NAIBU WAZIRI UJENZI AKAGUA MAENDELEO YA MIRADI YA UJENZI WA BARABARA LEO JIJINI DAR

 Naibu waziri wa Ujenzi Gerson Lwenge (kushoto) akitoa maelekezo kwa mkandarasi anayejenga barabara inayopita eneo la Jangwani,Kigogo  na kuelekea kituo cha mabasi yaendayo mikoani cha ubungo yenye urefu wa km 6.4 Injinia Abdul Kimaro (kulia kwa naibu waziri)  leo wakati wa ziara ya kukagua maendeleo ya ujenzi wa miradi mbalimbali ya barabara jijini Dar es salaam.

Eneo la  Davis Corner, Vituka jijini Dar es salaam ambalo baadhi ya wakazi wanalitumia kutupia taka kinyume cha sheria. Eneo hili litajengwa mzunguko (Round  about) na kuyawezesha magari kupita katika eneo hilo na kupunguza msongamano wa magari katika eneo hilo katika mikakati inayoendelea ya kupunguza msongamano wa magari katika jiji la Dar es salaam.

---

 NAIBU Waziri wa Ujenzi, Gryson Lwenge  amesema serikali kwa kushirikiana na wakandarasi wa ndani na nje ya nchi watahakikisha wanakabiliana na tatizo la foleni jijini Dar es Salaam kwa kuimarisha miundo mbinu ya barabara.

Lwenge alisema hayo jijini Dar es Salaam, wakati wa ziara yake ya kukagua barabara ya Kigogo yenye kilometa 6.4 na ile ya Jet yenye umbali wa kilometa 10.

Alisema, Serikali itahakikisha inapambana na tatizo hilo kwa kuimarisha miundombinu yote ya barabara licha ya kukabiliwa na changamoto ya kifedha na wananchi kufungua kesi ya kupinga kubomolewa nyumba zao kupisha upanuzi huo.

Hata hivyo, alisema baadhi ya maeneo katika ujenzi wa barabara hizo, yamesimama kutokana na wananchi kufungua kesi.

Alisema, barabara hiyo ya Jet yenye kilometa 10 itagharimu zaidi ya shilingi bil. 12.

Ziara hiyo iliendelea katika daraja la Kigamboni, barabara ya Kilwa, mradi wa mabasi yaendayo kasi na barabara ya Mwenge na Tegeta.