TPDC YATUMIA DOLA ZA KIMAREKANI BILIONI 1.225 KWA AJILI YA MRADI WA BOMBA LA GESI

 Mwenyekiti wa Bodi ya Shirika la Maendeleo ya Petroli Nchini (TPDC), Michael Mwande akizungumza na waandishi wa habari (hawapo pichani) wakati wa kuzungumzia mradi wa bomba la gesi kutoka Mtwara hadi Dar es Salaam ambapo ujenzi huo umefikia asilimia 94.

 Kaimu Mkurugenzi Mkuu wa Shirika la Maendeleo ya Petroli Nchini (TPDC),James Andilile akifafanua jambo mbele ya waandishi wa habari (hawapo pichani) wakati wa kuzungumzia mradi wa bomba la gesi kutoka Mtwara hadi Dar es Salaam ambapo ujenzi huo umefikia asilimia 94. wengine pichani ni  Mwenyekiti wa Bodi ya Shirika la Maendeleo ya Petroli Nchini (TPDC), Michael Mwande (katikati) na Kaimu Meneja Mkuu wa GASCO,Kapwalya Mhisomba (kushoto).

Na Mwandishi Wetu.

Zaidi ya Dollar za kimarekani Milion 1225 zimetumika katika kukamilisha mradi wa ujenzi wa mitambo ya kusafisha gesi asilia ambao umeanzia Mtwara hadi Dar es Salaam.

Mradi huo umekuwa na malengo mbalimbali ikiwemo kupunguza utegemezi wa umeme unaozalishwa kwa kutumia maji ambapo unaathiriwa na mabadiliko ya tabia ya nchi kama ukame pamoja na kuvutia uwekezaji katika shughuli za utafutaji mafuta na gesi asilia nchini.

Akitolea ufafanuzi kuhusiana na mradi huo Injinia Kapulya Musomba ambaye pia ni meneja Mkuu katika kampuni Tanzu ya TPDC (Gasco) amesema kwamba kukamilika kwa mradi huo kwa upande wa songosongo kumeleta unafuu mkubwa katika shughuli za uzalishaji umeme kwani takriban megawati 300 zinazalishwa kila siku kwa kutumia gesi asilia.

Aidha Injinia Musomba amesema kwamba ujenzi wa bomba la gesi kwa hapa nchini la inchi 36 limejengwa kwa wastani wa kiwango cha asilimia 14.5 ambapo ipo chini ya kiwango cha wastani ya gharama za kimataifa.

Hadi sasa Mradi huo umekamilika kwa asilimia 97 ambapo Tpdc wanatarajia kukabidhiwa rasmi Juni mwaka huu.