UPDATES: ALLY YANGA AFARIKI DUNIA KWA AJALI YA GARI

Shabiki maarufu wa Yanga, Ally Mohamed a.k.a Ally Yanga amefariki dunia kwa ajali ya gari eneo la Chipogolo- Mpwapwa, Dodoma.

Kamanda wa polisi Mkoa wa Dodoma Lazaro Mambosasa amethibitisha kifo cha aliyekuwa shabiki maarufu wa klabu ya soka ya Yanga Ally Mohamed a.k.a Ally Yanga kilichotokea leo katika ajali ya gari aina ya Rav4 eneo la Chipogolo wilayani Mpwapwa mkoani Dodoma.

Ally Yanga ambaye pia ni mkereketwa wa Mwenge wa Uhuru alikutwa na mauti akiwa katika gari la kampuni ya Faidika ambalo lilikuwa kwenye promotion na sio kwamba alikuwa kwenye msafara wa Mwenge kama inavyoenezwa.