MAPACHA WATATU WAJA NA BACK IN TOWN NDANI YA MANGO GARDEN OKTOBA 19, 2012

Na Mwandishi Wetu

BENDI ya Mapacha Watatu ‘Wakali wa Town’, wanatarajia kufanya onesho bab kubwa litakaloitwa Back in Town, Oktoba 19 mwaka huu katika Ukumbi wa Mango Gadern.

Akizungumza na vyombo vya habari meneja wa bendi hiyo, Hamisi Dakota alisema onesho hilo litakuwa la kwanza jijini Dar es Salaam, baada ya kuwa kwenye ziara ya Kampuni ya Vadocom, wakitangaza huduma ya M-Pesa mikoa mbalimbali.

 “Tutarejea Dar es Salaam hivi karibuni, hivyo mashabiki wetu wasubirie kuona mambo makubwa katrika onesho la Back in Town litakuwa bab kubwa,” alisema Dakota. Dakota alisema kuwa katika onesho hilo wanatarajiwa kusindikizwa na mwimbaji wa taarabu Isha Mashauzi.

“Hakuna asiejua kazi yetu na wala hakuna asiemjua Isha Mashauzi, mashabiki watarajie burudani safi kutoka kwetu,” aliongeza Dakota.

Pia onesho hilo litatumika kuwatambuliisha waimbaji, wapiga vyombo na wanenguaji wapya, ambao watajiunga kwenye bendi hiyo.