Articles by "MAMA SAMIA SULUHU"
Showing posts with label MAMA SAMIA SULUHU. Show all posts

Kajunason at 0


Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Katibu Mkuu wa Shirika la Umoja wa Mataifa la Utalii (UN Tourism), Bi. Shaikha Nasser Al Nowais pembezoni mwa mkutano wa Jukwaa la Serikali za Dunia (WGS2026), tarehe 3 Februari, 2026 Madinat Jumeirah, Dubai, Umoja wa Falme za Kiarabu (UAE). 

Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Katibu Mkuu wa Shirika la Umoja wa Mataifa la Utalii (UN Tourism), Bi. Shaikha Nasser Al Nowais pembezoni mwa mkutano wa Jukwaa la Serikali za Dunia (WGS2026), tarehe 03 Februari, 2026 Madinat Jumeirah, Dubai, Umoja wa Falme za Kiarabu (UAE), ambapo walijadili kuhusu kuimarisha ushirikiano wa Tanzania na UN Tourism katika undeshaji wa shughuli za utalii, ikiwemo utekelezaji wa miradi mikubwa ya kimkakati katika sekta hiyo nchini. 
Continue reading

Kajunason at 0
Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, leo amezindua rasmi Mpango Mkakati wa Kitaifa wa Kisayansi wa Kujenga Umahiri wa Kusoma, Kuandika na Kuhesabu (KKK) kwa watoto wa elimu ya awali na wanafunzi wa darasa la kwanza hadi la pili, uzinduzi uliofanyika katika Ukumbi wa Mikutano wa Julius Nyerere, jijini Dar es Salaam.

Akizungumza wakati wa uzinduzi huo, Rais Dkt. Samia amesema Mkakati wa KKK ni miongoni mwa ahadi zake za siku 100 alizozitoa wakati wa kampeni za Uchaguzi Mkuu wa mwaka 2025, akisisitiza kuwa msingi wa elimu bora hujengwa katika hatua za awali za ujifunzaji.
Rais amesema mkakati huo unaratibiwa na Ofisi ya Waziri Mkuu – Tawala za Mikoa na Serikali za Mitaa (TAMISEMI) kwa kushirikiana na Wizara ya Elimu, Sayansi na Teknolojia pamoja na wizara na taasisi nyingine zinazohusika na maendeleo ya awali ya mtoto, ili kuhakikisha utekelezaji wake unakuwa wa pamoja na wenye tija.

Amesema mtoto anayekosa stadi za msingi za kusoma, kuandika na kuhesabu mapema hukumbwa na changamoto kubwa katika masomo ya juu zaidi, hali inayomfanya kubaki nyuma kielimu. Aidha, Rais amesisitiza umuhimu wa kuhakikisha watoto wote wanapata umahiri wa KKK kabla ya kufika darasa la tatu ili waweze kujifunza kwa ufanisi katika ngazi zinazofuata.
Katika maelekezo yake, Rais Dkt. Samia ameiagiza Wizara ya Elimu, Sayansi na Teknolojia kushirikiana na TAMISEMI kuhakikisha maandalizi na utekelezaji wa mkakati huo yanafanyika kwa kutumia mbinu shirikishi, bunifu na za kisasa, ikiwemo matumizi ya zana na nyenzo za kufundishia zinazowavutia watoto.

Rais pia amesisitiza kuimarishwa kwa mifumo ya ukaguzi wa elimu, tathmini za mapema na endelevu za ujifunzaji pamoja na ufuatiliaji wa karibu wa utekelezaji wa mkakati huo ili kubaini changamoto kwa wakati na kuchukua hatua stahiki.

Amesema Mkakati wa KKK utatekelezwa kwa kipindi cha miaka mitano kuanzia mwaka wa fedha 2026/2027 hadi 2030/2031, sambamba na uwekezaji mkubwa unaoendelea kufanywa katika sekta ya elimu ikiwemo ujenzi wa madarasa, kuajiri walimu wapya pamoja na kuimarisha rasilimali watu. Rais amebainisha kuwa Serikali imeajiri walimu 7,000 wa masomo ya Sayansi na Hisabati, ambapo walimu 6,044 tayari wameanza kazi.

Aidha, Rais Dkt. Samia ametambua mchango wa sekta binafsi na wadau wa maendeleo katika kuunga mkono utekelezaji wa mkakati huo, akisisitiza umuhimu wa ushirikiano wa pamoja katika kufanikisha malengo ya maendeleo ya elimu nchini.
Kwa upande wake, Waziri wa Elimu, Sayansi na Teknolojia, Profesa Adolf Mkenda, amesema utekelezaji wa Mkakati wa KKK unaenda sambamba na maboresho ya miundombinu ya elimu, sera ya elimu na mafunzo ya mwaka 2014 (Toleo la 2023), Dira ya Taifa ya Maendeleo 2050 pamoja na Lengo Namba Nne la Malengo ya Maendeleo Endelevu (SDG4) linalohusu elimu bora.

Profesa Mkenda ameongeza kuwa mkakati huo unaweka mkazo katika uwajibikaji, uwazi na kuzingatia matokeo halisi ya ujifunzaji wa watoto badala ya taarifa pekee, ili kuhakikisha watoto wote wanapata stadi stahiki za kusoma, kuandika na kuhesabu mapema.

Mpango Mkakati wa Kitaifa wa Kisayansi wa Kujenga Umahiri wa Kusoma, Kuandika na Kuhesabu (KKK) unalenga kubadilisha kwa kiasi kikubwa matokeo ya ujifunzaji wa awali nchini, sambamba na mchango wa Tanzania katika utekelezaji wa Ajenda ya Afrika 2063.

Continue reading

Kajunason at 0
Rais wa Jamhuri ya Muungano wa Tanzania, Mhe. Dkt. Samia Suluhu Hassan akicheza pamoja na kikundi cha ngoma za asili cha Wanafunzi wa Shule ya Msingi Kisutu mara baada ya kuwasili katika viwanja vya Baraza la Mitihani Tanzania (NECTA), tarehe 29 Januari, 2026.



Continue reading

Kajunason at 0

Na Mwandishi Wetu.

Rais wa Jamhuri ya Muungano wa Tanzania Dkt. Samia Suluhu Hassan ametoa zawadi kwa wanafunzi wenye uhitaji maalum katika shule ya Msingi Mazinyungu, Wilayani Kilosa ikiwa ni sehemu ya tukio la kumbukizi ya siku ya kuzaliwa Januari 27, 2026.

Zawadi hizo zilizokabidhiwa na Mkuu wa Wilaya Kilosa Shaka Hamdu Shaka ni pamoja na Magodoro, Mashuka,Vyandarua, Sabuni za kufuli na kuogea, Mafuta maalum kwa wenye ulemavu wa ngozi pamoja na Chakula.

Tukio hilo adhimu ni sehemu ya kumbukizi ya siku ya kuzaliwa Rais wa Jamhuri ya Muungano wa Tanzania Mhe. Dkt. Samia Suluhu Hassan alizaliwa tarehe 27 Januari, 1960 katika Kijiji cha Kizimkazi, Mkoa wa Kusini Unguja, Zanzibar. 

Watoto hao wenye uhitaji maalum pia walikata keki ikiwa ni ishara ya kuungana na Mhe Rais Samia katika siku yake hii kwenye safari ya maisha yake.

Continue reading

Kajunason at 0

Na Mwandishi Wetu, Zanzibar.

Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan,ametoa tuzo kwa Kampuni ya Bia ya Serengeti (SBL) ikiwa ni kutambua mchango mkubwa wa kampuni na wadau wengine katika juhudi zao za uhifadhi wa mazingira na kuliletea taifa maendeleo endelevu.

Tuzo hiyo ya kihistoria Pongezi ambao ni ya kwanza kwa SBL kutolewa na kingozi mkuu wa nchi, zinaonesha dhamira ya dhati ya kampuni hiyo katika utekelezaji wa mipango ya Mazingira, Jamii na Utawala Bora (ESG).
Kupitia programu zake mbalimbali, SBL hadi sasa imefanikiwa:

● Kupanda miti zaidi ya 10,000 katika Kanda ya Kaskazini na Kanda ya Kati

● Kutekeleza miradi ya maji safi na salama zaidi ya 28 kwa jamii zinazozunguka maeneo yake ya uzalishaji

● Kuwekeza katika kilimo endelevu kwa kuunga mkono vijana zaidi ya 300 kupitia mpango wa Kilimo Viwanda

Aidha, SBL imeanzisha mpango wa Shamba ni Mali, unaolenga kuwapatia wakulima mbolea, mbegu bora, teknolojia ya kisasa na elimu ya kilimo, na lengo la kuwafikia wakulima zaidi ya 4,000 ifikapo mwaka 2030.

Utambuzi huu unaakisi mchango wa SBL kama mdau anayejali mazingira na kuthamini jamii anazozihudumia, sambamba na kuunga mkono ajenda ya Taifa ya maendeleo endelevu

Continue reading

Kajunason at 0


Rais wa Jamhuri ya Muungano wa Tanzania, Mhe. Dkt. Samia Suluhu Hassan akipanda mti wa Muembe (Mangifera indica) katika eneo la Bungi Kilimo, Mkoa wa Kusini Unguja tarehe 27 Januari, 2026, wakati wa kumbukumbu ya siku yake ya kuzaliwa. Rais Mhe. Dkt. Samia alizaliwa tarehe 27 Januari, 1960 katika Kijiji cha Kizimkazi, Mkoa wa Kusini Unguja, Zanzibar.

Continue reading

Kajunason at 0
Zanzibar. Kamati Kuu ya Halmashauri Kuu ya Taifa ya Chama Cha Mapinduzi (CCM) imepitisha majina ya wanachama walioteuliwa kugombea nafasi mbalimbali za uongozi wa chama na uwakilishi katika Bunge la Jamhuri ya Muungano wa Tanzania na Baraza la Wawakilishi, kufuatia kikao chake kilichofanyika Januari 25, 2026 mjini Zanzibar.

Kwa mujibu wa taarifa kwa umma iliyotolewa na Katibu wa Halmashauri Kuu ya CCM Taifa (NEC) – Itikadi, Uenezi na Mafunzo, Kenani Labani Kihongosi, uteuzi huo umezingatia taratibu na kanuni za chama, pamoja na vigezo vya uwakilishi wa kijinsia na makundi mbalimbali.

Wagombea kutoka Tanzania Bara

Katika nafasi za Wajumbe wa Halmashauri Kuu ya CCM Taifa wanaotokana na Bunge kutoka Tanzania Bara, Kamati Kuu imepitisha:

● Wanaume (nafasi 2): Paul Christian Makonda na Livingstone Joseph Lusinde

● Wanawake (nafasi 1): Asia Abdulkarim Halamga

Wagombea kutoka Zanzibar

Kwa upande wa Zanzibar, walioteuliwa ni:

Wajumbe wa NEC kutoka Bunge:

● Wanaume: Khamis Mussa Omar

● Mwanamke: Tauhida Cassian Galos

Nafasi nyingine za kitaifa

Katika nafasi ya Katibu wa Wabunge wote wa CCM, ameteuliwa Agnes Elias Hokororo.

Kwa nafasi za Wenyeviti wa Bunge, waliopitishwa ni:

● Najma Murtaza Giga

● Deodatus Philippo Mwanyika

● Cecilia Daniel Pareso

Kwa upande wa Baraza la Wawakilishi Zanzibar, walioteuliwa ni pamoja na:

Wajumbe wa NEC kutoka Baraza la Wawakilishi:

● Wanaume: Said Ali Juma na Hamza Hassan Juma

● Mwanamke: Lela Muhamed Mussa

Aidha, Kamati Kuu imepitisha pia majina ya wawakilishi wa CCM watakaoingia Bungeni kwa mujibu wa Katiba ya Jamhuri ya Muungano wa Tanzania, akiwemo:

● Wanaume: Bakar Hamad Bakar, Dkt. Shaame Ali Ali, na Simai Mohammed Said

● Mwanamke: Fatma Ramadhan Mandoba

Nafasi ya Katibu wa Wawakilishi wote wa CCM imeenda kwa Machano Othman Said, huku nafasi za Wenyeviti wa Baraza la Wawakilishi zikiwapitisha Mahmoud Omar Hamad na Hudhaima Mbarak Tahir.

Mchakato wa Uchaguzi Mdogo Peramiho

Katika taarifa hiyo, Kamati Kuu imefanya pia uteuzi wa mgombea wa CCM katika uchaguzi mdogo wa Jimbo la Peramiho (Mkoa wa Ruvuma), na kumpitisha Dkt. Lazaro Killian Komba kugombea ubunge, kufuatia mamlaka ya Katiba ya CCM ya mwaka 1977 (Toleo la Julai 2025).

CCM yasema ni kuimarisha demokrasia ya ndani

Taarifa hiyo imeeleza kuwa uteuzi huo una lengo la kuimarisha uwakilishi, kuongeza ufanisi wa uongozi na kuendeleza misingi ya demokrasia ya ndani ya chama, sambamba na kuhakikisha makundi yote yanapata nafasi stahiki katika vyombo vya maamuzi.

CCM imewahimiza walioteuliwa kuzingatia maadili, umoja na mshikamano, huku ikiwataka wanachama na wananchi kuendelea kukiamini chama katika kuendeleza maendeleo ya taifa.

Continue reading

Kajunason at 0
Na Mwandishi Wetu, Zanzibar.

Rais wa Jamhuri ya Muungano wa Tanzania, Mhe. Dkt. Samia Suluhu Hassan, anatarajiwa kuongoza zoezi maalum la upandaji miti kitaifa litakalofanyika tarehe 27 Januari, 2026 katika eneo la Bungi Kilimo, Kizimkazi, Zanzibar, ikiwa ni sehemu ya kuadhimisha siku yake ya kuzaliwa.

Kwa mujibu wa taarifa iliyotolewa na Kurugenzi ya Mawasiliano ya Rais, Ikulu, zoezi hilo lenye kaulimbiu “Uzalendo ni Kutunza Mazingira, Shiriki Kupanda Miti” linaakisi dhamira ya Rais Samia katika kulinda na kutunza mazingira, ikiwa ni pamoja na kupanda miti, kulinda vyanzo vya maji, kuhifadhi uoto wa asili na kukabiliana na athari za mabadiliko ya tabianchi.

Taarifa hiyo imeeleza kuwa zoezi hilo si tu la kumbukumbu ya siku ya kuzaliwa kwa Rais, bali pia ni ishara ya uwajibikaji wa pamoja na fursa kwa wananchi wote kushiriki kikamilifu katika kulinda na kutunza mazingira kwa manufaa ya kizazi cha sasa na kijacho.

Aidha, Rais Samia ametoa wito kwa Watanzania wote kuendelea kujenga utamaduni wa kulinda mazingira kwa kupanda miti mara kwa mara, akisisitiza kuwa ulinzi wa mazingira ni msingi wa maisha, maendeleo na usalama wa taifa.

Kurugenzi ya Mawasiliano ya Rais, Ikulu, imewahimiza wananchi, taasisi, mashirika pamoja na wadau wa mazingira kuunga mkono juhudi hizo kwa kushiriki katika utekelezaji wa agenda ya uhifadhi wa mazingira, ikiwemo kampeni ya kupanda angalau mti mmoja nyumbani, shuleni, kazini na katika maeneo ya jamii.

Taarifa hiyo imetolewa Zanzibar tarehe 22 Januari, 2026 na kusainiwa na Mkurugenzi wa Mawasiliano ya Rais, Ikulu, Bakari S. Machumu.

Continue reading

Kajunason at 0
Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Mabalozi wanaowakilisha nchi zao Tanzania, Wawakilishi wa Mashirika ya Kimataifa, pamoja na Wawakilishi wa Heshima katika sherehe ya Mwaka Mpya kwa Mabalozi (Diplomatic Sherry Party) iliyofanyika kwa mara ya kwanza Ikulu ya Chamwino, Dodoma tarehe 15 Januari, 2026.
Mabalozi wanaowakilisha nchi zao Tanzania, Wawakilishi wa Mashirika ya Kimataifa, pamoja na Wawakilishi wa Heshima wakiwa kwenye sherehe ya Mwaka Mpya kwa Mabalozi (Diplomatic Sherry Party) iliyofanyika kwa mara ya kwanza, Ikulu ya Chamwino, Dodoma tarehe 15 Januari, 2026.
Amidi wa Mabalozi ambaye pia ni Balozi wa Comoro nchini Tanzania Mhe. Ahmada El Badaoui Mohamed Fakih, akizungumza kwenye sherehe ya Mwaka Mpya kwa Mabalozi (Diplomatic Sherry Party) iliyofanyika kwa mara ya kwanza, Ikulu ya Chamwino, Dodoma tarehe 15 Januari, 2026.
Rais wa Jamhuri ya Muungano wa Tanzania Mhe. Dkt. Samia Suluhu Hassan akiwa kwenye sherehe ya Mwaka Mpya kwa Mabalozi (Diplomatic Sherry Party) iliyofanyika kwa mara ya kwanza, Ikulu ya Chamwino, Dodoma tarehe 15 Januari, 2026.
Waziri wa Mambo ya Nje na Ushirikiano wa Afrika Mashariki Mhe. Balozi Thabit Kombo akizungumza kwenye sherehe ya Mwaka Mpya kwa Mabalozi (Diplomatic Sherry Party) iliyofanyika kwa mara ya kwanza, Ikulu ya Chamwino, Dodoma tarehe 15 Januari, 2026.
Rais wa Jamhuri ya Muungano wa Tanzania Mhe. Dkt. Samia Suluhu Hassan akiwa na Amidi wa Mabalozi ambaye pia ni Balozi wa Comoro nchini Tanzania Mhe. Ahmada El Badaoui Mohamed Fakih, Waziri wa Mambo ya Nje na Ushirikiano wa Afrika Mashariki Mhe. Balozi Thabit Kombo, Katibu Mkuu Kiongozi Mhe. Balozi Dkt. Moses Kusiluka, Katibu Mkuu Ikulu Ndugu Mululi Majula Mahendeka kwenye picha ya pamoja na Mabalozi wanaowakilisha nchi zao Tanzania katika sherehe ya Mwaka Mpya kwa Mabalozi (Diplomatic Sherry Party), Ikulu ya Chamwino, Dodoma tarehe 15 Januari, 2026.
Rais wa Jamhuri ya Muungano wa Tanzania Mhe. Dkt. Samia Suluhu Hassan akiwa na Amidi wa Mabalozi ambaye pia ni Balozi wa Comoro nchini Tanzania Mhe. Ahmada El Badaoui Mohamed Fakih, Waziri wa Mambo ya Nje na Ushirikiano wa Afrika Mashariki Mhe. Balozi Thabit Kombo, Katibu Mkuu Kiongozi Mhe. Balozi Dkt. Moses Kusiluka, Katibu Mkuu Ikulu Ndugu. Mululi Majula Mahendeka kwenye picha ya pamoja na Wawakilishi wa Heshima na Kaimu Mabalozi katika sherehe ya Mwaka Mpya kwa Mabalozi (Diplomatic Sherry Party), Ikulu ya Chamwino, Dodoma tarehe 15 Januari, 2026.
Rais wa Jamhuri ya Muungano wa Tanzania Mhe. Dkt. Samia Suluhu Hassan akiwa na Amidi wa Mabalozi ambaye pia ni Balozi wa Comoro nchini Tanzania Mhe. Ahmada El Badaoui Mohamed Fakih, Waziri wa Mambo ya Nje na Ushirikiano wa Afrika Mashariki Mhe. Balozi Thabit Kombo, Katibu Mkuu Kiongozi Mhe. Balozi Dkt. Moses Kusiluka, Katibu Mkuu Ikulu Ndugu. Mululi Majula Mahendeka kwenye picha ya pamoja na Wakuu wa Mashirika ya Kimataifa katika sherehe ya Mwaka Mpya kwa Mabalozi (Diplomatic Sherry Party), Ikulu ya Chamwino, Dodoma tarehe 15 Januari, 2026.
Continue reading

Kajunason at 0
Buyu, Zanzibar

Rais wa Jamhuri ya Muungano wa Tanzania, Mhe. Dkt. Samia Suluhu Hassan, amesema Serikali imedhamiria kufanya mageuzi makubwa katika sekta za elimu, sayansi, utafiti na ubunifu ili kujenga uchumi imara, shindani na endelevu, unaowanufaisha Watanzania kwa upana zaidi.

Rais Samia ameyasema hayo Januari 8, 2026, katika eneo la Buyu, visiwani Zanzibar, mara baada ya kuzindua Jengo la Taaluma na Utawala la Taasisi ya Sayansi za Bahari Zanzibar (UDSM–IMS). Amesisitiza kuwa taasisi hiyo ni mdau muhimu wa Serikali katika kukuza uchumi shirikishi, hususan uchumi wa buluu, unaotegemea rasilimali za bahari.

Amesema uwepo wa IMS utaimarisha uvuvi endelevu, utalii wa baharini, pamoja na ulinzi na matumizi bora ya rasilimali za bahari, hivyo kuchangia moja kwa moja katika kukuza pato la Taifa na ustawi wa wananchi.
Katika hotuba yake, Rais Samia ameipongeza Wizara ya Elimu, Sayansi na Teknolojia kwa usimamizi mzuri wa Mradi wa Elimu ya Juu kwa Mageuzi ya Kiuchumi (HEET), akisema mradi huo umeleta matokeo chanya katika miundombinu na ubora wa elimu ya juu nchini. Aidha, amewahimiza vijana kutumia fursa zilizopo kupata elimu na ujuzi unaokidhi mahitaji ya soko la ajira.

Rais pia amewapongeza viongozi na watumishi wa Chuo Kikuu cha Dar es Salaam (UDSM) kwa kukamilisha mradi huo kwa wakati na kwa viwango vya juu, huku akiishukuru Benki ya Dunia kwa kuendelea kushirikiana na Serikali katika utekelezaji wa Mradi wa HEET.

Aidha, amewataka wahadhiri na watafiti kuimarisha ushirikiano na sekta binafsi ili tafiti na bunifu zitakazofanywa ziweze kuleta matokeo ya moja kwa moja katika maendeleo ya Taifa. Vilevile, amewahimiza wanafunzi kuwa walinzi na mabalozi wa rasilimali za bahari kwa manufaa ya kizazi cha sasa na kijacho.

Kwa upande wake, Mkuu wa Chuo Kikuu cha Dar es Salaam, Rais Mstaafu Dkt. Jakaya Mrisho Kikwete, amesema ameiomba Serikali kushirikiana na Benki ya Dunia ili kuanzisha Awamu ya Pili ya Mradi wa HEET, itakayowezesha kukamilisha maeneo ya utekelezaji ambayo bado hayajakamilika.

Dkt. Kikwete amesema majengo mapya yaliyozinduliwa ni msingi muhimu wa kuendeleza tafiti za kisasa, kutoa mafunzo bora na kukuza uchumi wa buluu, sambamba na kuchochea maendeleo ya Zanzibar na Tanzania kwa ujumla.

Naye Makamu Mkuu wa Chuo Kikuu cha Dar es Salaam, Profesa William Anangisye, amesema uwekezaji huo utaongeza kwa kiasi kikubwa idadi ya wanafunzi katika Taasisi ya Sayansi za Bahari (IMS). Amesema kwa sasa IMS ina uwezo wa kudahili takribani wanafunzi 172 kwa mwaka, lakini baada ya kukamilika kwa miundombinu hiyo, uwezo utaongezeka hadi wanafunzi 472 kwa mwaka, sawa na ongezeko la wanafunzi 300.

Prof. Anangisye ameongeza kuwa IMS inaingia awamu mpya ya maendeleo kufuatia uzinduzi wa miundombinu ya kisasa katika eneo la Buyu, pamoja na kuimarishwa kwa vituo vya Mizingani na Pangani, hatua itakayoongeza uwezo wa taasisi katika kufundisha, kufanya tafiti na kuendeleza bunifu zitakazochangia maendeleo ya Taifa.
Continue reading
Subscribe to: Comments (Atom)