SBL YAMWAGA VIFAA VYA MICHEZO KWA TIMU YA BUNGE

Waziri Joel Bendera akizungumza mara baara ya kupokea vifaa hivyo kutoka kwa Teddy Mapunda meneja uhusiano wa SBL (katikati) na wa kwanza kulia ni Brand Manager wa kampuni hiyo Nandi Mwiyombela.

Naibu Waziri wa Habari Utamaduni na Michezo Mh. Joel Bendera akizungumza na waandishi wa habari katika ukumbi wa mikutano wa Wizara hiyo wakati alipokabidhiwa vifaa vya michezo na Kampuni ya Bia ya Serengeti leo asubuhi kwa ajili ya timu ya mpira wa miguu ya Bunge la Jamhuri ya Muungano la Tanzania inayokabiliwa na mchezo mkali utakaofanyika kati yake na timu ya Baraza la wawakilishi la Serikali ya Mpinduzi ya Zanzibar januari 12 mjini Zanzibar kabla ya mchezo wa fainali katika mashindano ya kombe la Muungano linaloendelea mjini humo katika kuadhimisha sikukuu ya Mapinduzi,

Timu hiyo yenye wachezaji 25 tayari imeshawasili mjini Zanzibar kujiandaa na mchezo huo huku ikiwa na mfungaji wake mahiri Mh. Abdull Mwinyi ambaye ni Mbuge wa bunge la Afrika Mashariki kutoka Tanzania.

Waziri Bendera amekabidhiwa Jezi 25 na Bukta zake Soksi 25 viatu pea 25 mipira 5 vikombe viwili na zawadi nyingine nyingi, Bendera pia ameitaka timu ya waandishi wa habari ya TASWA FC kujiandaa kwa ajili ya kukutana nao kwani wabunge hao wako tayari kucheza na waandishi wa habari wakati wowote na wataifunga tu timu hiyo ya TASWA FC.