WAZIRI WA MAMBO YA NDANI SHAMSI VUAI NAHODHA AMEFUNGUA MKUTANO WA WAMILIKI NA VIONGOZI WA VYAMA VYA ABIRIA

Waziri wa mambo ya ndani, Shamsi Vuai Nahodha amefungua mkutano wa wamiliki na viongozi wa vyama vya abiria, wenye lengo la kujadili kuhusu matumizi ya mfumo mpya wa ufuatiliaji wa mabasi yaendayo mikoani, wa CAR TRACK SYSTEMS.

Sambamba na hatua hiyo, Waziri Nahodha amewataka wamiliki na viongozi wa vyama vya Madereva, kushirikiana na serikali katika kukabiliana na tatizo la ajali za barabarani, ambazo zimekuwa zikisababisha wananchi wengi kupoteza maisha yao, na wengine wakiachwa majeruhi kutokana na ajali hizo.