UBINGWA WA SIMBA KUSHEREHEKEWA DAR LIVE MEI 27

Ezekiel Kamwaga (kulia) akiongea na waandishi wa habari (hawapo pichani). Kushoto kwake ni Mratibu wa Burudani wa Ukumbi wa Dar Live, Juma Mbizo.

---

KLABU  ya soka ya Simba ya jijini Dar es Salaam imepanga kufanya sherehe kubwa ya kutwaa ubingwa wa soka wa Ligi Kuu ya Vodacom katika Ukumbi wa Taifa wa Burudani wa Dar Live siku ya Mei 27, Jumapili, wiki hii.

Akiongea na waandishi wa habari leo mchana, Ofisa Habari wa klabu hiyo, Ezekiel Kamwaga,  alisema kuwa wameamua kufanya sherehe hizo ndani ya ukumbi huo kutokana na ubora wake.

Aidha Kamwaga alisema kuwa siku hiyo pia watawatambulisha wachezaji wapya waliosajiliwa kwa msimu ujao wa ligi na kuwataka wapenzi wa Simba  na wananchi wengine kujitokeza kwa wingi siku hiyo.