UPENDO TOKA MANYARA: Sherehe ya Kumbukizi Kuzaliwa Rais Samia Suluhu

Mkuu wa Mkoa wa Manyara, Mhe. Queen Cuthbert Sendiga akikata keki ikiwa ni ishara ya kumbukizi ya kuzaliwa Rais wa Jamhuri ya Muungano wa Tanzania Mhe. Samia Suluhu Hassan iliyofanyika Kiteto, Manyara. Sambamba na hilo wakazi wa Mji wa Kibaya walijitokeza kwa wingi katika upandaji wa Miti 500 eneo la Halmashauri ya Kiteto.

...Akimlisha mwanafunzi ikiwa ni ishara ya kumbukizi ya kuzaliwa Rais Samia Suluhu Hassan. 

Mkuu wa Mkoa wa Manyara Mhe. Queen Cuthbert Sendiga (wa tatu kutoka kulia) akifurahi pamoja na Wakuu wa Wilaya, kutoka kulia ni Mkuu wa Wilaya ya Simanjiro Mhe. Fakii Raphael Lulandala, Mkuu wa Wilaya ya Babati Mhe. Emmanuela Kaganda, Mkuu wa Wilaya ya Hanang' Mhe Almishi Issa Hazal na Mkuu wa Wilaya ya Kiteto Mhe. Remidius Mwema.

Mkuu wa Mkoa wa Manyara Mhe. Queen Cuthbert Sendiga akiteta jambo na Mkuu wa Wilaya ya Hanang' Mhe Almishi Issa Hazal. 

Mkuu wa Mkoa wa Manyara Mhe. Queen Cuthbert Sendiga akipanda mti.

Mkuu wa Wilaya ya Babati Mhe. Emmanuela Kaganda akipanda mti. 

Katibu Tawala Mkoa wa Manyara, Bi. Maryam Nuhaji akipanda mti.

Mkuu wa Mkoa wa Manyara Mhe. Queen Cuthbert Sendiga akisakata ngoma na Mkuu wa Wilaya ya Babati Mhe. Emmanuela Kaganda pamoja na wanafunzi.

Na Cathbert Kajuna - Kajunason Blog/Michuzi TV, Kiteto.

Mkuu wa Mkoa wa Manyara Mhe. Queen Cuthbert Sendiga, mapema leo Januari 27, 2025 ameungana na wakazi wa Wilaya ya Kiteto katika shughuli ya upandaji wa miti ikiwa ni ishara ya kuadhimisha kumbukizi ya siku ya kuzaliwa kwa Mhe. Dkt. Samia Suluhu Hassan Rais wa Jamhuri ya Muungano wa Tanzania.

Maadhimisho hayo yamefanyika katika viwanja vya jengo jipya la Ofisi ya Halmashauri ya Wilaya ya Kiteto kwa kupanda miti 500 kuzunguka eneo hilo huku wananchi wakipata zawadi ya miti ya kivuli na matunda kwa ajili ya kupanda majumbani mwao.

RC Sendiga amewashukuru wananchi wa Kiteto kwa kuungana pamoja katika shughuli hiyo Muhimu ya utunzaji wa mazingira.

"Hii imekuwa mara ya pili kwa Mkoa wa Manyara kuadhimisha kumbukizi ya siku ya kuzaliwa ya Mhe. Rais Samia Suluhu huku zoezi la upandaji miti likiendelea" Amesema RC Sendiga.

Aidha, RC Sendiga wakati akitoa salamu za mfanano wa siku ya kuzaliwa kwa Mhe. Dkt. Samia Suluhu Hassan, Rais Wa Jamhuri ya Muungano wa Tanzania, amemshukuru kwa mhe Rais kwa kendelea kuelekeza miradi mbalimbali ya maendeleo yenye manufaa chanya kwa wakazi wa Mkoa wa Manyara.