Wabunge 27 wa Majimbo Tanzania Bara Wakosa Uteuzi wa Kugombea Kura za Maoni CCM

Na Mwandishi Wetu – Dodoma.

Chama Cha Mapinduzi (CCM) kimeendelea na mchakato wake wa ndani wa kuwachuja wagombea wa nafasi za ubunge kuelekea Uchaguzi Mkuu wa 2025, ambapo orodha ya awali imebainisha jumla ya wabunge 27 wa sasa kutoka majimbo mbalimbali ya Tanzania Bara ambao hawakuteuliwa kuendelea katika hatua ya kupigiwa kura za maoni.

Wabunge hao ni miongoni mwa wale waliokuwa wakihudumu katika majimbo yao kuanzia mwaka 2020 lakini sasa hawakupitishwa katika hatua ya awali ya mchujo, hali inayoashiria mabadiliko makubwa ndani ya chama kuelekea uchaguzi ujao.

Orodha kamili ya Wabunge waliokosa uteuzi wa awali ni kama ifuatavyo:

1. Mhe. Mrisho Mashaka Gambo – Arusha Mjini

2. Mhe. Emanuel Ole Shangai – Ngorongoro

3. Mhe. Mohamed Lujuo Moni – Chemba

4. Mhe. Nicodemus Maganga – Mbogwe

5. Mhe. Justine Nyamoga – Kilolo

6. Mhe. Stephen Byabato – Bukoba Mjini

7. Mhe. George Ndaisaba Ruhoro – Ngara

8. Mhe. Zuberi Mohammed Kuchauka – Liwale

9. Mhe. Pauline Gekul – Babati Mjini

10. Mhe. Flatey Maasai – Mbulu Vijijini

11. Mhe. Christopher Ole Sendeka – Simanjiro

12. Mhe. Vedastus Matayo Manyinyi – Musoma Mjini

13. Mhe. Luhaga Joelson Mpina – Kisesa

14. Mhe. Godwin Kunambi – Mlimba

15. Mhe. Geoffrey Mwambe – Masasi

16. Mhe. Cecil Mwambe – Ndanda

17. Mhe. Anjelina Mabula – Ilemela

18. Mhe. Mansour Shanif Hirani – Kwimba

19. Mhe. Hassan Zidadu Kungu – Tunduru Kaskazini

20. Mhe. Iddi Mpakate – Tunduru Kusini

21. Mhe. Iddi Kassim Iddi – Msalala

22. Mhe. George Mwenisongole – Mbozi

23. Mhe. Seif Hamisi Gulamali – Manonga

24. Mhe. Omar Shekilindi – Lushoto

25. Mhe. Januari Makamba – Bumbuli

26. Mhe. Alfred Kimea – Korogwe Mjini

27. Mhe. Twaha Mpembenwe – Kibiti

Kwa mujibu wa vyanzo vya ndani ya chama, mchakato wa uteuzi unalenga kuwapa nafasi wagombea wenye mvuto zaidi kwa wapiga kura, weledi na wale watakaoweza kutekeleza ilani ya chama kwa ufanisi mkubwa.

Hali hii inaonyesha dhamira ya CCM ya kufanya mabadiliko na kusikiliza sauti ya wananchi katika ngazi za chini kwa kuhakikisha wagombea wake wanakidhi matarajio ya wapiga kura.

Mchakato wa kura za maoni unatarajiwa kuendelea kwa mikoa yote ya Tanzania Bara na Visiwani huku macho yote yakiwa kwa wagombea watakaoibuka kidedea kupeperusha bendera ya chama hicho tawala katika Uchaguzi Mkuu wa 2025.

Je, watarudi kwa tiketi nyingine? Je, majimbo yao yatazidi kubaki CCM? Tafakari.