TIGO YAKABIDHI SHULE ILIYOHARIBIWA NA MABOMU YA GONGO LA MBOTO

Mwakilishi wa Tigo Bw. Alex Msigara akiongea na Shule ya Msingi Pugu Kajiungeni wakati wakukabidhi madarasa leo jijini Dar es Salaam. Kulia kwake ni Mwalimu Mkuu Bi. Mariam Korongo, kushoto kwake ni Afisa Elimu, Vifaa na Takwimu Ilala Bw. Abilah Mchia.

Wanafunzi wa shule ya Msingi Pugu Kajiungeni jijini Dar es Salaam  wakiimba kuwakaribisha wageni katika hafla ya kukabidhi madarasa leo.

Afisa Elimu, Bw. Abilah Mchia akiongea na waandishi wa habari na walimu wakati Tigo wakikabidhi madarasa mawili ya Shule ya Msingi Pugu Kajiungeni jijini Dar es Salaam. Kulia kwake Bw. Alex Msigara wa Tigo na mwalimu mkuu Bi. Mariamu Korongo.

Mwalimu mkuu wa shule ya msingi Pungu kajiungeni ya jijini Dar es Salaam Bi. Mariamu Korongo akiongea na waandishi wa habari na walimu wakati Tigo wakikabidhi madarasa mawili katika shule yake.

Mwakilishi wa Tigo Bw. Alex Msigara akiongea na wanafunzi wa shule ya msingi msingi ya Pugu Kajiungeni.

Wanafunzi wa Shule ya Msingi ya Pugu Kajiungeni wakishangilia.

Mwakilishi wa Tigo, Bw. Alex Msigara akimkabidhi mwalimu mkuu wa shule ya Pugu Kajiungeni Bi Mariam Korongo, madaftari, kalamu za Tigo pamoja na T-shirt.

Mwalimu mkuu wa shule ya Pugu Kajiungeni Bi Mariam Korongo akionyesha madaftari, kalamu za Tigo pamoja na T-shirt alizopewa zawadi.

---

Kampuni ya simu za mkononi ya Tigo imekabidhi madarasa mawili kwa shule ya msingi Pugu Kajiungeni iliyopo eneo la Gongolamboto jijini Dar es salaam baada ya kumaliza ukarabati wa majengo ya shule hiyo yaliyoharibiwa na mlipuko wa mabomu yaliyolipuka katika kambi ya Gongolamboto mwezi May jijini Dar es Salaam.

Akizungumza mara baada ya kukabithi rasmi majengo hayo kwa mwalimu mkuu wa shule hiyo, Afisa viwango na mwakilishi wa kampuni ya simu za mikononi ya Tigo Alex Msigara amesema “Sisi kama kampuni ya simu za mikononi ya Tigo tuliguswa kwa namna ya kipekee na tukio hili hasa ukichukulia kuwa wahanga wakubwa walikuwa ni watoto ambao walitaharuki na kuanza kukimbia huku na huko, na wengine kushindwa kwenda shule kutokana na mjengo kuharibika hali iliyowaondolea amani wakiwa shule”

Alex akaongeza “Nadhani waandishi na wananchi wanaoipenda Tigo watakuwa ni mashahidi kuwa sisi tumekuwa mstari wa mbele katika kuchangia elimu hasa elimu ya msingi ambapo tumeweza kutoa vitabu na vibao vya mapajani siku chache zilizopita kwa baadi ya shule za msingi nchini kwani tunaamini watoto wakikua katika misingi yenye yenye uelekeo mzuri kielimu basi wao ndio watakaoijenga Tanzania nzuri siku za usoni”

Mwalimu mkuu wa shule ya msingi Pugu Kajiungeni Bi Mariam Korongo akitoa shukrani zake kwa Tigo amesema “kwa niaba ya walimu, wazazi wa wanafunzi na wanafunzi wenyewe wa shule ya msingi Pugu Kajiungeni, napenda kutoa shukrani zangu za dhati kwa msaada huu wa kutengenezewa madarasa haya mawili. Tunashukuru kuona kwamba taasisi binafsi zinakuwa zinaguswa na matatizo yanayozikumba jamii inayozizunguka kwani hiyo inapunguza mzigo kwa serikali ambayo inafanya juhudi kubwa katika kuhakikisha inaleta maendeleo nchini.”

Mwalimu mkuu akaongeza pia kuwa anafurahi kwamba Tigo wameweza kuwasaidia katika tatizo hilo la ukarabati wa majengo na kuziomba taasisi nyingine kuchangia sekta ya elimu katika shule mbalimbali kwani matatizo yanafanana nchini kote.

Mara baada ya tukio la mlipuko wa mabomu familia za maeneo yale zilipata misukosuko mbalimbali ikiwa ni pamoja na kupotezana kwa hofu, kuharibika kwa makazi na maeneo ya biashara, Tigo ilitembelea maeneo yale na kujionea jinsi uharibifu ulivyotokea na kuwapa mkono wa pole wahanga na namna ya pekee ikiwa ni pamoja na kuchukua jukumu la kukarabati majengo ya shule yaliyoharibiwa.