BENDI YA SKYLIGHT YAENDELEZA MASHAMBULIZI, YATAMBULISHA WIMBO WAO MPYA

Meneja wa bendi ya Skylight, Anneth Kushaba a.k.a AK 47 akiongea na waandishi wa habari wakati wakitambulisha wimbo wao mpya uitwao 'Nasaka Dhoughs'. Pembeni ni mwimbaji mwenzake Joniko flower. Utambulisho huo ulifanyika leo katika kiota cha Thai Village jijini Dar es Salaam.

 Meneja wa bendi ya Skylight, Anneth Kushaba a.k.a AK 47 akisisitiza jambo. Bendi yetu iko katika hatua za mwisho za kumalizia Album yetu yenye nyimbo nane na zote kali. Kwa sasa wameshatoa nyimbo mbili: Wivu na Carolina na leo wametambulisha wimbo wao wa tatu uitwao 'Nasaka Dhoughs'. 

"Kwa niaba ya Skylight Band nachukua nafasi hii kuwashukuru kwa kutupa support nzuri Bendi yetu mpya na changa katika fani ya muziki Tanzania. Bila nyie tusingeweza kufikia hapa tulipo tukiwa na mashabiki wengi wanaopenda mziki wetu na kujua taarifa mbalimbali za kazi yetu".

Pia waliwashukuru mashabiki na wapenzi wa bendi ya Skylight kwa ushirikiano wanaowaonyesha pamoja na uchanga wao.

Waimbaji wa bendi ya Skylight wakiwasha moto mbele ya waandishi wa habari wakati wakifanya utambulisho wa wimbo wao mpya uitwao 'Nasaka Dhoughs'. Bendi ya Skylight ilianzishwa mwaka 2012 mwezi wa 7 ambapo mpaka sasa imefikisha miezi nane tokea imeanzishwa na inawanamuziki wapatao 12.