BONDIA FRANCIS CHEKA WA TANZANIA AMCHAKAZA BONDIA PHIL WILLIAMS WA MAREKANI

Bondia Francis Cheka na Phil Wiliams wakirushiana makonde.

Waziri wa Habari,Vijana Utamaduni na Michezo, Dk Fenella Mukangara akimvisha Cheka mkanda kulia ni Rais wa WBF

Cheka akimnong'oneza jambbo Phil Williams baada ya pambano kumalizika

BONDIA wa Tanzania, Francis Cheka, ameendeleza ubabe wake baada ya kumtandika mpinzani wake Phil Williams katika pambano lao lililofanyika usiku wa kuamkia leo katika Ukumbi wa Diamond Jubilee, jijini Dar es Salaam.

Ushindi huo wa Cheka ni furaha kubwa kwa Watanzania wote, hususan wale wanaotokea mkoani Morogoro ambapo mkali huyo ndipo anapotokea kwenye mji huo.

Cheka alipata ushindi huo na kunyakua ubingwa wa Dunia wa WBF, baada ya kumpiga Williams kwa pointi kuonyesha kuwa yeye ni mkali na hana mpinzani hapa Tanzania.

Mbali na kufanikiwa kumchapa Mmarekani huyo, mara kwa mara Cheka amekuwa akiibuka na ushindi kila anapoingia ulingoni kupambana na mabondia wa Tanzania.