata picha kamili ya hali ya kisiasa na kiusalama nchini Sudan Kusini kabla ya uchaguzi uliotarajiwa kufanyika baadaye mwaka huo wa 2026. 

Continue reading

Kajunason at 0

MONACO - Benki ya CRDB imeendelea kudhihirisha dhamira yake ya kuunga mkono maendeleo ya Taifa kupitia sekta mbalimbali kwa kushiriki katika Mkutano Mkuu wa 81 wa Michezo ya Majeshi Duniani (81st CISM General Assembly) uliofanyika nchini Monaco kuanzia tarehe 1 hadi 9 Mei 2026.

Mkutano huo wa kimataifa uliwakutanisha viongozi wa kijeshi na wadau wa michezo kutoka zaidi ya nchi 130 duniani kwa lengo la kuimarisha mshikamano, diplomasia ya michezo na amani kupitia kaulimbiu ya “Friendship Through Sport.”
Benki ya CRDB, ikiwa miongoni mwa wadau wakubwa wa maendeleo nchini, imeendelea kuunga mkono jitihada za vyombo vya ulinzi na usalama pamoja na michezo ya majeshi, hatua inayoimarisha ushirikiano wake na taasisi za Serikali katika kukuza ustawi wa askari na familia zao.

Ujumbe wa Tanzania katika mkutano huo uliongozwa na Brigedia Jenerali Saidi Hamisi Saidi, akisaidiana na Luteni Kanali Penina Anthony Igwe. Kutoka CRDB, ujumbe unajumuisha Meneja wa Kitengo cha Wateja Maalum, Crispin Sichalwe pamoja na Meneja Mawasiliano na Uhusiano kwa Umma, Emmanuel Tupeligwe.
Akizungumza kwenye mkutano huo, Sichalwe alisema CRDB imeendelea kutoa huduma maalum za kifedha kwa wanajeshi ndani na nje ya nchi, ikiwemo mikopo nafuu, bima na huduma za kifedha zinazowafikia popote walipo.

“Tunatambua mchango mkubwa wa majeshi katika usalama wa Taifa, hivyo tunahakikisha wanapata huduma bora na za haraka kupitia kitengo chetu maalum,” alisema.
Kwa upande wake, Tupeligwe alisisitiza kuwa CRDB itaendelea kushirikiana kwa karibu na Jeshi la Ulinzi la Wananchi wa Tanzania (JWTZ) kupitia elimu ya fedha na huduma zinazowafikia wanajeshi hata wakiwa katika maeneo ya mbali au majukumu ya kimataifa.

Aidha, benki hiyo imeendelea kuimarisha ushirikiano wake wa kimkakati na JWTZ ili kuhakikisha wanajeshi wanapata huduma bora za kifedha kwa urahisi, ikiwa ni sehemu ya mchango wake katika maendeleo na usalama wa Taifa.

Continue reading

Kajunason at 0

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwa kwenye mazungumzo na Mfanyabiashara kutoka nchini Nigeria ambaye pia ni Mwanzilishi na Mmiliki wa Dangote Group, Alhaji Aliko Dangote pamoja na Ujumbe wake, Ikulu Jijini Dar es Salaam tarehe 16 Mei, 2026.
Rais wa Jamhuri ya Muungano wa Tanzania Mhe. Dkt. Samia Suluhu Hassan akiwa kwenye mazungumzo na Mfanyabiashara kutoka nchini Nigeria ambaye pia ni Mwanzilishi na Mmiliki wa Dangote Group, Alhaji Aliko Dangote pamoja na Ujumbe wake, Ikulu Jijini Dar es Salaam tarehe 16 Mei, 2026
Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza jambo na Mwanzilishi na Mmiliki wa Dangote Group, Alhaji Aliko Dangote (kushoto) pamoja na Mkurugenzi Mkuu wa Mamlaka ya Uwekezaji na Maeneo Maalumu ya Kiuchumi Tanzania (TISEZA) Gilead Teri (kulia), Ikulu Jijini Dar es Salaam, tarehe 16 Mei, 2026.
Rais wa Jamhuri ya Muungano wa Tanzania Mhe. Dkt. Samia Suluhu Hassan akiwa kwenye picha na Mfanyabiashara kutoka nchini Nigeria ambaye pia ni Mwanzilishi na Mmiliki wa Dangote Group, Alhaji Aliko Dangote, Ikulu Jijini Dar es Salaam tarehe 16 Mei, 2026

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwa kwenye picha na Mfanyabiashara kutoka nchini Nigeria ambaye pia ni Mwanzilishi na Mmiliki wa Dangote Group, Alhaji Aliko Dangote pamoja na Ujumbe wake, Ikulu Jijini Dar es Salaam, tarehe 16 Mei, 2026.
Continue reading

Kajunason at 0


GABORONE, BOTSWANA


RAIS Mstaafu wa Awamu ya Nne wa Jamhuri ya Muungano wa Tanzania, Mheshimiwa Dkt. Jakaya Mrisho Kikwete, amewasili nchini Botswana leo tarehe 15 Mei 2026 kumwakilisha Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, katika shughuli za Mazishi ya Kitaifa ya aliyekuwa Rais wa Awamu ya Tatu wa Jamhuri ya Botswana, Hayati Festus Gontebanye Mogae.

Hayati Mogae alifariki dunia tarehe 08 Mei 2026 akiwa na umri wa miaka 86. Mazishi hayo yanatarajiwa kufanyika kesho, tarehe 16 Mei 2026, jijini Gaborone.

Mara baada ya kuwasili nchini humo, Mheshimiwa Dkt. Kikwete alifika katika Ukumbi wa Bunge la Jamhuri ya Botswana ambako alisaini katika Kitabu cha Rambirambi kuenzi mchango mkubwa wa Hayati Mogae kwa taifa la Botswana na bara la Afrika kwa ujumla.

Pichani Mheshimiwa Rais Mstaafu Dkt. Kikwete anaonekana akisaini kitabu cha rambirambi huku nyuma yake akiwa amesimama Mheshimiwa James Bwana, Balozi wa Tanzania nchini Botswana.

Katika picha ya pili, Mheshimiwa Dkt. Kikwete anaonekana akiwa pamoja na Mheshimiwa Dithapelo Keorapetse, Spika wa Bunge la Botswana, pamoja na Dkt. Gabriel Goitsemodimo Gosiame Malebang, Katibu wa Bunge la Botswana.

Wengine ni Mheshimiwa Balozi James Bwana pamoja na Balozi Mstaafu Dkt. Athalia Molokomme ambaye alimwakilisha Waziri wa Mambo ya Nje wa Botswana wakati wa mapokezi ya Mheshimiwa Rais Mstaafu.

Continue reading

Kajunason at 0



Na Mwandishi Wetu

Serikali ya Kenya imetoa hati rasmi za vyuo vikuu kwa Kenya Advanced Institute of Science and Technology na Kenya Medical Research Institute katika hafla iliyofanyika Ikulu ya Nairobi, hatua inayolenga kuimarisha elimu ya juu, utafiti wa kisayansi na ubunifu nchini humo.

Hatua hiyo imeelezwa kuwa sehemu ya mkakati wa makusudi wa kupanua fursa za elimu ya juu pamoja na kuimarisha mazingira ya utafiti na uvumbuzi yatakayosaidia maendeleo ya taifa.

Kupitia hatua hiyo, Kenya inalenga kujenga mustakabali unaotegemea elimu bora, ubunifu wa ndani na maendeleo endelevu ya tafiti mbalimbali za kisayansi.

Viongozi waliozungumza wakati wa hafla hiyo walisisitiza kuwa vyuo vikuu vina nafasi muhimu katika kuandaa wataalamu wa kada mbalimbali wakiwemo wanasayansi, wahandisi, madaktari na wabunifu ambao watasaidia kuleta mabadiliko ya maendeleo nchini.

Aidha, ilielezwa kuwa pamoja na kuchangia maendeleo ya kitaifa, wataalamu hao pia wanatarajiwa kutoa mchango mkubwa katika nyanja mbalimbali duniani kupitia maarifa, teknolojia na suluhisho za changamoto zinazokabili jamii.

Hatua hiyo pia inatazamwa kama juhudi za Kenya za kuimarisha sekta ya elimu na kuifanya nchi hiyo kuwa kitovu cha utafiti, teknolojia na ubunifu katika ukanda wa Afrika.








Continue reading

Kajunason at 0


Na Mwandishi Wetu

Serikali ya Kenya imezindua rasmi kampeni ya kugombea nafasi ya Jaji wa International Criminal Court kwa kipindi cha mwaka 2027 hadi 2036 kwa Justice Njoki Ndung’u, hatua inayolenga kuiwakilisha nchi hiyo katika taasisi ya kimataifa ya utoaji haki.

Uzinduzi huo ulifanyika katika Ikulu ya Nairobi, ambapo Jaji Njoki Ndung’u alisifiwa kwa mchango wake mkubwa katika sekta ya sheria na haki, ndani na nje ya Kenya.

Akiwa mmoja wa majaji wanaoheshimika nchini Kenya, Jaji Njoki amewahi kuhudumu katika Bunge la Kenya, Bunge la Afrika pamoja na taasisi za United Nations, jambo lililompa uzoefu mpana katika masuala ya sheria ya kimataifa, haki za binadamu na mfumo wa haki ya jinai.

Aidha, ameelezwa kuwa ameonyesha uwezo mkubwa wa kitaaluma katika sheria, uhuru wa kiakili, ujasiri katika kufanya maamuzi na kujitolea katika kusimamia haki na uwajibikaji katika majukumu yake ya kitaifa na kimataifa.

Kwa mujibu wa taarifa iliyotolewa wakati wa uzinduzi huo, Jaji Njoki anatajwa kuwa na mchanganyiko wa sifa muhimu ikiwemo mamlaka ya kimahakama, uadilifu, uzoefu wa kutunga sheria pamoja na uelewa wa masuala ya kimataifa unaoendana na mahitaji ya ICC katika juhudi zake za kupambana na ukwepaji wa haki duniani.

Hatua hiyo inatajwa kuwa sehemu ya juhudi za Kenya kuendelea kushiriki katika kuimarisha taasisi za sheria na haki katika ngazi ya kimataifa.



















Continue reading

Kajunason at 0

Na Mwandishi Wetu

MKE wa Waziri Mkuu wa Jamhuri ya Muungano wa Tanzania, Bi. Neema Mwigulu Nchemba, ametoa wito kwa viongozi na wadau mbalimbali barani Afrika kuweka kipaumbele katika ulinzi wa watoto dhidi ya ukatili wa kidijitali unaochochewa na maendeleo ya teknolojia ya Akili Bandia (AI).

Bi. Nchemba ametoa kauli hiyo Mei 12, 2026 jijini Nairobi, Kenya wakati akizungumza katika Mkutano wa Wenza wa Mawaziri Wakuu wa nchi za Afrika, uliofanyika pembezoni mwa Mkutano wa “Africa-Forward Summit” uliolenga kujenga mazingira salama ya kidijitali kwa watoto wa Afrika.

Amesema mustakabali wa bara la Afrika hautategemea tu maendeleo ya kiuchumi, bali pia uwezo wa watoto kujifunza, kushiriki na kuvumbua katika ulimwengu wa kidijitali bila hofu ya unyanyasaji na ukatili wa mtandaoni.

“Teknolojia ya Akili Bandia imefungua fursa kubwa katika sekta mbalimbali ikiwemo elimu, afya na ujasiriamali, lakini pia imeibua hatari mpya zinazohitaji hatua za haraka na za pamoja,” amesema Bi. Nchemba.

Ameeleza kuwa baadhi ya changamoto zinazowakabili watoto katika mazingira ya mtandao ni pamoja na uonevu wa mtandaoni, unyanyasaji wa kijinsia unaochochewa na AI pamoja na matukio ya ulaghai yanayoweza kuathiri ustawi na maendeleo yao.

Aidha, Bi. Nchemba amesema Tanzania imeendelea kuchukua hatua mbalimbali za kuimarisha ulinzi wa watoto mtandaoni, ikiwemo kufanya marekebisho ya Sheria ya Mtoto (Sura ya 13) na kuimarisha utekelezaji wa Sheria ya Makosa ya Mtandao ya mwaka 2015.

Pia alikumbusha kuhusu Kampeni ya Kitaifa ya Ulinzi wa Watoto Mtandaoni iliyoanzishwa Februari mwaka 2024 pamoja na kuundwa kwa kamati maalum inayowajumuisha wadau mbalimbali kwa lengo la kuhakikisha watoto wanakuwa salama katika matumizi ya teknolojia ya kidijitali.

Mkutano huo uliandaliwa na kuongozwa na Mke wa Rais wa Kenya, Mama Rachel Ruto, na ulihitimishwa kwa wito wa kuimarishwa kwa ushirikiano wa kikanda pamoja na kuwekwa kwa sheria madhubuti zitakazosaidia kukabiliana na vitendo vya ukatili wa kidijitali dhidi ya watoto barani Afrika.
















Continue reading
Subscribe to: Posts (Atom)