Rais Samia Awateua Wabunge Sita wa Bunge la Jamhuri ya Muungano

Dodoma, 10 Novemba 2025 — Rais wa Jamhuri ya Muungano wa Tanzania, Mhe. Dkt. Samia Suluhu Hassan, amefanya uteuzi wa wabunge sita wa Bunge la Jamhuri ya Muungano wa Tanzania kwa mamlaka aliyopewa chini ya Ibara ya 66(1)(e) ya Katiba ya Jamhuri ya Muungano wa Tanzania ya mwaka 1977.

Kwa mujibu wa taarifa iliyotolewa na Ofisi ya Katibu Mkuu Kiongozi, Balozi Dkt. Moses M. Kusiluka, walioteuliwa ni:

1. Dkt. Dorothy Onesphoro Gwajima

2. Balozi Mahmoud Thabit Kombo

3. Balozi Dkt. Bashiru Ally Kakurwa

4. Bw. Abdullah Ali Mwinyi

5. Balozi Khamis Mussa Omar

6. Dkt. Rhimo Simeon Nyansaho

Taarifa hiyo imeeleza kuwa uteuzi huo umefanyika kwa mujibu wa mamlaka ya kikatiba ya Rais katika kuteua wabunge watano wasiozidi, ambao anaona wanafaa kuliwakilisha Taifa kwa maslahi mapana ya umma.

Balozi Dkt. Kusiluka amesema uteuzi huo unaanza mara moja, na ameongeza kuwa serikali inaamini wabunge hao wapya wataongeza nguvu katika majadiliano ya kitaifa, utungaji wa sera, na ufuatiliaji wa utekelezaji wa mipango ya maendeleo ya nchi.

Uteuzi huu ni miongoni mwa hatua zinazolenga kuimarisha uwakilishi wa makundi mbalimbali ndani ya Bunge, sambamba na kukuza ufanisi wa utendaji wa serikali katika kipindi hiki cha utekelezaji wa miradi ya kimkakati ya taifa.

Taarifa imetolewa na:

Ofisi ya Katibu Mkuu Kiongozi, Ikulu – Chamwino, Dodoma.

Tarehe: 10 Novemba 2025