PROF. TIBAIJUKA AMWAGA YA ROHONI

 Sehemu ya Waandishi wa Habari waliofika kwenye Mkutano huo ulioitishwa na Waziri wa Ardhi, Nyumba na Makazi, Profesa Anna Tibaijuka.

Waziri wa Ardhi, Nyumba na Makazi,Profesa Anna Tibaijuka akizungumza na waandishi wa habari kwenye hoteli ya Hyatt Regency,Jijini Dar es salaam leo.

---

Na Mwandishi Wetu, DAR ES SALAAM:

Siku chache baada ya Mwanasheria mkuu Jaji Fredrick Werema kujiuzuru Waziri wa Ardhi, Nyumba na Maendeleo ya Makazi, Profesa Anna Tibaijuka amejitokeza na kutoa msimamo wake kwamba hawezi kujiuzuru na wala hatarajii kufanya hivyo kutokana na kashfa ya Tegeta escrow kwani fedha alizopata ni mchango wa shule na si alipewa yeye binafsi.

Akizungumza na waandishi wa habari jijini Dar es Salaam, Profesa Tibaijuka amesema kuwa pamoja na kuwepo kwa shinikizo la kutaka kujiuzuru, yeye binafsi ameona hana sababu ya kufanya hivyo kwani kufanya hivyo ni kukubali kuwa amehusika moja kwa moja kwenye kashfa hiyo jambo ambalo si la kweli.

Profesa Tibaijuka ameelezea zaidi na kusema kuwa uvumi unaoendelea kusambazwa mitaani ni ishara mbaya kwani unawaaminisha wananchi kuwa amehusika katika sakata hilo wakati yeye hajahusika na jambo lolote .

Sakata la Tegeta Escrow limewahusisha viongozi wa serikali,dini pamoja na wafanyabiashara baadhi wakubwa ambapo hadi leo Mwanasheria Mkuu wa Serikali amejiuzuru.