BENDI YA EXTRA BONGO YAPATA AJALI

Bendi ya Extra Bongo Next Level jana usiku wamepata ajali maeneo ya Magomeni kwenye mataa katika makutano ya barabara za Kawawa na Morogoro baada ya gari lao kugongwa na lori aina ya fuso na kusababisha majeraha kwa wanamuziki wa bendi hiyo.

Akidhibitisha kutokea kwa ajali hiyo kiongozi wa Bendi hiyo Bw. Ali Choki mzee wa Farasi wakati akiongea na Clouds Fm asubuhi ya leo jijini Dar alisema kuwa gari la wanamuziki hao lilipata ajali wakati walipokuwa wakirejea nyumbani baada ya kumalizika kwa onyesho lao lililokuwa likifanyika kwenye ukumbi wa Meeda Sinza jijini Dar es salaam.

Wanamuziki wangu kweli wamepata ajali maeneno ya Magomeni Mikumi na wapo hospitali ya Muhimbili, ambapo amesema Majeruhi wapo katika hospitali hiyo kwa matibabu zaidi na baadhi wamepata majeraha kwa ndani, na wanaendelea na matibabu.

Blog ya Habari na Matukio inawapa pole wanamuziki hao ili wapone na waendelee na majukumu yao.