KOCHA MPYA WA TIMU YA ZANZIBAR HEROS ATANGAZA KIKOSI CHAKE

Na Mohammed Mhina wa Jeshi la Polisi Zanzibar

Kocha mpya aliyetangazwa jana na ZFA, leo limetangaza kikosi kipya kitakachoshiki katika michuano ya Challenge baadaye mwaka huu.

Kocha huyo salim Bausi ambaye aliwahi kuzichezea timu kadhaa visiwani Zanzibar, amewataja wachezaji 26 kutoka timu mbali,mbali zikiwemo zinazoshiriki katika michuano ya Vodacom Tanzania Bara.

Waliotangazwa kujiunga na kikosi cha Zanzibar Heros kwa nafasi ya ugolikipa  ni Mwadin Ali kutoka Azam Dar es Salaam, Suleiman Hamad Brek Sera Zanzibar na Abdallah Juma kutoka timu ya Kipanga inayomilikiwa na JWTZ.

Katika safu ya ulinzi Kocha huyo huyo amewataja Nasoro Masudi toka timu ya Simba Dae es salaam, Samir Haji Nuhu toka Azam, Agrey Moris Azam, Nadiri Haroub Kanavaro kutoka timu ya Yanga ya Dar es Salaam, Aziz Shaweli Ali kutoka timu ya KMKM ya Zanzibar, Mohammed Juma Azan kutoka timu ya JKU Zanzibar na Ali Mohammed Seif wa timu ya Mtende Ranges Zanzibar. 

Wachezaji wa kiungo ni Hamad Mshamata wa Timu ya Chuoni Zanzibar, Ali Bakari Mtende Rangers Ishaka Mohammed wa JKU, Twaha Mohammed Mtibwa, Suleiman Kasim Selembe wa timu ya Coast Union ya Tanga, Sabri Ali Makame wa timu ya Zanzibar All Stars na Makame Gozi kutoka Timu ya Zimamoto na Uokoaji Zanzibar.

Wingine katika safu hiyo ya kiungo ni Issa Othman Ali wa timu ya Miembeni, Zanzibar,  Adeum Salehe wa timu ya Break Sela ya Zanzibar, Abraharim  Humudi na Hamissi Mcha Hamiss, kutoka katika timu ya Azam ya DSM.

Kocha huyo amewataja wachezaji wa nafasi ya Ushambuliaji kuwa ni Amiri Hamad JKT Oljoro Arusha, Jaku Juma Jaku wa Mafunzo, Abdallah Othuman wa Jamhuri Pemba, na aliyemtaja kwa jina moja la Nassoro wa timu ya JKU Unguja, na Faki Mwalim wa timu ya Chipukizi ya  Pemba.

Akizungumza na Waandishi wa Habari mjini Zanzibar, Kocha huyo amesema kuwa amepania timu yake kuchukua kombe la Challenge ili kukithi matakwa ya Rais wa Zanzibar Dk. Ali Mohammed Shein.

Naye Katibu Mkuu wa ZFA Kasim Haji, amewaomba wananchi wote wa Zanzibar wakiwemo Wafanyakazi wa Mashirika mbalimbali ya Umma na wale wa Serikali Zanzibar pamoja na Mawaziri na Wajumbe wa Baraza la Wawakilishi kuisaidia titu hiyo kwa michango ya hali na mali.

Amesema timu hiyo sio mali ya mtu mmoja ama ZFA peke yake, bali ni ya  Wazanzibar wote na hivyo hawanabudi kutoa michango yao ya hali na mali ili kuiwezesha timu hiyo ya Taifa ya Zainzibar kutekeleza agizo la Rais wa zanzibar Dk. Ali Mohammed Shein aliyetaka kuimarishwa kwa timu hiyo ili iweze kuleta kombe la Challenge mwaka huu.