UDOM YAIBUKA KIDEDEA KATIKA KINYANGANYIRO CHA REDDS UNI FASHION BASH 2011

  Mshindi wa kwanza wa shindano la wanamitindo lililojulikana kama 'Uni Fashion Bash',Respicious Denis (kushoto)kutoka Chuo Kikuu cha Dodoma (UDOM) akipokea zawadi yake ya shilingi laki tano kutoka kwa mwakilishi wa TBL kanda ya kati John Tesha, baada ya kutangazwa mshindi katika shindano hilo lililofanyika ukumbi wa Royal Village mjini Dodoma jana.

  Baadhi ya washiriki wa shindano la mitindo lililojulikana kama Uni Fashion Bash kutoka vyuo mbalimbali vya mjini Dodoma wakicheza wakati wa utambulisho lililofanyika Royal Village Dodoma jana.

  Baadhi ya washiriki wa shindano la mitindo lililojulikana kwa Uni Fashion Bash kutoka vyuo mbalimbali vya mjini Dodoma wakicheza wakati wa utambulisho wa shindano hilo lililofanyika kwenye ukumbi wa Royal Village mjini Dodoma jana.

  Baadhi ya washiriki wa shindano la ubunifuwa mavazi lililojulikana kwa Uni Fashion Bash kutoka vyuo mbalimbali vya mjini Dodoma wakitambulishwa jukwaani wakati wa shindano hilo.

  Mshindi wa kwanza wa ubunifu wa mavazi wa shindano la 'UNI fashion Bash' ,Irene Rwakatale (kushoto) akipokea akipokea zawadi yake ya shilingi laki saba kutoka kwa Meneja wa Redds, Victoria baada ya kutangazwa mshindi wa shindano hilo jana.

  Baadhi ya wanafunzi kutoka vyuo malimbali vya mjini Dodoma wakishangilia wakati wa shindano hilo.

  Baadhi ya wanafunzi kutoka vyuo mbalimbali vya mjini Dodoma wakishangilia wakati wa shindano hilo.

  Mwanamuziki wa kizazi kipya, Mwana FA, akishambilia jukwaa wakati wa shindano hilo.

Na Mwandishi wetu
MBUNIFU wa mavazi Irene Rwakatare juzi ameibuka kuwa mshindi katika shindano la wabunifu wa mavazi lililoshirikisha wabunifu 14 kutoka sehemu mbalimbali na wanamitindo 24  kutoka Vyuo mbalimbali vya Mjini Dodoma ambalo lilijulikana kwa jina la Uni Fashion Bash liliofanyika Royal Village mjini Dodoma .

IRENE alionekana kuwa mshindi baada ya majaji wanne kumpa kura kutokana na kile alichokionyesha kwenye shindano hilo na kujinyakulia kitita cha zawadi ya shilingi laki saba  usiku huo wa juzi  uliohudhuriwa na maelfu ya wanafunzi kutoka vyuo vyote vya mjini Dodoma.

Shindi wa pili katika wabunifu alikuwa Theresa Justo ambaye alijinyakulia shilingi laki tano,wa tatu Salim Twaha ambaye alipata laki tatu,wa nne Mary Mweleka alipata laki moja na watano Ally Mwenda ambaye pia alipata laki moja.

Upande wa wanamitindo aliyeibuka mshindi ni Respious Denis ambaye alijinyakulia zawadi ya shilingi laki tano na kufuatiwa na Nesia Kalatha ambaye alipata laki nne na wa tatu ni Prisila Mponega alipata laki tatu,wa nne Vakari Zuberi alipata laki moja na wa tano Miriam Mwaijange alipata laki moja pia.

Shindano hilo kwa ujumla lilikuwa la msisimko hivyo lilionekana kuleta upinzani hasa baina ya chuo na chuo hasa katika swala la wanamitindo kuona ni chuo kipi kitatoa mwanamitindo bora na msindi hivyo kufanya ushangiliaji kuwa wa hali ya juu.